MIHKA 1:11 - Jinghpaw Hanson Version Bible

¹¹ Shahpira mare hta shanu nga ai num e, singgu krin hte kaya kahpa hkrum let, rap sa wa u; Zanan mare hta shanu nga ai ni gaw, n pru gwi ma ai; Betezela hkrap shabam ai a majaw, nanhte a matu shingbyi shara n nga ai.

Jinghpaw Common Language Bible 2009

¹¹ Shahpira mare masha ni e, kaya kahpa hte singgu krin rai nna, bawng dung sa wa masu. Zanan mare hta shanu nga ai ni shanhte a mare shinggan de n pru gwi nga ma ai. Betezela mare masha ni a sharung shayawt ai nsen hpe nang na ai shaloi, dai shara hta shingbyi shara n nga ai hpe nang chye na rin dai.

MIHKA 1:11 ပူးပေါင်းရင်းမြစ်များ

ESAIA 16:2

Kaning rai nme law, tinang tsip run nna, nwan hkawm ai u shingtai zawn, Moba shayi sha ni gaw Arnon hka kau hkan e nga nga na mara ai.

ESAIA 20:4

Egutu masha ni hpe kaya jahkrum na matu, Asuri hkawhkam gaw, rim la hkrum ai Egutu masha ni hte, bawng dung hkrum ai Hkusha masha kaji kaba ni hpe, singgu krin, kyepdin n din, dangbau pyi n magap ai, woi mat wa na maru ai.

YEREMIA 13:22

Bai nang gaw, Hpa majaw ngai dai lam hkrum ai i? nga nna na a kraw e dum yang, na a ladu lai ai shut hpyit majaw, na a labu raw kau hkrum nna, na a lahtin ahpye a lam hkrum nga ai.

YEREMIA 48:6

Asak lawt na matu hprawng mu; nam ga na Arora mare zawn tai mu.

YEREMIA 48:9

Moba hprawng lawt lu hkra, shi hpe singkaw shatut mu; de a mare ni gaw, masha kata, shingran katsi ai shara tai na ra ai.

EZEKELA 23:29

shanhte gaw n dawng ai myit hte nang hpe di kau nna, na arung arai mahkra hpe la kau nhtawm, nang hpe singgu krin jahti da na mara ai: dai rai nna, na a n se n sa ai myit hte kaya kahpa re ai singgu krin mung, nang galaw yu ai shawa num hking mung, dawng pru na ra ai.”

MIHKA 1:8

Ndai lam majaw, ngai sharung shayawt nna, hkrap shabam na nngai; hpun palawng raw kau nna, singgu krin hkawm na nngai; nam gwi zawn ngai gaw du nna, u gawla-uk zawn ngoi shaga na nngai.

NAHUM 3:5

Yu u, ngai nang hpe hkap daw nna, na a labu hpe, na myi man ntsa e malu kau nna, maigan amyu ni hpe, na a singgu krin, hkawhkam mungdan ni hpe, na a kaya kahpa, madun dan na nngai.

ZEHKARIA 14:5

Shing rai nanhte gaw, nye a bum yan a lapran kadit lam hku hprawng wa na marin dai; kaning rai nme law, dai bum lapran a kadit gaw, Azela shara du hkra dam na ra ai: gaja wa, Yuda hkawhkam Uzia lakhtak e, dai nnang nawn majaw, nanhte hprawng gat ai hte maren, bai hprawng gat na marin dai; nye a Karai Kasang Yehowa gaw sa du nna, chyoi pra ai ni yawng shi hte rau lawm na mara ai.

YAWSHU 15:37

Bai, zenan, Hadasha, Migdala-gad;