MIHKA 1:3 - Jinghpaw Hanson Version Bible

³ Kaning rai nme law, yu u, Yehowa gaw shi a shara na pru wa nna, yu wa yang, ga ntsa na tsaw ai kawng ni a ntsa e kabye hkawm na ra ai.

Jinghpaw Common Language Bible 2009

³ Dai Madu gaw shi a chyoi pra ai shara kaw nna pru sa nhtawm; shi yu sa nna bum pungding ni hkan e kabye hkawm na ra ai.

MIHKA 1:3 ပူးပေါင်းရင်းမြစ်များ

YOBA 40:12

Gumrawng ai ni hpe yu matsing nna shagrit kau mu; tara n lang ai ni hpe tinang a shara hkan kabye dip kau mu.

SHAKAWN KUNGDAWN 115:3

Anhte a Karai Kasang gaw sumsing lamu e anga nga ai; Shi ra ai hku yawng mayawng shi galaw nga ai.

ESAIA 25:10

Kaning rai nme law, Yehowa a lata gaw ndai bum ntsa e ban sa na ra ai: yi hku hpe nga hkyi hte kabye kayau kau ai zawn, Moba mung gaw kabye kau ai hkrum na ra ai.

ESAIA 26:21

Kaning rai nme law, ga ntsa masha ni hpe, tinang a yubak majaw, ari jaw na matu, Yehowa gaw shi a shara kaw na pru wa ai; lamu ga gaw shi chyup ai asai bai shapraw dan nna, htawm hpang e sat kau hkrum ai ni hpe makoi magap na n rai.

EZEKELA 3:12

Shaloi Wenyi gaw ngai hpe pawn nna, nye a shingdu de, “Yehowa a hpung shingkang, shi a shara hta e a nga u ga law,” nga nna wu kadu ai nsen kaba, ngai na nngai.

AMO LAIKA (AMOS) 4:13

Kaning rai nme law, yu u, bum ni hpe gaw da nna, nbung hpe hpan da ai hte, masha a myit mang ai hpe shapraw shadan chye ai wa, jahpawt nhtoi hpe nsin shatai ai hte, ga ntsa na tsaw htum ai shara ni hpe kabye hkawm ai wa gaw, Zaw nawng zaw wa up ai, Karai Kasang Yehowa, mying ai wa rai nga ai.

AMO LAIKA (AMOS) 9:5

Kaning rai nme law, Zaw nawng zaw wa up ai Madu Yehowa gaw, lamu ga hpe ahtawk yang, dai gaw byawng mat wa nna, dai hta shanu nga ai ni yawng, yawn hkyen nga na mara ai: dai gaw hka nu zawn tung rawt nna, Egutu hka nu zawn bai hkyet mat na ra ai:

HABAKU 3:19

Madu Yehowa gaw, nye a n-gun atsam rai nga ai: Shi gaw nye a lagaw hpe shan lagaw zawn shatai nna, Nye a tsaw ai shara hta, ngai hpe hkawm shangun ai law. Sumpyi dum ai agyi a matu; nye a tingse ni hta mai dum ai mahkawn ga.

ZEHKARIA 14:4

Dai shani hta, shi a lagaw, Yerusalem a sinpraw maga na Tsanlun bum ntsa e tsap nna, Tsanlun bum gaw, sinpraw maga kaw nna sinna maga du hkra, ka-ang brang ga wa ai hte, grai kaba ai kadit tai na ra ai: dai bum a chyen mi gaw, dingdung maga de, chyen mi gaw, dingda maga de, sit wa na ra ai.

TARA JAHPRANG 32:13

Ga ntsa tsaw grau ai shara hta shi hpe shajawn, Yi hkauna nsi naisi hte shi hpe shangawn wu ai: Machyu lunghtawn na lagat jahku, Nhpai lungkring na namman chyu mu shachyu wu ai.

TARA JAHPRANG 33:29

Israela e, nang a nga ndai: Yehowa hkye hkrang la ai amyu e, nang hte kadai bung a ta? Shi gaw nang hpe makawp maga ai ninggang, Na a shingkang shapraw ai nhtu rai nga ai. Na a hpyen ni nang kaw nawm nna, Shanhte a tsaw ai shara ni hpe nang kabye lu na rin dai,” nga nna tsun shaman ya wu ai.