MIHKA 3:7 - Jinghpaw Hanson Version Bible

⁷ Shing rai myihtoi ni kaya kahpa hkrum nna, nwawt ni mak mat na mara ai: gaja wa, Karai Kasang n htan ai majaw, shanhte nlang hte gaw, tinang a n-gup pat kau na mara ai.

Jinghpaw Common Language Bible 2009

⁷ Du na ra ai aten a matu myihtoi htoi ai ni shanhte a hkrat sum lam a majaw kaya kahpa hkrum na mara ai. Karai Kasang shanhte a ga n htan ya ai majaw, shanhte yawng jahpoi asawng ai hkrum na mara ai.

MIHKA 3:7 ပူးပေါင်းရင်းမြစ်များ

SHAKAWN KUNGDAWN 74:9

Anhte a kumla ni hpe anhte n mu lu gaw ai: Ya aten e myihtoi n pru n nga ai; Anhte hta ladaw langa chye ai masha n nga ai.

PRU MAT 9:11

Dai shu gaw lakle sara ni hta mung, Egutu masha mahkra hta mung kap wa ai majaw, lakle sara ni gaw Mawshe a man e n tsap lu ma ai.

ESAIA 44:25

Grang dakat ai ni a kumla ni hpe shayuk kau ai hte, shaba wawt ai ni hpe mana bu shangun ai wa; hpaji byeng-ya rawng ai ni hpe kanut shangun ai hte shanhte a hpaji hpe shagawk kau ai wa;

YEREMIA 18:18

Shaloi shanhte gaw, Sa marit; Yeremia hpe hpaji daw ga; hkinjawng wa hte tara, hpaji rawng ai wa hte hpaji daw ai ga, myihtoi wa hte myihtoi ga, htum mat na n rai; sa marit; shinglet hte shi hpe kayat gaw; shi a ga langai mi muk n madat ga, nga nna tsun ma ai.

EZEKELA 24:17

madai u, rai timung atsin sha nga u; si mat ai wa a matu hkum sharung shayawt et; bunghkaw hkaw nna kyepdin din u; n-gup hpe hkum magap et; masha ni jaw ai shat hkum sha et,” nga nna tsun ai.

EZEKELA 24:22

Ngai galaw ai zawn nanhte mung galaw na marin dai; nanhte n-gup hpe hkum magap, masha jaw ai shat hpe hkum sha myit.

JAW JAU 13:45

Manggang kap ai wa gaw je ai hpun palawng bu hpun let, kara hpyan ayai kau nna, lahta nten magap kau nhtawm, N san n seng ai, N san n seng ai, ngu nna jahtau na rai wu ai.

AMO LAIKA (AMOS) 8:11

Yu mu, ndai mungdan hta, ngai hku wa shangun ai aten du na ra ai: kawsi hpang gara hku wa n rai, Yehowa a mungga hpe n na lu ai hku wa, rai na ra ai.

MIHKA 3:4

Dai shaloi e shanhte gaw Yehowa hpe hpyi jahtau timung, shi shanhte hpe n htan na ra ai: gaja wa, n hkru n hkra ai arawn alai hkan galaw ai hte maren, shi gaw dai aten e, shi a myi man, shanhte kaw na kayin makoi mat na ra ai.

MIHKA 7:16

Maigan amyu ni dai lam mu mada nna, tinang a daru magam hpa n re ai dum let, kaya mat na mara ai, shanhte gaw tinang a n-gup pat kau na mara ai; na mung lahpang mat na mara ai.

ZEHKARIA 13:4

Dai shani e myihtoi htoi ai wa kadai mung, tinang mu ai shingran majaw, kaya dum na ra ai: shanhte gaw hkalem hkalau sha na matu, mazut ai nba lawai na n rai:

1 SAMUELA 14:37

Shing rai Shawlu Karai Kasang kaw, “Ngai Hpilisti masha ni hpe naw shachyut lu na rai ni? Shanhte hpe Israela masha ni a lata hta ap na a ni?” ngu nna lam san wu ai, Karai Kasang chyawm gaw dai shani e n htan ya wu ai.

1 SAMUELA 28:15

Shaloi Samuela gaw, “Ngai hpe shatsang na hpa rai sharawt n ta?” ngu nan Shawlu hpe san wu yang, Shawlu gaw, “Ngai nachying kyin dut mat ni ai; Hpilisti masha ni ngai hpe gasat nga ma ai; Karai Kasang mung ngai hpe kabai kau ni ai; myihtoi hta mung n htan, yup mang hta mung n htan ya ni ai. Dai re ai majaw ngai kaning rai galaw na gaw, nang madun ri ga, ngu nna ngai nang hpe shaga nngai,” ngu nna htan wu ai.

1 SAMUELA 28:6

Shawlu gaw Yehowa kaw san wu timung, Yehowa n htan ya wu ai; yup mang hta mung, Urim hta mung, myihtoi hta mung, n htan ya wu ai.

1 SAMUELA 9:9

(Moi prat e, Israela masha ni Karai Kasang kaw lama ma san na nga sa wa yang, Sa, myi san wa hpang de sa saga, nga nna tsun mu ai: ya na myihtoi ngu ai wa hpe, moi prat e myi san wa nga ma ai.)