MIHKA 4:13 - Jinghpaw Hanson Version Bible

¹³ Ziun shayi sha e, rawt nna kabye u; na a nrung hpe, hpri, na lahkru hpe, magri, ngai shatai nna, nang gaw amyu baw law law hpe dup mani kau na mu ai: shanhte a sutgan hpe Yehowa a matu, shanhte a arung arai hpe, ginding aga ting a Madu ngu ai wa a matu, ngai majai kau na nngai.

Jinghpaw Common Language Bible 2009

¹³ Dai Madu gaw, “Yerusalem masha ni e, rawt sa nna na a gumlau hpyen ni hpe ari jaw u! Hpri nrung hte magri mang lahkru rawng ai usu zawn ngai nang hpe n-gun shaja ya na nngai. Nang gaw masha amyu baw law law ni hpe adup mani kau na ra ai; shanhte kashun kashe rai lu la ai sut gan hpe mungkan ting a Madu rai nga ai, ngai hpang de sa sak ya na mara ai,” ngu nna tsun ai.

MIHKA 4:13 ပူးပေါင်းရင်းမြစ်များ

SHAKAWN KUNGDAWN 24:1

Lamu ga hte de a yawng mayawng hta, Mungkan ga hte dai hta shanu nga ai ni nlang hte hpe, Yehowa madu nga ai.

SHAKAWN KUNGDAWN 68:29

Yerusalem mare e nga ai, na a Htingnu majaw, Hkawhkam ni nang hpe kumhpa sak na ma ai.

SHAKAWN KUNGDAWN 72:10

Tarshi hte zunlawng ni a hkawhkam ni kumhpa sak nna, Sheba hte Seba hkawhkam ni kang bang nga mu ga.

ESAIA 18:7

Dai aten e, hkum shing-yan galu ai hte hkum shan manen ai amyu, moi npawt kaw nna ya du hkra gumshem ai amyu, hpareng reng nna kabye kau chye ai hte, hkanu jahka kau ai mungdan a amyu kaw na, Zaw nawng zaw wa up ai Yehowa a matu, kumhpaw kumhpa langai mi, Zaw nawng zaw wa up ai Yehowa amying ningsang nga ai Ziun bum de, la sa na mara ai.

ESAIA 21:10

Ngai kabye ai yi hku hte, nye a chyarang e pru ai mam e, Zaw nawng zaw wa up ai, Israela Karai Kasang Yehowa kaw na ngai na la ai hte maren, ngai nang hpe htawn tsun dan ni ai.

ESAIA 23:18

Rai timung, shi hpaga ga ai hte shi lusha ai amyat, Yehowa matu chyoi pra nga na ra ai; dai hpe sutdek hta mahkawng da ai mung n rai, ga hta lup da ai mung n rai; Yehowa man e shanu nga ai ni gaw hkru hkru kat kat sha lu nna, tsawm ai hpun palawng bu hpun lu hkra, shi gaw hpaga ga na ra ai.

ESAIA 5:28

shanhte a pala ni masen nga nna, ndan ni mung shachyen nga ai: gumra lahkru ni gaw hpai lung hte bung nna, leng dingsen ni gaw bungsha zawn chyai nga ai:

YEREMIA 51:20

Hpyen sumdu kaba e, nang gaw nye a hpyen gasat rai, rai nga ndai: nang hpe ngai lang nna, amyu baw ni hpe agrawp kau na nngai; nang hpe ngai lang nna, hkawhkam mungdan ni hpe jahten shabyak kau na nngai:

YEREMIA 51:33

Kaning rai nme law, Israela Karai Kasang, Zaw nawng zaw wa up ai Yehowa ning nga ai: Babelon shayi sha gaw, mam kabye na chyarang zawn rai nga ai; gade n na yang, shi hpe mam zawn kabye na ra ai.

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

HOSEA 10:11

Ehprim gaw ni nna, mam kabye ra ai upra rai nga timung, ngai gaw shi a du bau ntsa e, kandang mara na nngai: Ehprim a du hta jawn ai wa ngai shalun na nngai; Yuda gaw hkaibang galau nna, Yaku gaw masit na ra ai.”

MIHKA 5:7

Naw ngam nga ai Yaku a masha ni gaw, masha amyu baw ni law law a ka-ang e, Yehowa kaw na hkrat ai mari hte, masha matu n hkring, shinggyim masha myit n hkan ai, tsingdu ntsa e htu ai marang zawn, tai na mara ai.

HABAKU 3:12

Nang gaw pawt sindawng let, mungdan hta jawt hkawm ndai; Myit kahtet let maigan amyu ni hpe, kabye adup ndai.

ZEHKARIA 12:3

Dai hta kaga, dai aten e ngai gaw, masha amyu ni mahkra a matu, Yerusalem mare hpe li la ai nlung shatai na nngai; dai nlung hpe hpai kau mayu ai ni yawng, hkala nba hkrum na mara ai: dai hpe dang kau na matu, ga ntsa amyu baw ni yawng rau zuphpawng na mara ai.

ZEHKARIA 12:6

“Dai aten e ngai gaw, Yuda du ni hpe, hpun sumpum kata e rawng ai wan htung hte, hkauling ka-ang na wan shanan zawn, shatai na nngai: shanhte gaw pai, hkra, grup yin e nga ai masha amyu ni mahkra hpe hkru kau na mara ai: Yerusalem masha ni chyawm gaw tinang a buga ngu ai, Yerusalem mare hta, naw a shanu nga na mara ai.

ZEHKARIA 4:14

Dai rai nna shi gaw, ‘Dai lakung yan gaw, mungkan ting a Madu man e tsap nga ai, namman chya hkam ai yan, rai nga ma ai,’ nga ai.”

ZEHKARIA 6:5

Lamu kasa gaw, “Dai leng ni gaw, ginding aga ting a Madu a man e tsap nga ai kaw na, pru wa ai, sumsing lamu na nbung mali rai nga ma ai.

1 KORINHTU 16:2

Ngai sa du ai shaloi e lahkawn shara n nga nga la u ga, bat shagu na shawng shani hta e, langai hte langai ngamu ngamai ai hte maren, tinang a alu mahkawng da nga ma la.

TARA JAHPRANG 33:25

Na a htinggrang ni gaw hpri hte magri rai na ra ai; Nang pra nga prat dingsa, na n-gun atsam mung ja nga na nit dai.

YAWSHU 6:19

Aja, gumhpraw yawng hte magri rai ahpri rai, Yehowa a matu chyoi pra nga ai: dai hte gaw Yehowa a sutdek hta bang da na rai nga ai,” ngu nna tsun mu ai.