MIHKA 2:4 - Jinghpaw Hanson Version Bible

⁴ Ndai aten e shanhte gaw, nanhte a lam ga shadawn hku tsun nna, Anhte htum mat saga ai; nye a amyu masha ni a sali wunli, shi galai kau nna, nye a lata na dawm la nu hka! Shi gaw htak mat ai ni hpe, anhte a yi hkauna ni karan jaw kau mu ai, nga nna yawn madai let shabam na mara ai.

Jinghpaw Common Language Bible 2009

⁴ Dai aten du ai shaloi, masha ni gaw nanhte a tsin-yam tsindam hpe ga shadawn zawn tsun na mara ai; shanhte gaw nanhte a mahkrum madup hpe ndai gawng run mahkawn hte mahkawn mangoi na mara ai: Anhte gaw atsai awai hten run hkrum nga saga hka! Dai Madu gaw anhte a lamu ga la kau ya nna, Anhte hpe rim mat wa ai ni a lata hta ap kau ya nu ai.”

MIHKA 2:4 ပူးပေါင်းရင်းမြစ်များ

2 SAMUELA 1:17

Ya Dawi gaw ndai sharung shayawt ai ga, Shawlu yan kasha Yonahtan a matu sharung shayawt ya nna,

2 HKAWHKAM LABAU 35:25

Yeremia mung Yoshia majaw sharung shayawt nga ai rai nna, mahkawn mangoi chye ai numsha lasha ni gaw tinang a sharung shayawt ai ga hte, dai ni du hkra Yoshia lam shagawp tsun nga ma ai; dai ga gaw Israela amyu hta tsun nga na htung tai wa nna, sharung shayawt laika hta ka da nga ai.

YOBA 27:1

Bai Yoba shi a ga shagawp sharawt nna, kahtap tsun ai gaw,

ESAIA 14:4

nang gaw Babelon hkawhkam hpe sha-ang let, ndai ga shagawp ning nga tsun na ndai: Adip arip re ai wa gaw htum mat sahka! Ja mare gaw nyawp mat sahka!

ESAIA 24:3

Gaja wa lamu ga gaw kram nga nna, akrin akraw rai na ra ai: kaning rai nme law, Yehowa dai ga tsun da nga ai.

ESAIA 6:11

Shaloi ngai gaw, “Madu e, gade wa na na rai ta?” ngu nna san we yang, shi gaw, “Mare ni hte nta ni hta masha n nga hkra shaza kau ai hkrum ai hte, mungdan ting atsai awai katsi katsang rai nga nna,

YEREMIA 14:18

Ngai pa ga de hkawm yang, si ai ni hkrai jawng ma ai; mare kata de shang yu yang, kawsi hpang gara majaw machyi hkrum ai ni hkrai rai nga ma hka! Myihtoi wa hte hkinjawng wa pyi, hpa n chye ai, shara magup hkan e jawt hkawm ma ai.

YEREMIA 4:13

Yu u, sa wa ai hkawhkam gaw sumwi zawn du na ra ai; shi a leng ni gaw, bungsha zawn rai nga ai; shi a gumra ni gaw, langda hta grau laram nga ma ai; anhte gaw dingnye lu ga ai: hten byak ai hkrum saga ai.

YEREMIA 6:12

Shanhte a nta ni hte hpawn, yi hkauna ni, madu jan ni gaw, tsasam masha ni a lata hta du na mara ai; kaning rai nme law, ngai gaw ndai mungdan masha ni a ntsa e, nye a lata hpe ladawn na nngai,” nga nna Yehowa tsun ai.

YEREMIA 8:10

Dai re ai majaw, shanhte a madu jan ni hpe tsasam masha ni a lata de ngai ap kau na nngai; shanhte a yi hkauna ni hpe masha kaga ni madu sha na mara ai: kaning rai nme law, kaji htum ai wa kaw nna kaba htum ai wa du hkra, yawng hte gaw lawhpa myit rawng ma ai: myihtoi wa kaw nna hkinjawng wa du hkra, langai hte langai masu magaw lam hkan ma ai.

YEREMIA 9:10

Bum ni a lam ngai hkrap ngu hkrap ngoi nna, shabam na nngai; nam mali na udat shara ni a lam, ngai sharung shayawt na nngai: kaning rai nme law, kadai n lai lu hkra, dai shara ni wan hkru mat sai; sagu dumsu hpung ni a nsen mung, kadai n na lu ai; ntsa malen u ni mung, yamnga ni mung, hprawng mat nna n nga masai.

YEREMIA 9:16

Shanhte mung, shanhte a kaji kawa ni mung, n mu yu ai amyu ni a ka-ang e, ngai shanhte hpe shabra kau nna, atsai awai htum mat hkra, shanhte hpang de nhtu shangun dat na nngai.”

EZEKELA 16:44

“Yu u, ga malai tsun ai wa kadai mung, “Kanu zawn re ai, shayi sha,” nga nna nang hpe lakap let, ga malai tsun shajang na mara ai.

EZEKELA 2:10

shi dai laika katsu hpe nye a man e hpyan yang, dai man lahkawng hta, sharung shayawt ai yawn hkyen ai hte dingnye ga hpring nga ai.

YOELA 1:13

Hkinjawng ni e, lachyit nba bu hpun nna, hkrap shabam mu; tawn hkungri a amu gun hpai ai ni e, sharung shayawt mu: nye a Karai Kasang a man e daw jau ai ni e, sa marit; lachyit nba bu hpun let, shana tup taw nga mu: kaning rai nme law, lusha hkungga hte dumhpung hkungga hpe, nanhte a Karai Kasang a nta e, n nawng ya nga myit hka.

YOELA 1:8

Hkawn ram prat e si mat ai madu wa matu, lachyit nba bu hpun nna sharung shayawt ai hkawnsek zawn, sharung shayawt nga u.

AMO LAIKA (AMOS) 5:1

Israela dap e, ya ngai na a lam sharung shayawt ai ga hpe, madat mara la u.

AMO LAIKA (AMOS) 5:17

Kaning rai nme law, ngai na a ka-ang hku ga hkawm wa na nngai majaw, tsabyi sun ni yawng, hkrap shabam na mara ai, nga ai.

MIHKA 1:15

Maresha hta shanu nga ai num e, na ntsa e up na wa hpe, ngai naw shaga na nngai: Israela amyu hta hpung shingkang rawng ai ni gaw, Adulam ginlawng hku de du na mara ai.

MIHKA 1:8

Ndai lam majaw, ngai sharung shayawt nna, hkrap shabam na nngai; hpun palawng raw kau nna, singgu krin hkawm na nngai; nam gwi zawn ngai gaw du nna, u gawla-uk zawn ngoi shaga na nngai.

MIHKA 2:10

Rawt mu, sa wa manu: hten byak kaba hte jahten shabyak chye ai awu asin re ai amu majaw, ndai shara gaw, nanhte a ban sa shara, n rai.

HABAKU 2:6

Shanhte nlang hte gaw, shi a lam ga shadawn hku tsun nna, shatan nhkan gumwai ga shapraw let, Tinang a n re ai sutgan mahkawng da nna, tinang a ntsa e ru hka shalaw ai wa gaw, dingnye lu u ga: gaten du hkra dai zawn nga nga na kun? nga nna tsun na ma ai, n rai ni?

ZEHPANI 1:2

“Lamu ga ting hta na nga manga hpe, ngai atsai awai shamyit kau na nngai,” nga nna Yehowa tsun ai.

BU HKAWM 23:18

Shaloi Balam ga shagawp nna, “Balak du e, rawt u, madat u, Zipora kasha e, nye a ga na la u:

BU HKAWM 23:7

Shaloi Balam ga shagawp nna, “Balak du ngai hpe Aran mung na shaga ni ai, Moba hkawhkam sinpraw bum dinghkung na ngai e woi la ni ai: Shi gaw, Sa rit, nye a matu Yaku hpe matsa ya e, Sa rit, Israela hpe ahkrim ya e, nga nga ai.

BU HKAWM 24:15

Shaloi shi ga shagawp nna, Beora kasha Balam gaw ning nga nga ai, “Shinggan myi htu hpaw ai wa tsun nga ai:

BU HKAWM 24:3

ga shagawp hte shi tsun wu ai gaw, Beora kasha Balam gaw ning nga nga ai, “Shinggan myi htu hpaw ai wa tsun nga ai:

MARKU 12:12

Dai majaw shanhte gaw shi hpe rim la na tam ma timung, shawa masha ni hpe hkrit da mu ai: kaning rai nme law, ndai ga shadawn hpe, shanhte a lam shi tsun nga ai gaw, shanhte chye na mu ai. Shaloi shanhte shi hpe kau da nna, pru mat wa ma ai.

TARA JAHPRANG 28:29

myi hten ai wa gaw n sin e lamawm ai zawn, shani chyingtung e pyi nang lamawm hkawm na rin dai; nang galaw ai lam n byin ai hte, zingri zingrat kashun kashe ai sha hkrum na rin dai; nang hpe kadai mung hkye la lu na n rai.