MIHKA 1:10 - Jinghpaw Hanson Version Bible

¹⁰ Ashi dai hpe Gat mare hta e hkum tsun myit; Ahku mare hta e, hkum hkrap myit; Bet-le-ahpra mare hta e, ga nhpu hta galu nga u;

Jinghpaw Common Language Bible 2009

¹⁰ Anhte a hkrat sum ai lam hpe Gat mare na anhte a gumlau hpyen ni hpe hkum tsun dan myit; nang hkrap ai lam shanhte hpe hkum mu shangun et. Bet Leahpra mare masha ni shanhte a myit htum ai lam hpe ga nhpu galwi ai hku madun dan nga ma ai!

MIHKA 1:10 ပူးပေါင်းရင်းမြစ်များ

2 SAMUELA 1:20

Hpilisti shayi sha ni n kabu lu mu ga, Matu n gadoi ai amyu a num ni n awng lu mu ga, Ashi dai hpe Gat mare hta e hkum tsun myit, Ashkelon mare lam hkan e, hkum kajai myit.

YOBA 2:8

Shi hkum hpe ahkut kau na matu, di chyen shi la nna, wan dap hta dung nga ai.

YEREMIA 6:26

Nye a amyu shayi sha e, lachyit nba bu hpun nna, wan dap hta galwi nga u: kasha shingtai si ai zawn, yawn nga nna aja awa sharung shayawt nga u: jahten shabyak ai wa gaw, anhte a ntsa e akajawng sha du na ra ai.

SHARUNG SHAYAWT 3:29

Myit mada shara nga nhten, nga nna tinang a n-gup hpe ga nhpu hta amawp u ga.

AMO LAIKA (AMOS) 5:13

Dai rai nna, ndai aten gaw n shawp ai aten rai nga ai majaw, nyan rawng ai wa gaw, atsin sha nga na ra ai.

AMO LAIKA (AMOS) 6:10

Ya si mat ai wa a kawa doi, mang nat ai wa hte rau sa nna, si mang hpe nhku de na shapraw yang, nta jut e makoi nga ai wa hpe shaga nna, Nang hte rau langai mi naw nga a ni? ngu nna san wu yang, dai wa gaw, N nga sai, nga nna htan jang, kawa doi gaw, Atsin sha nga u, Yehowa a amying hpe shaga mai ai n rai, nga nna daru kau na ra ai.

YAWSHU 18:23

Awim, Para, Ohpra;