MIHKA 2:12 - Jinghpaw Hanson Version Bible

¹² Yaku e, na amyu ting hpe, ngai teng teng shinggyin la na nngai; gaja wa, Israela hta naw ngam nga ai ni hpe, ngai jahpawng da na nngai: Bozra mung na sagu ni hte, tinang a udat shara na sagu hpung hpe zawn, ngai shanhte hpe hpawng nga shangun na nngai; masha law ai majaw wu kadu nga ai.

Jinghpaw Common Language Bible 2009

¹² “Rai ti mung, nanhte Israela amyu masha ni hta na naw ngam nga ai ni yawng hte hpe ngai shinggyin da na we ai. Sagu ni gaw shanhte a ulawng de nhtang wa ma ai zawn, ngai nang hpe bai jahpawng la na nngai. Sagu ni hte hpring nga ai udat shara zawn na a lamu ga gaw masha law law hte kalang mi bai hpring chyat wa na mara ai.”

MIHKA 2:12 ပူးပေါင်းရင်းမြစ်များ

NINGPAWT NINGHPANG 36:33

Bela si mat nna, Bozra mare na Zera a kasha Yoba gaw shi a aya hta shang dung wu ai.

1 HKAWHKAM LABAU 1:44

Bela si mat nna, Bozra mare na Zera a kasha Yoba gaw shi a aya hta shang dung wu ai.

ESAIA 11:11

Dai aten e, Madu gaw, lahkawng lang ngu na, shi a lata bai ladawn nna, naw ngam nga ai, shi a amyu masha ni hpe, Asuri mung, Egutu mung, Pahtru mung, Hkusha mung, Elam mung, Shina mung, Hamat mung hte nammukdara zunlawng ni hta na, mawai la na ra ai.

ESAIA 27:12

Dai shani e Yehowa gaw, Hka nu kaba kaw nna Egutu hka shi du hkra, shi hte seng ai nsi naisi dup la nhtawm, Israela kashu kasha ni e, nanhte langai hte langai hkauling zawn hta la ai hkrum na marin dai.

ESAIA 34:6

Yehowa a nhtu gaw, sagu kasha hte bainam asai, sagu la a nhkyun sau hte, sai hkru nga nna, sau abya nga ai; kaning rai nme law, Yehowa gaw Bozra mare e shagu hkungga nawng ya nna, Edom mung hta sat poi kaba galaw nga ai;

ESAIA 5:17

Dai shaloi e sagu kasha ni gaw, tinang a udat shara e zawn, dai hta sha lu nna, katsi katsang tai wa ai sahti kunmi ni madu yu ai shara ni hta, malet nhprang manam ni shang sha lu na mara ai.

YEREMIA 23:3

Rai timung, ngai shapraw kau ai mung shagu hta, naw ngam nga ai, nye a sagu ni hpe, ngai shinggyin la nna, tinang a ulawng de bai woi wa na nngai: dai yang e, shanhte mayat maya wa nna, law htam wa na mara ai.

YEREMIA 3:18

Dai aten e Yuda dap na ni gaw, Israela dap na ni hte rau hkawm na mara ai rai nna, shanhte gaw dingdung maga na mungdan kaw nna rau pru wa nhtawm, nanhte a nji nwa ni hpe ngai jaw ai sali wunli ga de du na mara ai.

EZEKELA 34:11

“Kaning rai nme law, ‘Madu Yehowa ning nga ai: Yu u, Ngai hkum nan, nye a sagu ni hpe sawk yu nna, hkan tam na nngai.

EZEKELA 34:13

Amyu baw ni hta na, ngai shanhte hpe shapraw la nna, mungdan ni hta na shinggyin la nhtawm, tinang a buga de woi wa na nngai; Israela bum ga ntsa e mung, hka kau hkan e mung, masha shanu ai shara shagu hkan e mung, ngai shanhte hpe rem na nngai.

EZEKELA 34:22

ngai gaw nye a sagu ni hpe mawai la nna, shanhte gaw htawm hpang de kashun kashe hkrum na n rai; sagu mi hte sagu mi hpe ngai ginhka dawdan na nngai.

EZEKELA 34:31

“Nye a udat shara hta nga ai, nye a sagu hpung e, nanhte shinggyim masha hkrai rai nga timung, ngai gaw nanhte a Karai Kasang rai nga nngai,” nga nna Madu Yehowa tsun ai.

EZEKELA 36:37

“Madu Yehowa ning nga ai: Israela masha ni a tawngban ai ga hpe, ngai lang mi naw madat na nngai; ngai shanhte a masha ni hpe sagu zawn shalaw jahtam na nngai.

EZEKELA 37:21

Bai nang gaw shanhte hpe htawn tsun u, ‘Madu Yehowa ning nga ai: Yu mu, maigan amyu ni hta bra nga ai, Israela kashu kasha ni hpe ngai shapraw la nna, shara shagu na shinggyin la nhtawm, tinang a mung de nhtang woi wa na nngai:

AMO LAIKA (AMOS) 1:12

Dai rai nna ngai gaw, Teman ntsa e wan jahkrat nna, Bozra htingnu ni hkru mat na ra ai.

MIHKA 2:13

Lam hpaw ai wa gaw, shanhte a shawng e lung wa sai; shanhte ru kabang wa ai hte, chyinghka de du nna, dai hku pru wa masai: shanhte a hkawhkam wa gaw, shanhte a shawng e sa wa nna, Yehowa gaw shanhte a baw rai nga ai.

MIHKA 4:8

Sagu hpung a langchyi ngu ai, Ziun shayi sha a Ohpela bum e, nang up lu na ndai; gaja wa, shawoi na ahkang aya ngu ai, Yerusalem shayi sha a mungdan gaw, na a lata hta bai du na ra ai.

MIHKA 5:7

Naw ngam nga ai Yaku a masha ni gaw, masha amyu baw ni law law a ka-ang e, Yehowa kaw na hkrat ai mari hte, masha matu n hkring, shinggyim masha myit n hkan ai, tsingdu ntsa e htu ai marang zawn, tai na mara ai.

MIHKA 5:8

Naw ngam nga ai Yaku a masha ni gaw, masha amyu baw ni law law a ka-ang e, maigan masha ni a man e, maling na ashu ashan ni hta, hkanghkyi, sagu hpung hta hkanghkyi uram zawn, tai na mara ai: shi ga sa wa yang, kadai n mawai la lu hkra, shi kabye nna amya sha kau na ra ai.

MIHKA 7:14

Hkarmela bum na maling dinggram e shi hkrai shanu nga ai, na a amyu ngu ai, sali wunli sagu hpung hpe, na a dawhkrawng hte rem u: Bashan hte Gilead mung na udat shara hta moi shawng e sha lu ai zawn, shanhte bai sha lu mu ga.

MIHKA 7:18

Nang hte bung ai Karai Kasang kadai rai nga a ta? shi gaw, naw ngam nga ai, shi a sali wunli masha ni a yubak hpe raw dat kau ya nna, shanhte a tara tawt lai ai hpe, shalai kau dat nga ai: shi gaw tsawra matsan dum ai lam hta sharawng awng nga ai majaw, tutnawng pawt nga ai n rai.

ZEHPANI 3:20

Ndai aten e ngai nanhte hpe bai woi wa na nngai; ndai aten e ngai nanhte hpe bai jahpawng da na nngai: kaning rai nme law, bawng dung ai ni hpe, nanhte a man e nhtang wa shangun yang, ga ntsa amyu ni mahkra hta, ngai nanhte hpe amying shingteng jaw nna, shakawn kungdawn shara shatai na nngai,” nga nna Yehowa tsun ai.