MIHKA 3:4 - Jinghpaw Hanson Version Bible

⁴ Dai shaloi e shanhte gaw Yehowa hpe hpyi jahtau timung, shi shanhte hpe n htan na ra ai: gaja wa, n hkru n hkra ai arawn alai hkan galaw ai hte maren, shi gaw dai aten e, shi a myi man, shanhte kaw na kayin makoi mat na ra ai.

Jinghpaw Common Language Bible 2009

⁴ Nanhte dai Madu hpe hpyi jahtau na aten gaw du wa nga sai, rai ti mung shi nanhte hpe htan ya na ra ai n rai. Shi gaw nanhte a akyu hpyi ga ni hpe madat ya na n rai, hpa majaw nga yang nanhte mahtang n hkru ai amu galaw kau manit dai.

MIHKA 3:4 ပူးပေါင်းရင်းမြစ်များ

YOBA 27:9

Shi ru tsang ai hkrum yang Karai Wa gaw, Shi jahtau shaga ai hpe madat na rai kun?

YOBA 35:13

Gaja wa, Karai Wa gaw kaman lila ga hpe n madat nga ai; chyahtum chyalai n-gun rawng ai wa mung, dai hpe n nawn nga ai.

SHAKAWN KUNGDAWN 18:41

Shanhte hpyi jahtau timung, hkye la ai wa n nga ai, Yehowa hpe shaga timung, shi shanhte hpe n htan ya mu ai.

GA SHAGAWP 1:28

Nanhte ngai hpe shaga timung, ngai n htan na nngai, Ngai hpe tam shakut myit timung, n mu lu na mi ai.

GA SHAGAWP 28:9

Tara n na lu hkra, na kayin kau ai wa gaw, Akyu hpyi timung, shi hpyi ai ga matsat shabat rai nga ai.

ESAIA 1:15

Nanhte lata ladawn yang, ngai myi man makoi mat na nngai; gaja wa, nanhte akroi anoi akyu hpyi timung, ngai n madat na nngai: nanhte a lata sai hte hpring nga ai.

ESAIA 3:11

Tara n lang ai wa gaw, dingnye hkrum u ga; shi lata galaw ai amu, shi nan hkrum sha ai majaw, shi hta yak la nga ai.

YEREMIA 11:11

Dai rai nna Yehowa ning nga ai: yu u, Ngai shanhte a ntsa e tsin-yam tsindam shadu nna, shanhte lawt wa lu na n rai; shanhte ngai hpe jahtau timung, ngai n madat na nngai.

YEREMIA 14:12

shanhte lusha gam yang, shanhte a hpyi jahtau ai hpe ngai madat na n rai; shanhte a wan nat hkungga hte lusha hkungga hpe, ngai hkap la na n rai; ngai gaw, nhtu tsin-yam, kawsi hpang gara ai, ana zinli hte shanhte hpe shamyit kau na nngai.

YEREMIA 33:5

Hkalde masha ni hpyen gasat na sa wa ma ai; pawt bu nna myit kahtet ai hte, ngai sat kau ai, ndai mare masha ni a mang ni hte, ndai nta ni hpe jahpring na ra ai; ndai masha ni a yubak majaw, ndai mare hta na nye a myi man ngai makoi da timung, Yu mu, ndai mare a matu ngai tsi shapraw nna, shanhte hpe shamai shatsai na nngai; ngwipyaw ai hte tengman ai lam, ngai shanhte hpe madun dan na nngai.

YEREMIA 5:31

myihtoi ni masu ai ga htoi nna, hkinjawng ni dai lam hkan let, up nga ma ai; nye a amyu masha ni mung dai lam hpe ra ma ai; dai rai nna, hpang jahtum e nanhte hpa galaw na myit ta?”

EZEKELA 8:18

Dai re ai majaw, ngai pawt bu let ari jaw na nngai; nye a myi lahpawt dum na n rai, ngai matsan n dum na nngai; shanhte aja awa jahtau timung, ngai n madat na nngai,” nga ai.

MIHKA 3:7

Shing rai myihtoi ni kaya kahpa hkrum nna, nwawt ni mak mat na mara ai: gaja wa, Karai Kasang n htan ai majaw, shanhte nlang hte gaw, tinang a n-gup pat kau na mara ai.

MIHKA 7:13

Rai timung, dai garai n byin yang, dai mungdan gaw, mung masha ni hkan nang ai arawn alai majaw, shingran katsi ai shara tai na ra ai.

ZEHKARIA 7:13

‘Shing rai, ngai shaga yang, shanhte n madat ai zawn, shanhte shaga yang, ngai mung n madat ni ai,’ nga nna Zaw nawng zaw wa up ai Yehowa tsun ai:

MAHTE 7:22

Dai shani e, ‘Madu e, Madu e,’ na a amying hte anhte myihtoi htoi saga ai hte, na a amying hte nat hkyawt kau nna, na a amying hte magam amu law law shachyen saga ai, n rai ni? nga nna law law wa ngai hpe tsun na mara ai.

LUKA 13:25

Nta madu wa chyinghka rawt la kau sayang, nanhte shinggan e tsap nga nna chyinghka akawk let, ‘Madu e, anhte e hpaw la mi,’ nga nna hpyi myit yang, dai wa gaw, ‘Nanhte kanang na rai myit dai gaw, ngai n chye made ai,’ nga nna htan myit jang,

YAWHAN 9:31

Yubak kap ai ni a ga Karai Kasang n madat nga ai gaw, anhte chye ga ai: Karai Kasang hpe nawku hkungga nna, shi a myit hkan ai wa rai yang gaw, dai wa a ga madat ya nga ai.

YAKU 2:13

Kaning rai nme law, matsan dum na myit n rawng ai wa gaw, matsan dum ai hku n re ai sha, dawdan ai hkrum na ra ai. Matsan dum ai lam chyawm gaw, dawdan ai lam hta grau nna awng wa lu ai.

1 SAMUELA 8:18

Nanhte hpyi la ai hkawhkam a majaw, dai shani e nanhte jahtau hkrap timung, Yehowa nanhte hpe madat sana n rai,” ngu nna shadum wu ai.