MIHKA 1:1 - Jinghpaw Hanson Version Bible

¹ Yuda hkawhkam ni Yohtam, Ahaza, Hezekia lakhtak e, Morasha masha Mihka gaw, Samari hte Yerusalem a lam lakap nna mu ai Yehowa a mungga, da ndai rai nga ai.

Jinghpaw Common Language Bible 2009

¹ Ndai gaw Yuda hkawhkam ni rai nga ai Yohtam, Ahaza hte Hezekia ni a lakhtak e, Morashet mare na Mihka hpang de Samari hte Yerusalem hte seng nna dai Madu jaw ya ai mungga rai nga ai.

MIHKA 1:1 ပူးပေါင်းရင်းမြစ်များ

2 HKAWHKAM 15:32

Israela hkawhkam Remalia kasha Peka hkaw dung ai ni ning hta e, Uzia kasha, Yuda hkawhkam Yohtam gaw hkaw dung hpang nga ai.

2 HKAWHKAM 15:5

Ya Yehowa gaw hkawhkam wa hpe ari jahkrum nna, shi si ai shani du hkra manggang kap ai hte nta kaga hta anga nga ai. Hkawhkam a kasha Yohtam gaw, mung masha ni hpe up nga let, htingnu ntsa e mung madu nga ai.

2 HKAWHKAM 16:1

Remalia kasha Peka hkaw dung ai shi sanit ning hta e, Yuda hkawhkam Yohtam a kasha Ahaza gaw hkaw dung nga ai.

2 HKAWHKAM 18:1

Ya, Israela hkawhkam Ela kasha Hoshea hkaw dung ai masum ning hta e, Yuda hkawhkam, Ahaza kasha Hezekia hkaw dung hpang nga ai.

2 HKAWHKAM LABAU 28:1

Ahaza gaw hkaw dung hpang yang, asak hkun ning rai nga nna, Yerusalem mare hta e shi kru ning up nga ai: shi gaw shi a kawa Dawi zawn Yehowa man e tengman ai amu n galaw ai hte,

2 HKAWHKAM LABAU 29:1

Hezekia gaw hkaw dung hpang yang asak hkun manga ning rai nga nna, yerusalem mare hta e hkun jahku ning up nga ai: shi a kanu gaw Zehkaria shayi sha Abiya rai lu ai.

ESAIA 1:1

Yuda hkawhkam Uzia, Yohtam, Ahaza hte Hezekia aprat e, Amot a kasha Esaia gaw, Yuda mung hte Yerusalem mare a lam, mu ai shingran gaw, da ndai rai nga ai.

ESAIA 1:2

Yehowa ga tsun nga ai majaw, sumsing lamu e, na la u, ginding aga e, madat u: “ngai gaw kashu kasha hpe lanu lahku nna, kaba wa shangun timung, shanhte ngai hpe gumlau ma ai.

ESAIA 7:1

Yuda hkawhkam, Uzia a kashu, Yohtam a kasha Ahaza a lakhtak e, Suri hkawhkam Rezin hte, Israela hkawhkam Remalia kasha Peka gaw, Yerusalem hpe lung gasat timung, dai hpe dang kau lu mu ai n rai.

ESAIA 7:9

Ehprim mung a baw Samari mare, Samari mare a baw Remali kasha rai nga timung, Ehprim mung hta amyu n tai hkra, kru shi manga ning laman e agrawp kau ai hkrum na ra ai. Nanhte n kam myit yang gaw, gaja wa grin lu na n rai,” nga nna tsun ai.

HOSEA 1:1

Yuda hkawhkam ni Uzia, Yohtam, Ahaza, Hezekia hte Israela hkawhkam, Yosha a kasha Yeroboam a lakhtak e, Beri a kasha Hosea kaw du ai, Yehowa a mungga gaw, da ndai rai nga ai.

HOSEA 4:15

Israela amyu e, nang shawa num tai timung, Yuda amyu n shut n hpyit u ga: Gilgala de hkum shang myit; Bet-awen de hkum lung myit; Yehowa hkrung nga ai hte maren, nga nna hkum dagam myit.

HOSEA 8:14

Kaning rai nme law, Israela gaw tinang a Hpan Madu hpe malap kau nna, nawku Htingnu ni dè da nga ai; Yuda gaw bunghku kum ai mare ni shalaw ma ai; rai timung, ngai gaw mare ni hpe nat kau nna, de a hpyen dap ni hkru mat na ra ai.

AMO LAIKA (AMOS) 1:1

Yuda hkawhkam Uzia hte, Israela hkawhkam Yosha a kasha Yeroboam a lakhtak e, dai nnang nawn garai n nawn yang, ni ning a shawng e, sagu rem ai ni hta lawm ai, Tekoa masha Amo gaw, Israela hpe lakap nna mu ai mungga, da ndai rai nga ai.

AMO LAIKA (AMOS) 6:1

Ziun bum ntsa e ngwipyaw nga nna, Samari bum ntsa e hkrithpa n dum nga ai, Israela masha ni shamyet shanat nga ai, masha ni a daru magam rawng ai ni gaw, dingnye lu ma ai.

MIHKA 1:5

Ndai yawng hte gaw, Yaku tara tawt lai nna, Israela dap a yubak majaw, rai nga ai. Yaku a tara tawt lai ai lam, hpa rai ta? Samari mare, n rai ni? Yuda a tsaw ai kawng ni, kanang rai nga a ta? Yerusalem mare hta rai nga ai, n rai ni?

MIHKA 3:9

Tara ding ai lam matsat kau nna, tengman ai lam yawng hpe shanut kau ai, Yaku a dap na du ai hte, Israela dap na agyi salang ni e, ndai lam madat mara mu.

HABAKU 1:1

Myihtoi Habaku mu ai shingran, da ndai rai nga ai.

2 PETRU 1:21

Kaning rai nme law, masha a myit jasat ai hku majaw, hpa myihtoi ga galoi mung byin pru yu ai n rai; Chyoi pra ai Wenyi e myit shadut ya hkrum ai masha ni gaw, Karai Kasang kaw na ga htawn tsun ma ai.