MIHKA 1:8 - Jinghpaw Hanson Version Bible

⁸ Ndai lam majaw, ngai sharung shayawt nna, hkrap shabam na nngai; hpun palawng raw kau nna, singgu krin hkawm na nngai; nam gwi zawn ngai gaw du nna, u gawla-uk zawn ngoi shaga na nngai.

Jinghpaw Common Language Bible 2009

⁸ Dai hpang, Mihka gaw, “Ndai lam a majaw, ngai gaw sharung shayawt ai hte yawn madai nga nngai. Nye a yawn hkyen ai hpe madun dan na matu, lagaw kaman hte singgu krin hkawm kayin na nngai. Ngai gaw ga gwi zawn hkrap shabam nna u gawla-uk zawn ngoi na nngai.

MIHKA 1:8 ပူးပေါင်းရင်းမြစ်များ

2 HKAWHKAM 18:13

Ya hkawhkam Hezekia hkaw dung ai shi mali ning hta e, Asuri hkawhkam Senahkerib gaw, Yuda mung na bunghku kum ai mare ni mahkra hpe lung gasat nna lu la wu ai.

ESHTA 4:1

Dai byin wa ai lam mahkra hpe Mordehkai chye jang, shi a hpun nba gang je kau nhtawm, wan dap hta galu ai lachyit nba bu hpun let, mare ka-ang de sa du nna, nsen kaba hte hkrap ngu hkrap ngoi wu nga ai:

YOBA 30:29

Ngai gaw chyahkyawn ni a kahpu kanau, u gawla-uk ni a kanawn manang, tai ni ai.

SHAKAWN KUNGDAWN 102:6

Zaibru jang e nga mat ai wunpu u hte, Prang ga e nga ai u hku zawn, ngai rai nga nngai.

ESAIA 13:21

Zaibru jang na matse labye ni dai yang yup nga nna, de a nta ni hta, shaga n pyaw ai dusat amyu ni hpring nga na mara ai: u gawla-uk ni mung dai yang shanu nga nna, ya ni dai hta ginsup nga na mara ai.

ESAIA 13:22

Chyahkyawn ni mung de a hpyen dap ni hta wau nga nna, nam gwi ni gaw, hkik htum ai htingnu ni hta, shaga nga na mara ai; shi ari hkrum na aten ni wa sai; shi a nhtoi ni naw galu nga na n rai.

ESAIA 16:9

Dai re ai majaw, Sibma tsabyi ru a lam, Yazera ni hkrap ai zawn, ngai mung hkrap na nngai; Heshbon yan Eleale e, nye myi prwi hte nan hpe ntsin jaw na nngai: kaning rai nme law, mangai ta e ngai ai asi hte, nmut ta e shu ai nsi naisi ni gaw, hpyen garu ai nsen hkrum masai.

ESAIA 21:3

Dai re ai majaw, nye a mashi machyi la nga ai; shinggyim machyi ai num zawn nni nkri hkrum nngai: na lahpang hkra laja nga ai, myi n mu hkra, mak mat nga ai.

ESAIA 22:4

Dai re ai majaw, “Ngai hpe hkum yu et; ngai ja ja hkrap na nngai; nye amyu a shayi sha hten byak hkrum nga yang me, ngai hpe shalan shabran na hkum tin myit,” nga nna ngai tsun nngai.

ESAIA 32:11

Apyaw sha nga ai num ni e, hkrit gari mu; n dum shami nga ai ni e, myit ru nga mu; hpun palawng raw kau nhtawm, lachyit nba bu hpun mu:

YEREMIA 4:19

Myit htum nngai law, myit htum nngai law! Nye a kraw lawang machyi nga ai law; nye a myit masin aru ara rai nga ai; ngai atsin sha nga lu ai n rai: nye a wenyi e, nang gaw pahtau dum ai hte hpyen htim garu ai hpe na lu n hka.

YEREMIA 9:1

Nye amyu shayi sha hte seng ai sat kau hkrum ai ni majaw, ngai gaw shani shana hkrap ngu hkrap ngoi nga lu hkra, nye a baw ntsin hkrai, nye a myi gaw myi prwi lwi ai hka hpawk, tai u ga law.

YEREMIA 9:10

Bum ni a lam ngai hkrap ngu hkrap ngoi nna, shabam na nngai; nam mali na udat shara ni a lam, ngai sharung shayawt na nngai: kaning rai nme law, kadai n lai lu hkra, dai shara ni wan hkru mat sai; sagu dumsu hpung ni a nsen mung, kadai n na lu ai; ntsa malen u ni mung, yamnga ni mung, hprawng mat nna n nga masai.

YEREMIA 9:19

Kaning rai nme law, Anhte gade wa hten mat hkrum nga ga hka! Shanhte gaw anhte shanu nga ai shara ni hpe run kau ai majaw, anhte gaw tinang mungdan hpe kau da nna, grai wa mak mat saga ai,” nga nna Ziun kaw na sharung shayawt ai nsen pru nga ai.

EZEKELA 32:18

“Masha kasha e, Egutu wunawng wuwa ni a matu sharung shayawt nna, shanhte hpe shayu dat u: nsung hku de yu wa ai ni hte hpawn, shi hpe mung, daru magam rawng ai maigan amyu ni a shayi sha ni hpe mung, lamu ga a lawu tsang de shayu dat u.

MIHKA 2:4

Ndai aten e shanhte gaw, nanhte a lam ga shadawn hku tsun nna, Anhte htum mat saga ai; nye a amyu masha ni a sali wunli, shi galai kau nna, nye a lata na dawm la nu hka! Shi gaw htak mat ai ni hpe, anhte a yi hkauna ni karan jaw kau mu ai, nga nna yawn madai let shabam na mara ai.

1 SAMUELA 19:24

Shi gaw shi a hpun palawng raw kau nna, Samuela man e myihtoi htoi let, dai shani tup, dai shana tup, hpun palawng n kap ai taw nga ai. Dai re ai majaw, “Shawlu mung myihtoi ni hta lawm a ni?” Nga nna masha ni tsun shalai ma ai.