MIHKA 3:8 - Jinghpaw Hanson Version Bible

⁸ Ngai chyawm gaw, Yaku hpe tinang a tara tawt lai ai lam, Israela hpe tinang a yubak lam, madun dan na matu, Yehowa a Wenyi jaw e, n-gun atsam, tara dara ai nyan hte hpung shingkang hpring nga nngai.

Jinghpaw Common Language Bible 2009

⁸ Rai ti mung, nye a matu chyawm gaw, dai Madu ngai hpe shi a wenyi hte daru magam n-gun hte jahpring ya nna tara dara ai nyan hpaji hte Israela amyu masha ni shanhte a yubak lam ni hpe tsun dan lu ai share shagan ai myit ni jaw bang ya nga ai.

MIHKA 3:8 ပူးပေါင်းရင်းမြစ်များ

YOBA 32:18

Ngai gaw tsun na ga hte hpring nga nngai; ngai hta rawng ai wenyi ngai hpe shadut nga ai.

ESAIA 58:1

Aja awa jahtau u; atsin sha hkum nga et; pahtau zawn na a nsen sharawt nna, nye a amyu hpe shanhte a shut hpyit ai lam, Yaku a nta na ni hpe tinang a yubak lam, shapraw dan mu.

ESAIA 61:1

Madu Yehowa a Wenyi gaw nye a ntsa e dung nga ai; kaning rai nme law nga yang, matsan mayan ni hpe kabu gara shiga hkaw tsun dan na matu, Yehowa ngai hpe namman chya ya ni ai; gawng run ai ni a nma hpe ahkyen kayawp na matu mung, bawng dung ai ni hpe shalawt dat na lam, gyit hkang hkrum ai ni hpe htawng chyinghka hpaw ya na lam, hkaw dan na hte,

ESAIA 61:2

Yehowa sharawng awng ai shaning hte, anhte a Karai Kasang matai dawp ai shani hpe, hkaw dan na matu mung, yawn hkyen hkrum ai ni hpe shalan shabran na matu mung,

YEREMIA 1:18

Yu u, mungdan ting a man e mung, Yuda hkawhkam ni a man e mung, de a du salang ni a man e mung, de a hkinjawng ni a man e mung, mung masha ni a man e mung, ngai nang hpe dai ni jang, bunghku kum ai mare, hpri shadaw hte magri shakum a malai shatai na de ai.

YEREMIA 20:9

Dai majaw, Ngai gaw shi a mying hta hpa let, shi a mungga hpe n tsun sa na, ngu nna tsun timung, nye a myit masin hta wan zawn hkru nna, nye a nrut nra ni hta grung nga ai majaw, nye a myit grai gadau gadap nna, n sharang lu nngai.

YEREMIA 6:11

Dai re ai majaw, Yehowa a myit kahtet ai hte ngai hpring nga nngai; naw sharang nga lu ai n rai; “Mare lam e nga ai ma ni a ntsa e mung, zuphpawng nga ai shabrang ni a ntsa e mung, dai hpe ru dat u: madu wa hte madu jan mung, aprat kaba ai hte dingla ugut gu ai ni mung, rim la ai hkrum na mara ai.

SHARUNG SHAYAWT 2:14

Na a myihtoi ni gaw masu ai hte kaman lila lam, na a matu htoi ma ai; Bawng dung kaw na nang lawt wa lu hkra, shanhte na a yubak hpe madun ma ai n rai; Shanhte gaw masu ai shingran hte shayit ai lam, na a matu htoi ma ai.

EZEKELA 20:4

“Masha kasha e, nang shanhte hpe dawdan u; shanhte hpe dawdan u: kaji kawa ni a matsat shabat lam shanhte hpe madun dan nna,

EZEKELA 22:2

“Masha kasha e, nang hkum nan, dai sai kap ai mare hpe dawdan u, dawdan u; shi galaw ai matsat shabat amu mahkra hpe, madun dan u.

EZEKELA 23:36

Bai Yehowa a mungga ngai kaw du nna, “Masha kasha e, Ohola hte Oholiba yan hpe dawdan u; shan galaw yu ai matsat shabat amu, shan hpe madun dan u.

EZEKELA 3:14

Shing rai Wenyi gaw ngai hpe pawn mat wa nna, ngai gaw myit ru ai hte nye a wenyi kahtet let hkan nang nngai; Yehowa a lata gaw nye a ntsa e li nga ai.

EZEKELA 43:10

“Nang gaw, masha kasha e, Israela amyu masha ni gaw tinang shut hpyit ai yubak majaw kaya dum hkra, dai nawku Nta hpe madun u; shanhte gaw nta hkrang hpe shadawn yu mu ga.

MAHTE 7:29

kaning rai nme law, shanhte a laika ka ai sara ni zawn n rai, ahkang aya lu ai wa zawn, shi shanhte hpe sharin shaga ya mu ai.

MARKU 3:17

bai, Zebedi a kasha Yaku hte, Yaku a kanau Yawhan shan nau hpe, Buanerga, ngu nna mying hkawt shamying mu ai; dai gaw, mu ngoi ai kasha yan ngu ai rai nga ai:

1 KORINHTU 2:4

nanhte a makam masham gaw, masha a hpaji byeng-ya hte n rai,