MIHKA 2:13 - Jinghpaw Hanson Version Bible

¹³ Lam hpaw ai wa gaw, shanhte a shawng e lung wa sai; shanhte ru kabang wa ai hte, chyinghka de du nna, dai hku pru wa masai: shanhte a hkawhkam wa gaw, shanhte a shawng e sa wa nna, Yehowa gaw shanhte a baw rai nga ai.

Jinghpaw Common Language Bible 2009

¹³ Karai Kasang gaw shanhte a matu lam hpaw ya na ra ai; shanhte hpe bawng dung ai kaw nna woi lakawn wa na ra ai. Shanhte gaw mare chyinghka ni hpe adawt agrawp kau na mara ai hte ndut ndang hkawm sa lu na mara ai. Shanhte a hkawhkam rai nga ai dai Madu shi nan shanhte hpe woi shapraw wa na ra ai.

MIHKA 2:13 ပူးပေါင်းရင်းမြစ်များ

PRU MAT 14:19

Shaloi, Israela dap a shawng e sa wa ai Karai Kasang a lamu kasa gaw kayin nna, shanhte a hpang de sa nga ai: sumwi shadaw mung shanhte a shawng na htawt nna shanhte a hpang e sa tu nga ai:

ESAIA 42:7

ngai Yehowa nan dinghpring ai hte nang hpe shaga la nna, na a lata hpe shadaw let, nang hpe makawp maga nna, masha amyu ni a matu ga shaka, maigan amyu ni a matu nhtoi, nang hpe san da de ai.

ESAIA 51:12

Nanhte hpe shalan shabran ai wa gaw, kaga wa n rai, ngai nan rai nga nngai: si ang ai masha hpe mung, tsingdu zawn tai wa na shinggyim masha a kasha hpe mung, hkrit kamyin nna,

ESAIA 52:12

Kaning rai nme law, nanhte tin shapun pru wa na n rai; hprawng ai zawn mung pru wa na n rai, Yehowa nan nanhte a shawng e sa wa nna, Israela Karai Kasang gaw nanhte a hpang e sin langa tai na ra ai.

ESAIA 55:4

Yu u, amyu baw ni a sakse wa tai na mung, amyu baw ni a du hte up hkang ai wa tai na mung, ngai shi hpe san da ni ai.

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

HOSEA 13:14

Shing rai ngai gaw shanhte hpe katsan ga de na mawai la na rai ni? si hkrung si htan kaw na, gare la na rai ni? Si hkrung si htan e, na a ana zinli, kanang nga a ta? Katsan ga e, nang shapraw ai tsin-yam tsindam, kanang nga a ta? myit malai na lam, ngai n mu nngai.”

HOSEA 2:2

“Dai hta kaga, Yuda kashu kasha ni hte Israela kashu kasha ni gaw, rau zuphpawng nna, tinang a matu baw langai sha san da nhtawm, dai mung de na lung wa na mara ai; kaning rai nme law, Yezrela nhtoi gaw, galu kaba ai nhtoi rai na ra ai.

HOSEA 3:5

Dai hpang Israela kashu kasha ni gaw bai wa nna, tinang a Karai Kasang Yehowa hte, shanhte a hkawhkam Dawi hpe, hkan tam let, hpang jahtum na nhtoi ni hta Yehowa hte shi a mai kaja ai hpang de, hkrit hkungga ai myit hte du na mara ai.

MIHKA 2:12

Yaku e, na amyu ting hpe, ngai teng teng shinggyin la na nngai; gaja wa, Israela hta naw ngam nga ai ni hpe, ngai jahpawng da na nngai: Bozra mung na sagu ni hte, tinang a udat shara na sagu hpung hpe zawn, ngai shanhte hpe hpawng nga shangun na nngai; masha law ai majaw wu kadu nga ai.

MIHKA 3:1

Bai ngai gaw, Yaku a du ni hte, Israela dap na agyi salang ni e, madat mara mu: nanhte gaw tara malang ai hku chye mai ai, n rai myit ni?

MIHKA 4:7

lagaw hten ai wa hpe, naw ngam ai amyu chyen mi, tsan tsan de shaden kau hkrum ai ni hpe, n-gun ja ai amyu mi, ngai shatai nna, Yehowa gaw Ziun bum ntsa e, ya kaw nna prat dingsa du hkra, shanhte hpe up na ra ai.

ZEHKARIA 10:12

Ngai gaw Yehowa hta shanhte hpe shangang shakang nna, shanhte gaw shi a amying hta, hkawm sa lu na mara ai,” nga nna Yehowa tsun ai.

HEBRE 6:20

dai kata de gaw, Yesu mung, Melhkizedek a hkringhtawng lam hte maren htani htana hkinjawng agyi wa tai ngut jang, anhte a matu mara lam shawng wa tai nna, shang wa sai.

YAWSHU 3:6

Hkinjawng ni hpe mung, “Ga shaka sumpu hpai nna masha ni a shawng e rap sa wa mu,” ngu nna Yawshu tsun da ai hte maren shanhte mung ga shaka sumpu hpai nna amyu masha ni a shawng e sa wa ma ai.

SHINGRAN 17:14

Dai ni gaw, dai Sagu Kasha hte hpyen gasat na ma ai rai nna, dai Sagu Kasha gaw shanhte hpe dang kau na ra ai: kaning rai nme law, shi gaw madu ni a Madu, hkawhkam ni a Hkawhkam rai nga ai: shi hte rau nga ai ni mung, shaga da ai ni, lata la ai ni, kangka re ai ni, rai nga ma ai, nga nna ngai hpe tsun ai.

SHINGRAN 7:17

Kaning rai nme law, tingnyang ka-ang e nga ai Sagu Kasha gaw, shanhte a sagu rem ai wa tai na ra ai rai nna, asak hka hpawk du hkra shanhte hpe lam woi madun na ra ai: Karai Kasang mung, shanhte a myi hta na myi prwi yawng tsai hkra katsut kau ya na ra ai.