MIHKA 2:10 - Jinghpaw Hanson Version Bible

¹⁰ Rawt mu, sa wa manu: hten byak kaba hte jahten shabyak chye ai awu asin re ai amu majaw, ndai shara gaw, nanhte a ban sa shara, n rai.

Jinghpaw Common Language Bible 2009

¹⁰ Rawt sa wa su; ndai shara hta bansa shim lum ai lam hpa mung n nga nga sai. Ndai shara hten run mat na matu, nanhte galaw ai yubak ni gaw tara jeyang ai hkrum nga manit dai.

MIHKA 2:10 ပူးပေါင်းရင်းမြစ်များ

1 HKAWHKAM 9:7

ngai Israela hpe jaw da ai mungdan hta na ngai shanhte hpe jahtum kau nna, ndai nye a amying nsang matu ngai shachyoi shapra ai nta hpe mung, ngai shinggan kau na we ai rai nna, Israela amyu gaw masha amyu baw mahkra hta abung shadawn chyai shara hte asawng shara tai na marin dai.

2 HKAWHKAM 15:29

Israela hkawhkam Peka aprat e, Asuri hkawhkam Tiglat-pilese sa du nna, Iyon, Abela-bet-mahka, Yanoa, Kedesha, Hazora mare ni mung, Gilead mung hte Naphtali ngu ai Galile mung ting hpe mung gasat nna, mung masha ni hpe Asuri mung de bawng rim wa mu ai.

2 HKAWHKAM 17:6

Hoshea hkaw dung ai jahku ning hta e, Asuri hkawhkam gaw Samari mare hpe lu la nna, Israela masha ni hpe Asuri mung de bawng rim wa ai hte, shanhte hpe Hala shara e, Gozan hka makau na Habora ginwang hte, Mede masha ni a mare ni hta nga shangun mu ai.

2 HKAWHKAM LABAU 7:20

ngai shanhte hpe jaw da ai mungdan hta na aru hte nawng baw kau nna, nye a amying nsang matu ngai shachyoi shapra ai ndai nta hpe ngai shinggan kau na we ai rai nna, masha amyu ni hta abung shadawn chyai shara hte, asawng shara shatai na we ai.

SHAKAWN KUNGDAWN 106:38

Mara n rawng ai asai, shanhte ru kau mu ai: Hkanan a hpara sumla ni hpe ru jaw mu ai asai gaw, Tinang a shayi shadang sha ni a asai nan rai nga ai: Shing di nna mungdan hpe asai hte wu kau mu ai.

SHAKAWN KUNGDAWN 95:11

Dai majaw, “Nye a ban sa ai hta shanhte n shang lu mu ga,” nga nna masin pawt let, ngai dagam da nngai.

YEREMIA 10:18

kaning rai nme law, Yehowa ning nga ai: “Ngai gaw ya e pyi mung masha ni hpe, ndai mungdan kaw na shaden shapraw kau nna, shanhte hpe machyi dum hkra zingri zingrat na nngai,” nga ai.

YEREMIA 3:2

Krin ai kawng ni hpe mada yu u; nang la hte n kanawn ai shara langai ngai, nga a ni? zaibru jang na Arabi masha zawn, lam makau e dung nga let, nang shanhte hpe hkap lau nna, na a shawa num a amu hte, n san n seng ai amu majaw, mung ting awu asin rai nga ai.

YEREMIA 9:19

Kaning rai nme law, Anhte gade wa hten mat hkrum nga ga hka! Shanhte gaw anhte shanu nga ai shara ni hpe run kau ai majaw, anhte gaw tinang mungdan hpe kau da nna, grai wa mak mat saga ai,” nga nna Ziun kaw na sharung shayawt ai nsen pru nga ai.

EZEKELA 36:17

“Masha kasha e, Israela amyu gaw tinang a mungdan hta naw shanu nga yang, shanhte gaw tinang hkan galaw ai arawn alai hte dai mung hpe awu asin di kau manu ai: shanhte a htung hking gaw, nye a man e, nba lang ai num a n san n seng ai hte bung nga ai.

EZEKELA 36:19

maigan amyu ni hta, ngai shanhte hpe shabra kau nna, shanhte gaw mungdan ni hta ayai kau ai hkrum masai: tinang hkan galaw ai arawn alai hte maren ngai shanhte hpe dawdan ni ai.

TARA JAHPRANG 12:9

kaning rai nme law, ya gaw nanhte a Karai Kasang Yehowa jaw ai ban sa ai hte Sali wunli hta nanhte garai n shang myit dai.

TARA JAHPRANG 30:18

Yawdan hka rap nna shang sha na marin dai mungdan hta asak hpungngang n nga ai; nanhte teng teng hten byak mat na marin dai, ngu nna dai ni ngai nanhte hpe shadum da nga nngai.

TARA JAHPRANG 4:26

Sumsing lamu hte ginding aga e gang nna dai ni ngai nanhte hpe madat tsun da made ga, Yawdan hka rap nna nanhte shang sha ai mungdan hta gade n na yang teng teng htum mat na myit dai; dai mung hta na na wa hkrung nga lu na myit dai n rai: atsai awai htum mat kaw du na marin dai.