MIHKA 3:11 - Jinghpaw Hanson Version Bible

¹¹ Du ni gaw mayun kumhpa matu tara dara ma ai; de a hkinjawng ni gaw shabrai lu hkra sha sharin ya ma ai; de a myihtoi ni gaw ma-un lu hkra sha, htoi ma ai: rai timung, shanhte gaw, Yehowa hpe shamyet shanat let, Yehowa gaw anhte a ka-ang e rai nga ai, n rai ni? anhte ari ahpri hpa hkrum na n rai, nga nna tsun ma ai.

Jinghpaw Common Language Bible 2009

¹¹ Mare du salang ni gaw mayun kumhpa a matu up hkang nga ma ai; hkinjawng ni gaw shabrai a matu, Tara laika ni hpe lachyum htai sharin ya nga ma ai. Myihtoi ni gaw shanhte lu la na gumhpraw a matu shanhte a shingran ni hpe jaw ya nga ma ai. Shanhte yawng mung dai Madu shanhte hte rau rai nga ai nga nna tsun nga ma ai. Shanhte gaw, “Anhte hta hpa mung machyi hkra na ra ai n rai; dai Madu gaw anhte hte rau anga nga ai,” ngu nna tsun ma ai.

MIHKA 3:11 ပူးပေါင်းရင်းမြစ်များ

GA SHAGAWP 17:23

Tara n lang ai wa gaw, tara lam hpe shanut kau na matu, Masha wa a sumbu na, sake manawn manaw la wu ai.

ESAIA 1:23

Na a du ni gumlau let, lagu lagut ni a kanawn manang tai wa masai; shanhte yawng kumhpa ra nna, sake manawn sha nga ma ai; shanhte gaw chyahkrai nmai ni a matu tara ding ai hku n jeyang ai hte, gaida gaina ni a amu hpe hpa n nawn ya ma ai.

ESAIA 48:2

chyoi pra ai mare mying hkan nna tinang hkum hpe shamying ai hte, Israela Karai Kasang hta shamyet shanat ai ni e, ndai lam madat mara mu: shi a mying gaw, Zaw nawng zaw wa up ai Yehowa rai nga ai.

ESAIA 5:23

tara n lang ai ni hpe shalawt dat nna, dinghpring ai ni a dinghpring ai lam hpe shingkan ai ni gaw, dingnye lu ma ai.

ESAIA 56:11

Ndai gwi ni gaw lawhpa myit rawng nna, n hkru hkraw ma ai: ndai ni gaw nyan n rawng ai sagu rem ai ni rai nga ma ai; shanhte yawng lam yit nna, langai hte langai tinang akyu hkrai hkan shachyut ma ai:

YEREMIA 23:17

Shanhte gaw, Yehowa ga tsun sai, nanhte ngwipyaw nga lu na myit dai, nga nna ngai e n kaw n law di ai ni hpe, tut tut hkaw tsun ma ai; tinang myit ja ai hku hkan ai ni yawng hpe, Nanhte ari ahpri hkrum na n rai, nga nna tsun ma ai.

YEREMIA 26:7

Yeremia gaw Yehowa nta kata e ndai ga tsun nga ai hpe, hkinjawng ni, myihtoi ni hte mung masha ni yawng na ma ai.

YEREMIA 5:12

Shanhte gaw “Yehowa n nga ai; anhte a ntsa e tsin-yam tsindam du na n rai; nhtu mung, hku wa mung, hkrum na n rai:

YEREMIA 6:13

“Shanhte yawng, kaji htum ai wa kaw nna, kaba htum ai wa du hkra, lawhpa myit rawng ma ai; myihtoi wa kaw nna hkinjawng wa du hkra, langai hte langai, masu magaw lam hkan ma ai.

YEREMIA 7:4

Ndai nta ni gaw Yehowa a nawku Htingnu, Yehowa a nawku Htingnu, Yehowa a nawku Htingnu rai nga ai, nga nna masu ga tsun ai ni hta hkum hpa nga myit.

YEREMIA 8:10

Dai re ai majaw, shanhte a madu jan ni hpe tsasam masha ni a lata de ngai ap kau na nngai; shanhte a yi hkauna ni hpe masha kaga ni madu sha na mara ai: kaning rai nme law, kaji htum ai wa kaw nna kaba htum ai wa du hkra, yawng hte gaw lawhpa myit rawng ma ai: myihtoi wa kaw nna hkinjawng wa du hkra, langai hte langai masu magaw lam hkan ma ai.

EZEKELA 22:12

Sai jahkaw kau na matu, na a masha ni sake manawn sha ma ai; amyat sha na hte lu su na matu, gumhpraw hkoi ya ma ai; htingbu wa arai hpe lawhpa ai myit hte kashun la ndai: ngai hpe mung malap kau ndai,” nga nna Madu Yehowa tsun ai.

EZEKELA 22:27

Shi a du ni mung, n tara ai sutgan lu la hkra, shan gyam nna, sai jahkaw kau ai hte, masha hpe kawa sat kau ai chyahkyawn hte bung ma ai.

EZEKELA 34:2

“Masha kasha e, Israela amyu a sagu rem ni hpe sha-ang nna myihtoi htoi u; myihtoi htoi nna sagu rem ni hpe htawn tsun u, “Madu Yehowa ning nga ai: Tinang hkum hpe sha bau ai Israela sagu rem ni gaw, dingnye lu mu ga; sagu rem wa gaw, sagu ni hpe bau mai ai, n rai ni?

HOSEA 4:18

Shanhte a lu lai sha lai poi lai wa sai; shanhte gaw tutnawng shawa num amu galaw ma ai; mung du ni gaw kaya kahpa amu grai ra ma ai.

HOSEA 4:8

Nye amyu masha ni a yubak gaw, shanhte a galaw lu galaw sha shara rai nga ai: dai ni a shut hpyit ai hta, shanhte myit manoi nga ma ai.

AMO LAIKA (AMOS) 5:14

Nanhte ahkrung nga lu hkra, kaja ai hpe tam mu; n kaja ai hpe koi kau mu; dai rai yang, nanhte tsun ai hte maren: Zaw nawng zaw wa up ai Karai Kasang Yehowa, nanhte hte rau nga na ra ai.

AMO LAIKA (AMOS) 9:10

Ari ahpri anhte hpe dep lu na n rai, dai hte anhte hkrum na n rai, nga nna nye a amyu hta tsun ai yubak kap ai ni yawng, nhtu hte si na mara ai.

MIHKA 3:5

Nye a amyu masha ni hpe lam shadam let, hkru hkru sha lu jang, Nang ngwipyaw nga ndai, nga nna mung, n galaw daw ai wa hpe, Nang hpyen hkrum na ndai, nga nna tsun jahtau ai myihtoi ni a lam, Yehowa ning nga ai:

MIHKA 7:3

N hkru n hkra ai amu galaw na, shanhte a lata tsam mari shakut ma ai: du wa gaw kumhpa hpyi nga ai; tara agyi wa gaw, mayun kumhpa sha nga ai; aya kaba lu ai wa gaw, shi myit magaw ai lam shapraw dan nga ai: shing rai shanhte gaw myit langai sha hte galaw ma ai.

ZEHPANI 3:3

Shi a du ni gaw, dai mare ka-ang e shabam ai hkanghkyi rai nga ma ai; tara agyi ni gaw, hpang jahpawt du hkra hpa n ngam da ai, shana kawan hkawm ai chyahkyawn, rai nga ma ai.

ZEHPANI 3:4

Myihtoi ni gaw ga kaman tsun nna, hkalem hkalau ai ni, rai nga ma ai: hkinjawng ni gaw, dai chyoi pra ai shata hpe, awu asin di kau nna, jep ai tara hpe shanut kau ma ai.

MALAHKI 1:10

Nye a tawn hkungri ntsa e, awan kaman sha n shachyi kau myit ga, nye a nta na chyinghka ni hpe la da mayu ai wa, kadai? Nanhte hpe ngai n ra nngai; nanhte a lata na shagu hkungga hpe ngai n hkap la na nngai, nga nna Zaw nawng zaw wa up ai Yehowa tsun ai.

MALAHKI 2:9

Dai rai nna, nanhte gaw nye a lam n hkan ai hte, tara dara yang, myi man tau ai majaw, amyu masha ni mahkra a man e, ngai nanhte hpe nhpu nru di nna, shayuk kau na nngai.

BU HKAWM 16:15

Shaloi Mawshe masin grai pawt nna Yehowa hpe, “Ndai masha ni jau ai kumhpa hkum hkap la ya et; shanhte a lawze langai mi muk ngai n la ya nngai; shanhte hta na langai mi hpe muk ngai n zingri yu nngai,” ngu nna tsun wu ai.

BU HKAWM 22:7

Shing rai Moba salang ni hte Midian salang ni gaw, ma-un kumhpa gun let pru sa wa nna, Balam kaw du jang, Balak a ga htawn shana mu ai.

MAHTE 3:9

‘Abraham gaw anhte a wa rai nga mali ai,’ nga nna tinang a kraw hta e hkum nawn nga myit! nanhte hpe ngai tsun made ga, Karai Kasang gaw ndai nlung ni hta na Abraham a matu kasha hpan shapraw da lu ai.

1 TIMOHTI 3:3

chyaru len ai wa hte anu ajin re ai wa mung n re ai sha, sumnung ai, ga law ga la ai myit n rawng ai, aja gumhpraw n tsaw ai hte,

TITU 1:11

shanhte a n-gup mai matsut nga ai; shanhte gaw n san n seng ai sut matu n mai sharin ai lam sharin shaga ya nna, htinggaw ting ting hpe shabrun kau mu ai.

1 PETRU 5:2

nanhte hte rau rai nga ai Karai Kasang a sagu hpung hpe arem nga mu; adip ahkrip re ai hku zawn n nawn ai sha, dingsa myit hte galaw nga mu; nsan n seng ai amyat majaw n re ai sha, htauli htaula myit hte galaw mu;

YUDA 1:11

Shanhte gaw dingnye lu mu ga! kaning rai nme law, Ka-in a lam hta e shanhte hkan hkawm ma ai rai nna, shabrai lu la na matu Balam a lam dam mat ai hta gumbawm ma ai hte, Kora a gumlau gumle ai amu hta e hten bya mat ma ai.

1 SAMUELA 8:3

Rai timung, shi a kasha yan gaw kawa a lam n hkan ma ai: gumhpraw marin ai hte dam mat wa nna, kumhpa sha let tara jahten ma ai.