MIHKA 3:5 - Jinghpaw Hanson Version Bible

⁵ Nye a amyu masha ni hpe lam shadam let, hkru hkru sha lu jang, Nang ngwipyaw nga ndai, nga nna mung, n galaw daw ai wa hpe, Nang hpyen hkrum na ndai, nga nna tsun jahtau ai myihtoi ni a lam, Yehowa ning nga ai:

Jinghpaw Common Language Bible 2009

⁵ Nye a amyu masha ni hpe masu hkalem ai myihtoi ni gaw shanhte hpe jaw ya ai ni hpe ngwi pyaw sim sa lam lu na ga sadi jaw ma ai, rai ti mung jaw ya ai lam n nga ai ni a matu gaw majan hte jahkrit shama hkrum nga ai. Dai zawn re ai myihtoi ni hpe dai Madu gaw,

MIHKA 3:5 ပူးပေါင်းရင်းမြစ်များ

GA SHAGAWP 28:21

Masha myi man hpe tau na mung, Muk hkyep mi a jaw e tara manai kau na mung, n mai nga ai.

ESAIA 3:12

Nye a amyu masha ni hpe chyawm gaw, ma kaji ni shanhte hpe adip arip di nna, num ni shanhte a ntsa e up ma ai. Nye a amyu e, nanhte hpe lam madun ai ni, nanhte hpe lam shadam nna, nanhte sa wa ai lam hpe, jahten kau ma ai.

YEREMIA 23:27

kaji kawa ni gaw Bala amying majaw, nye a mying hpe malap kau ai hte maren, shanhte gaw kanawn manang ni hpe hkai dan ai yup mang ni hte, nye a amyu masha ni hpe, nye a amying malap kau shangun na maw ma hka.

YEREMIA 23:32

Yu u, masu ai yup mang hkai dan nna, tinang a masu ga hte kaman lila grang ai ga majaw, nye amyu masha ni hpe lam dam shangun ai myihtoi ni hpe, ngai hkap daw na nngai: ngai shanhte hpe shangun ai, n rai, hkang da ai mung, n rai; shanhte gaw ndai amyu a matu, akyu n nga ai, nga nna Yehowa tsun ai.

YEREMIA 6:14

Ngwipyaw n nga timung, Ngwipyaw nga ai, ngwipyaw nga ai, nga nna tsun let, shanhte gaw nye a amyu masha ni a nma hpe, loi mi sha shamai masu nga ma ai.

YEREMIA 6:4

Shi hpe hpyen gasat na hkyen mu: rawt ga, jan pungding e lung ga; anhte dingnye lu ga ai; jan kadang sai, shana de na shingnip galu wa sai.

SHARUNG SHAYAWT 2:14

Na a myihtoi ni gaw masu ai hte kaman lila lam, na a matu htoi ma ai; Bawng dung kaw na nang lawt wa lu hkra, shanhte na a yubak hpe madun ma ai n rai; Shanhte gaw masu ai shingran hte shayit ai lam, na a matu htoi ma ai.

EZEKELA 13:9

Kaman lila shingran mu nna, masu lam shaba wawt ai myihtoi ni hpe, nye a lata hkap gasat na ra ai; shanhte gaw nye amyu a salang hpawng hta lawm lu na, n rai, shanhte a amying hpe Israela amyu a jahpan hta ka shalawm lu na, n rai; Israela mungdan hta mung shang lu na, n rai; shing rai, ngai Madu Yehowa rai nga ai hpe, nanhte chye lu na marin dai.

HOSEA 4:5

Nang gaw shani chyingtung e ahtu kataw na rin dai; myihtoi wa mung, shana aten e nang hte rau ahtu kataw na ra ai: ngai gaw na nnu hpe shamyit kau na nngai.

YOELA 3:9

Maigan amyu ni hpe ndai lam tsun dan mu; hpyen majan matu, nhtan di dun mu; share ninghkrin ni hpe jasu mu: hpyen masha ni yawng sit sa nna, lung wa mu ga.

MIHKA 2:11

Tinang myit hkan nna, masu ga tsun ai wa gaw, Ngai nan tsabyi jahku hte chyaru lam, nang hpe myihtoi htoi na nngai, nga nna tsun yang, dai wa gaw, ndai amyu masha ni a myihtoi rai na ra ai.

MIHKA 3:11

Du ni gaw mayun kumhpa matu tara dara ma ai; de a hkinjawng ni gaw shabrai lu hkra sha sharin ya ma ai; de a myihtoi ni gaw ma-un lu hkra sha, htoi ma ai: rai timung, shanhte gaw, Yehowa hpe shamyet shanat let, Yehowa gaw anhte a ka-ang e rai nga ai, n rai ni? anhte ari ahpri hpa hkrum na n rai, nga nna tsun ma ai.

MALAHKI 2:8

Nanhte chyawm gaw lam dam manit dai; nanhte gaw masha law law hpe, tara lam hta kataw shangun manu ai: Lewi amyu hte tawn da ai ga shaka hpe, nanhte run kau manu ai, nga nna Zaw nawng zaw wa up ai Yehowa tsun ai.

MAHTE 15:14

Shanhte gaw nga nga mu ga: myi kyaw ninglen lam madun ai ni rai nga ma ai: myi kyaw ai wa gaw, myi kyaw wa hpe lam madun a taw gaw, shan lahkawng gaw nhkun kata de hkrat na mara ai,” ngu mu ai.

MAHTE 7:15

Kraw lawang hta e amya sha na chyahkyawn myit rawng nna, sagu hpyi bu hpun let nanhte kaw sa du ai myihtoi masu ni hpe koi gam mu.

ROMA 16:18

Kaning rai nme law, shing re ai ni gaw, anhte a Madu Hkristu hpe n daw jau ai wa, tinang kan a matu sha tsang ma ai rai nna, naw kaja nga ai ni a myit hpe ga sau ga pyaw hte hkalem kau ma ai.