MIHKA 4:11 - Jinghpaw Hanson Version Bible

¹¹ Ya e pyi, Ziun mare awu asin hkrum u ga, shi hta anhte a myit dik u ga, nga nna tsun ai maigan amyu ni law law, na a lam zuphpawng nga ma ai.

Jinghpaw Common Language Bible 2009

¹¹ Masha amyu baw ni law law nang hpe gasat na matu hpawng nga masai. Shanhte gaw, “Yerusalem gaw hten run mat ra ai! Ndai mare hten run taw nga ai hpe anhte mu lu na ga ai!,” ngu nna tsun ma ai.

MIHKA 4:11 ပူးပေါင်းရင်းမြစ်များ

SHAKAWN KUNGDAWN 129:5

Ziun hpe n dawng n yawt ai ni nlang hte gaw, Kaya kahpa hkrum nna, kanut mat wa mu ga.

SHAKAWN KUNGDAWN 83:5

Shanhte myit langai sha hte bawng nna, nang hpe gumlau ai ni a maga e ga shaka tawn da mu ai.

ESAIA 10:7

Rai timung, shi gaw dai lam n nawn, shi a kraw e dai hku n myit nga ai: masha amyu law law hpe jahten shabyak na hte shamyit kau na hkrai, shi myit ra nga ai.

ESAIA 17:12

Aka, nammukdara wu kadu ai zawn, masha amyu law law wu kadu nna, amyu baw ni gaw hka rum kaba zawn, wu nga ma ai:

ESAIA 29:7

Dai rai nna, Ariela hpe hpyen gasat ai hte, de a hpyen dap ni hpe wang tawn let, shi hpe sharu shatsang ai masha amyu ni a wunawng wuwa ni yawng, yup mang hte shana na shingran zawn tai na mara ai.

YEREMIA 52:4

Dai rai nna Babelon hkawhkam Nebuhkadneza gaw, Zedekia hkaw dung ai jahku ning na, shata shi a, nhtoi shi ya hta e, shi a hpyen luksuk ni hte rau, Yerusalem mare hpe lung gasat nna, de a grup yin e dap jung let, kaduk htu nhtawm,

EZEKELA 26:3

Madu Yehowa ning nga ai: Yu u, Turu mare e, ngai nang hpe hkap daw na nngai: nammukdara hta wa ai hka leng zawn, masha amyu law law hpe ngai nang hpang de shangun dat na nngai.

EZEKELA 38:17

“Madu Yehowa ning nga ai: Ngai nang hpe shanhte hpang de lung gasat shangun na nngai,’ nga nna moi shawng e law law ning myihtoi htoi ai, nye a shangun ma Israela myihtoi ni hpe, ngai madun dan ai shingran gaw, nang hpe sha-ang ai, n rai ni?

OBEDIA 1:12

Na nnau wa tsin-yam tsindam hkrum ai shani e, hkum yu sharawng et; Yuda kashu kasha ni hten byak hkrum ai nhtoi hta, hkum yu kabu et; shi ru tsang hkrum ai nhtoi hta, myit kaba ai ga hkum tsun et.

MIHKA 7:10

Dai shaloi ngai hpe hpyen ai wa dai lam mu mada nna, Na a Karai Kasang Yehowa kanang nga a ta? nga nna ngai hpe tsun ai num gaw, kaya kahpa hkrum na ra ai: nye a myi shi hta dik na ra ai; shi gaw mare lam a hkumpup zawn, kabye kau ai hkrum na ra ai.

ZEHKARIA 12:3

Dai hta kaga, dai aten e ngai gaw, masha amyu ni mahkra a matu, Yerusalem mare hpe li la ai nlung shatai na nngai; dai nlung hpe hpai kau mayu ai ni yawng, hkala nba hkrum na mara ai: dai hpe dang kau na matu, ga ntsa amyu baw ni yawng rau zuphpawng na mara ai.