MIHKA 1:5 - Jinghpaw Hanson Version Bible

⁵ Ndai yawng hte gaw, Yaku tara tawt lai nna, Israela dap a yubak majaw, rai nga ai. Yaku a tara tawt lai ai lam, hpa rai ta? Samari mare, n rai ni? Yuda a tsaw ai kawng ni, kanang rai nga a ta? Yerusalem mare hta rai nga ai, n rai ni?

Jinghpaw Common Language Bible 2009

⁵ Israela a shut hpyit ai yubak hte Karai Kasang hpe gumlau ai a majaw, ndai lam ni yawng byin wa na ra ai. Israela a gumlau ai amu a matu kadai wa hpe mara shagun na rai ta? Mare daju rai nga ai Samari shi nan Yuda mung hta hpara sumla nawku ai lai a mara lu ai wa n rai a hka? Yerusalem shi nan rai nga a hka!

MIHKA 1:5 ပူးပေါင်းရင်းမြစ်များ

1 HKAWHKAM 11:7

Shing rai Shawlumon gaw Moba masha ni a matsat shabat ngu ai Hkemosha Hpara a matu mung, Amon masha ni a matsat shabat ngu ai Molok Hpara a matu mung, Yerusalem mare hte tawtap re ai bum hta e tawn hkungri gaw da wu ai.

1 HKAWHKAM 13:32

Kaning rai nme law nga yang, Behtela e nga ai hkungri a lam hpe mung, Samari mung na mare ni a tsaw ai kawng na nta ni a lam hpe mung, shi jahtau tsun ai Yehowa a ga gaw, teng teng dik wa na ra ai,” ngu nna htet da mu ai.

1 HKAWHKAM 16:24

Ya Omri gaw Shemera kaw na gumhpraw talenta lahkawng hte Samari kawng mari nna, dai hta e mare de da wu ai: dai de da ai mare hpe, kawng madu Shemera mying hkan nna, dai hpe Samari ngu wu ai.

2 HKAWHKAM LABAU 34:3

Kaning rai nme law, shi hkaw dung ai hpang, matsat ning hta e, shi shabrang naw rai nga yang, kawa Dawi a Karai Kasang hpe hkan tam hpang wu ai; shi lahkawng ning hta e Yuda mung hte Yerusalem mare hta nga ai, tsaw ai kawng ni nawku shara ni, Asherim sumla ni, tawk ka ai sumla ni hte jaw ai sumla ni hpe htawm kau hpang wu ai.

2 HKAWHKAM LABAU 34:4

Bala hpara ni a hkungri ni hpe shi a man e run kau nna, htaw ntsa e nga ai jan sumla ni hpe shi kran kau ai hte, Asherim sumla ni, tawk ka ai sumla ni hte jaw ai sumla ni hpe kahtum gadaw agrawp kau nna, ayun ayaw di kau nhtawm, shanhte hpe nawng ya ai ni a lup ntsa e ayai kau mu ai.

ESAIA 7:9

Ehprim mung a baw Samari mare, Samari mare a baw Remali kasha rai nga timung, Ehprim mung hta amyu n tai hkra, kru shi manga ning laman e agrawp kau ai hkrum na ra ai. Nanhte n kam myit yang gaw, gaja wa grin lu na n rai,” nga nna tsun ai.

YEREMIA 2:17

Nang hpe woi wa ai, na a Karai Kasang Yehowa hpe kau da ndai majaw, nang nan shing re ai ari hkrum nga ndai, n rai ni?

YEREMIA 2:19

Na a shut hpyit ai gaw nang hpe sharin na ra ai; na a htak mat ai lam, nang hpe shari na ra ai: dai rai nna, na a Karai Kasang Yehowa hpe, nang kau da ai hte, shi hpe hkrit hkungga ai myit nang hta n rawng ai gaw, yak la ai hte yawn hpa lam rai nga ai hpe, dum nna chye nga u,” nga nna Zaw nawng zaw wa up ai Madu Yehowa tsun nga ai.

YEREMIA 23:13

Samari mung na myihtoi ni hta n htuk ai lam ngai mu nngai; shanhte gaw Bala hpe gang let, myihtoi htoi nna, nye a amyu Israela hpe lam dam shangun mu ai.

YEREMIA 23:14

Yerusalem mare na myihtoi ni hta mung, matsat shabat amu ngai mu nngai: shanhte num shaw nna, masu ai lam hkan nang ma ai; kadai mung tinang a shut hpyit ai hta na myit malai n lu hkra, shanhte gaw shut hpyit ai ni a lata hpe n-gun shaja ya mu ai; shanhte nlang hte gaw nye a man e Sodom zawn, mare masha ni gaw Gomora zawn, tai ma ai.

YEREMIA 4:18

Nang hkan nga ai lam hte arawn alai majaw, ndai nang hkrum sha nu ai: dai gaw na a n hkru n hkra ai lam rai nga ai: dai gaw hka jap ai hte myit masin hta chyung nga ai, nga nna Yehowa tsun ai.

YEREMIA 5:25

Nanhte a shut hpyit ai gaw ndai lam ni hpe shabai kau nna, nanhte a yubak gaw, nanhte a ngamu ngamai lam, pat kau manu ai.

YEREMIA 6:19

Ginding aga e, na la u: yu u, ndai amyu gaw nye a ga n madat ai hte, nye a tara hpe n hkan hkraw ai majaw, shanhte myit mang ai lam hte maren, ngai shanhte a ntsa e tsin-yam tsindam shapraw na nngai.

SHARUNG SHAYAWT 5:16

Anhte gup ai janmau hkrat mat sai. Anhte shut hpyit ai majaw, dingnye lu ga ai.

EZEKELA 16:46

Na a kana gaw, tinang a shayi sha ni hte rau, na a pai maga de shanu nga ai, Samari mare rai nga ai; na a kanau gaw, tinang a shayi sha ni hte rau, na a hkra maga de shanu nga ai Sodom mare rai nga ai.

HOSEA 7:1

Ngai gaw Israela hpe shamai ya mayu yang, Ehprim a n shawp ai hte, Samari n hkru ai lam dan pru nga ai; kaning rai nme law, shanhte gaw masu matsa lam hkan nna, lagu lagut wa kata de shang ai hte, damya hpung ni, shinggan de hpya lu hpya sha ma ai.

AMO LAIKA (AMOS) 6:1

Ziun bum ntsa e ngwipyaw nga nna, Samari bum ntsa e hkrithpa n dum nga ai, Israela masha ni shamyet shanat nga ai, masha ni a daru magam rawng ai ni gaw, dingnye lu ma ai.

AMO LAIKA (AMOS) 7:9

Isak a tsaw ai kawng ni katsi katsang shara, Israela a chyoi pra ai nta ni marawng marang tai mat nna, ngai gaw Yeroboam a nta nhtu hte gasat na nngai, nga nna ngai hpe tsun ai.

AMO LAIKA (AMOS) 8:14

Samari a shut hpyit ai lam hkan nna, Dan e, na a hpara hkrung nga ai hte maren, nga nna mung, Berasheba a htung hking grin nga ai hte maren, nga nna mung, tsun dagam ai ni gaw kadawng mat nna, galoi mung bai rawt lu na n rai, nga nna Madu Yehowa tsun ai.

MIHKA 1:13

Lahkisha mare e shanu nga ai num e, laring gumra hte hpyen leng byau u: nang gaw Ziun shayi sha a yubak npawt rai nga ndai; Israela a tara tawt lai ai lam; nang kaw na pru nga ai.