MIHKA 2:11 - Jinghpaw Hanson Version Bible

¹¹ Tinang myit hkan nna, masu ga tsun ai wa gaw, Ngai nan tsabyi jahku hte chyaru lam, nang hpe myihtoi htoi na nngai, nga nna tsun yang, dai wa gaw, ndai amyu masha ni a myihtoi rai na ra ai.

Jinghpaw Common Language Bible 2009

¹¹ “Dai masha ni gaw masu ga tsun hkawm ai myihtoi baw hpe ra sharawng nga ma ai, ‘Na a matu, sabyi ntsin hte tsa chyaru lwi pru wa na ra ai ngu, ngai myihtoi htoi na nngai,’ ngu nna tsun ai.

MIHKA 2:11 ပူးပေါင်းရင်းမြစ်များ

1 HKAWHKAM 13:18

Shaloi myihtoi dingla gaw, “Ataw ngai mung nang hte maren myihtoi she rai nga nngai; lamu kasa gaw Yehowa a ga ngai hpe htawn tsun nna, Dai wa gaw muk sha ntsin lu na matu, na nta de shi hpe shaga la u, nga ai,” ngu nna shi hpe masu kau wu ai.

1 HKAWHKAM 22:6

Shaloi Israela hkawhkam gaw myihtoi mali tsa daram jahpawng tawn nhtawm, “Ngai gaw Ramot-gilead de hpyen gasat na, sa mai n sa mai na a kun?” Ngu nna shanhte hpe san yu mu yang, shanhte gaw, “Lung wa su; Yehowa Madu dai mare hpe hkawhkam wa a lata de ap ya na ra ai,” ngu nna htan mu ai.

YOBA 31:5

Ngai gaw myit magaw ai hte hkan hkawm nna, nye a lagaw hkalem hkalau ai de lawan nga yang.

GA SHAGAWP 25:14

“Jaw na,” grang dakat nhtawm, n jaw ai wa gaw, Marang n lawm ai sumwi hte nbung rai nga ai.

ESAIA 28:7

Rai timung shanhte pyi tsabyi majaw shut masai; chyaru majaw ndi nda hkawm masai; hkinjawng wa hte myihtoi wa gaw chyaru majaw shut masai; shanhte tsabyi jahku hta galu nna, chyaru majaw ndi nda hkawm ma ai; shanhte teng ai shingran n mu, tengman ai hku tara n dara ma ai.

ESAIA 9:15

Dai amyu hpe woi awn ai ni, shanhte hpe lam shayit mu ai; shanhte hpe hkan nang ai ni mung, shamyit kau ai hkrum ma ai.

YEREMIA 14:14

Shaloi Yehowa gaw, Dai myihtoi ni nye a mying gang nna, masu ga htoi ma ai; ngai shanhte hpe shangun ai n rai, hkang da ai mung n rai, shingran madun ai mung n rai: shanhte nanhte hpe htoi ai lam gaw, masu ai shingran, shaba wawt ai ga, myi le le ai hte tinang a n hkru ai nyan maw ai hku hkrai, rai nga ai.

YEREMIA 23:14

Yerusalem mare na myihtoi ni hta mung, matsat shabat amu ngai mu nngai: shanhte num shaw nna, masu ai lam hkan nang ma ai; kadai mung tinang a shut hpyit ai hta na myit malai n lu hkra, shanhte gaw shut hpyit ai ni a lata hpe n-gun shaja ya mu ai; shanhte nlang hte gaw nye a man e Sodom zawn, mare masha ni gaw Gomora zawn, tai ma ai.

YEREMIA 23:17

Shanhte gaw, Yehowa ga tsun sai, nanhte ngwipyaw nga lu na myit dai, nga nna ngai e n kaw n law di ai ni hpe, tut tut hkaw tsun ma ai; tinang myit ja ai hku hkan ai ni yawng hpe, Nanhte ari ahpri hkrum na n rai, nga nna tsun ma ai.

YEREMIA 23:25

Ngai yup mang mu ni ai, yup mang mu ni ai, nga nna nye a mying gang let masu ai hku htoi ai myihtoi ni a ga hpe ngai na ni ai.

YEREMIA 23:32

Yu u, masu ai yup mang hkai dan nna, tinang a masu ga hte kaman lila grang ai ga majaw, nye amyu masha ni hpe lam dam shangun ai myihtoi ni hpe, ngai hkap daw na nngai: ngai shanhte hpe shangun ai, n rai, hkang da ai mung, n rai; shanhte gaw ndai amyu a matu, akyu n nga ai, nga nna Yehowa tsun ai.

YEREMIA 28:15

Bai myihtoi Yeremia gaw myihtoi Hanania hpe, Hanania e, ya madat u; Yehowa nang hpe shangun ai n rai; nang gaw dai amyu hpe masu ai hta shamyet shanat shangun ndai.

YEREMIA 5:31

myihtoi ni masu ai ga htoi nna, hkinjawng ni dai lam hkan let, up nga ma ai; nye a amyu masha ni mung dai lam hpe ra ma ai; dai rai nna, hpang jahtum e nanhte hpa galaw na myit ta?”

SHARUNG SHAYAWT 2:14

Na a myihtoi ni gaw masu ai hte kaman lila lam, na a matu htoi ma ai; Bawng dung kaw na nang lawt wa lu hkra, shanhte na a yubak hpe madun ma ai n rai; Shanhte gaw masu ai shingran hte shayit ai lam, na a matu htoi ma ai.

EZEKELA 13:22

Kaning rai nme law, ngai n shayawn yu ai dinghpring ai wa a myit masin hpe, nanhte masu ga hte shayawn kau nna, tara n lang ai wa gaw hkye la ai n hkrum lu hkra, tinang a n hkru ai lam n kau da na matu, shi a lata hpe n-gun shaja ya mu ai:

HOSEA 7:14

Shanhte gaw tinang yup ku ntsa e hpyi jahtau timung, tinang myit masin hte ngai hpe n shaga ma ai: nai mam hte tsabyi jahku lu la na matu, shanhte zuphpawng nna, ngai hpe gumlau ma ai.

MIHKA 3:11

Du ni gaw mayun kumhpa matu tara dara ma ai; de a hkinjawng ni gaw shabrai lu hkra sha sharin ya ma ai; de a myihtoi ni gaw ma-un lu hkra sha, htoi ma ai: rai timung, shanhte gaw, Yehowa hpe shamyet shanat let, Yehowa gaw anhte a ka-ang e rai nga ai, n rai ni? anhte ari ahpri hpa hkrum na n rai, nga nna tsun ma ai.

MIHKA 3:5

Nye a amyu masha ni hpe lam shadam let, hkru hkru sha lu jang, Nang ngwipyaw nga ndai, nga nna mung, n galaw daw ai wa hpe, Nang hpyen hkrum na ndai, nga nna tsun jahtau ai myihtoi ni a lam, Yehowa ning nga ai:

ROMA 16:18

Kaning rai nme law, shing re ai ni gaw, anhte a Madu Hkristu hpe n daw jau ai wa, tinang kan a matu sha tsang ma ai rai nna, naw kaja nga ai ni a myit hpe ga sau ga pyaw hte hkalem kau ma ai.

HPILIPI 3:19

Dai ni a chyahtum ai gaw, hten byak ai rai nga malu ai; dai ni a Karai Kasang gaw, tinang a kan rai nga ai hte, tinang a kaya kahpa hta shanhte a gumrawng shara rai nga ma ai; dinghta ga na arai hpe hkrai shanhte myit tsang nga ma ai.

1 YAWHAN 4:1

Tsawra ai ni e, wenyi shagu hpe hkum kam nga myit; dai wenyi ni Karai Kasang kaw na rai nga ma ai kun, chyam yu nga mu; kaning rai nme law, masu ai myihtoi law law wa, mungkan ga de sa wa masai.