MIHKA 2:2 - Jinghpaw Hanson Version Bible

² Dai ni gaw, yi hkauna marit nna kashun la ma ai; nta hpe ra nna, gare la ma ai; kaja ai wa hte shi a dap hpe, madu hte shi a sali wunli hpe, adip arip di kau mu ai.

Jinghpaw Common Language Bible 2009

² Shanhte gaw hkauna pa ni hpe ra marit wa ai shaloi, dai ni hpe kashun la ma ai; shanhte gaw dum nta ni hpe ra marit wa ai shaloi, dai ni hpe la kau ma ai. Kade a dinghku mung, sut gan mung shim nga ai n rai.

MIHKA 2:2 ပူးပေါင်းရင်းမြစ်များ

1 HKAWHKAM 21:1

Ya dai amu ni byin ai hpang, Yezrela masha Nabot gaw, Yezrela mare hta e tsabyi sun langai mi lu ai; dai sun gaw Samari hkawhkam Ahab a htingnu hte ni nga ai.

2 HKAWHKAM 9:26

Ngai Yehowa mani e jang, Nabot a asai mung, shi a kasha ni a asai mung, mu da we ai majaw, ndai ga dachyawk hta e ngai nang hpe matai dawp na de ai, nga nna Yehowa tsun ai ga dum nga u. Dai re ai majaw, Yehowa a ga hte maren dai ga dachyawk hta e shi hpe kabai bang kau u,” ngu nna hkang da wu ai.

YOBA 31:38

Nye a lamu ga ngai hpe mara shagun ai hte, de a htai hkang ni rau hkrap shabam nga nna,

PRU MAT 20:17

Na a htingbu manang a nta hpe ra marit ai myit hkum rawng et; na htingbu manang wa a madu jan hpe mung, shi a mayam num mayam la hpe mung, shi a dumsu lawze re ai hpe mung, na htingbu manang wa lu ai rai hpa hpe mung ra marit ai myit hkum rawng et,” nga ai.

ESAIA 3:14

Yehowa gaw shi amyu a du salang ni hte dawdan hkat nga ai; dai tsabyi sun sha kau ai ni, nanhte nan rai nga myit dai: matsan mayan ni kaw na kashun la ai rai ni hpe, nanhte a nta ni hta mahkawng da manu ai:

ESAIA 5:8

Tinang ni hkrai lamu ga ka-ang e dè nga nna, man ai shara n nga lu hkra, nta mi hte nta mi, hkauna mi hte hkauna mi matut la ai ni gaw, dingnye lu ma ai.

YEREMIA 22:17

Na a myi hte myit masin chyawm gaw, lawhpa ai hkrai tam nna, mara n kap ai asai hpe jahkaw kau na hte, adip arip ai, kashun kashe ai hta kaga, hpa amu hpe mung n dum nga ai.

EZEKELA 18:12

nni nkri hkrum ai hte matsan mayan ni hpe zingri, masha sut rai hpe kashun la nna, tang da ai arai, madu hpe n hkin ya; hpara ni hpe mada, matsat shabat amu galaw,

EZEKELA 22:12

Sai jahkaw kau na matu, na a masha ni sake manawn sha ma ai; amyat sha na hte lu su na matu, gumhpraw hkoi ya ma ai; htingbu wa arai hpe lawhpa ai myit hte kashun la ndai: ngai hpe mung malap kau ndai,” nga nna Madu Yehowa tsun ai.

EZEKELA 22:13

“Dai rai nna, yu u, nang mahkawng da ai n tara ai sutgan hte, na a ka-ang e ru kau ai sai majaw, ngai lata kahpret nngai.

EZEKELA 33:26

Nanhte gaw nhtu hpe hpa nna, matsat shabat amu galaw let, htingbu jan shaw ninglen, ndai mungdan hpe madu lu na myit ni?'

EZEKELA 45:9

Madu Yehowa ning nga ai: Israela du ni e, ram manu ga; adip arip hte kashun kashe amu kau da nna, tara hte dinghpring ai lam hkan galaw mu: nye a amyu masha ni hpe zingri zingrat hkum rai myit,” nga nna Madu Yehowa tsun ai.

EZEKELA 46:18

Dai hta n-ga du wa gaw, mung masha ni a sali ga hpe, adip arip kashun la nna, ga madu hpe shaden kau lu na n rai; nye a amyu masha ni gaw tinang a sali ga hta na ayai kau ai n hkrum hkra, du wa gaw tinang a kasha ni hpe tinang a sali ga hta na sali wunli karan jaw u ga.

EZEKELA 8:17

Dai rai nna shi gaw, “Masha kasha e, dai amu hpe nang mu nu ni? Yuda dap ni gaw, ndai yang e galaw ai matsat shabat amu, kaji nga a ni? shanhte gaw mung ting hpe kashun kashe hte jahpring nna, ngai hpe bai pawt bu shangun ma ni ai: yu mu, shanhte gaw tsabyi ru lakung hpe ladi nchyun e lang ma ai.

AMO LAIKA (AMOS) 2:7

shanhte gaw matsan mayan ni a baw hpe, ga nhpu hte magap kau na ndawt nga nna, sumnung ai ni a lam hpe shanut kau ma ai; nye a chyoi pra ai amying ningsang awu asin hkrum hkra, kawa hte kasha gaw mahkawn langai sha hte jawm kanawn ma ai:

AMO LAIKA (AMOS) 4:1

Samari bum ntsa e shanu nga nna, matsan mayan ni hpe adip arip hte, kadawn nga ai ni hpe zingri zingrat let, tinang a madu wa ni hpe, Lu na tsabyi jahku shapraw ga, nga nna tsun ai Bashan upra ni e, ndai ga madat mara mu:

AMO LAIKA (AMOS) 8:4

Matsan mayan ni hpe gumhpraw hte, hpa n lu ai ni hpe kyepdin man mi hte, mari la lu nna, hkaulan mam shingrun dut kau lu na matu,

MIHKA 3:9

Tara ding ai lam matsat kau nna, tengman ai lam yawng hpe shanut kau ai, Yaku a dap na du ai hte, Israela dap na agyi salang ni e, ndai lam madat mara mu.

MIHKA 6:12

Kaning rai nme law, dai mare na sut su ai ni gaw kashun kashe majaw lu su ma ai; yu maya ni gaw masu ga tsun nna, shanhte a n-gup hta hkalem hkalau ai shinglet tu nga ai.

MALAHKI 3:5

Nanhte hpe tara dara na matu, ngai ni wa nna, shaba wawt ai ni, num shaw la shaw ai ni, masu lam dagam ai ni, nchyang shabrai n jaw ai zingri ai ni, gaida gaina hte chyahkrai nmai ni hpe zingri ai ni, malet nhprang manam hpe maw sha map sha ai ni hte, ngai hpe n hkrit hkungga ai ni a man e, larau ladau re ai sakse ngai tai na nngai, nga nna Zaw nawng zaw wa up ai Yehowa tsun ai.

MAHTE 23:13

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw masha ni a man e, sumsing lamu a mungdan lam hpe pat da mu ai: nanhte nan n shang myit dai hte, shang wa ai ni, shang na pyi, n hkraw myit dai.

1 TIMOHTI 6:10

Gumhpraw marin ai myit chyawm gaw, n hkru n hkra ai amyu myu a ru npawt rai nga ai; nkau mi gaw dai hpe hkan shachyut ma ai majaw, dai makam masham lam hpe yit kau nna, yawn hkyen ai amyu myu hte tinang hkum hpe galun dinggrang kau mu ai.