MARKU 9:41 - Jinghpaw Hanson Version Bible

⁴¹ Nanhte hpe ngai teng teng tsun made ai gaw, Hkristu a amying hte nanhte seng nga myit dai, nga nna ntsin htinggap mi nanhte hpe jaw ai wa kadai mung, shi a shabrai hpe gaja wa gawm kaw lu na wu ai n rai.

Jinghpaw Common Language Bible 2009

⁴¹ Ngai nanhte hpe teng teng tsun made ga, nanhte ngai hte seng ai ni rai nga ai nga nna nanhte hpe ntsin gawm mi jaw lu ai wa kadai mung, shi a shabrai teng teng hkam la lu na ra ai.

MARKU 9:41 ပူးပေါင်းရင်းမြစ်များ

MAHTE 10:42

Masha langai ngai gaw, sape a myi man hpe tau nna, ndai ma kaji langai ngai hpe, ntsin katsi htinggap mi sha jaw wu yang, dai wa gaw shi a shabrai n lu la na nu ai n rai, nga nna ngai nanhte hpe teng teng tsun nngai,” ngu mu ai.

MAHTE 25:40

Dai rai nna Hkawhkam wa gaw, “Nanhte hpe ngai teng teng tsun made ga, ‘Ndai ngai nau ni hta na kaji htum ai wa hpe nanhte galaw ai gaw, nanhte ngai hpe galaw manit dai, rai nga ai,’ ngu nna shanhte hpe htan na mu ai.

MARKU 4:10

Dai hpang shi hkrai sha rai nga yang, shi hte rau nga ai ni hte sape shi lahkawng gaw, dai ga shadawn a lam shi hpe san mu ai.

ROMA 14:15

Kaning rai nme law, lusha shahpa majaw na a nhpu nnau a myit n pyaw nga a yang gaw, nang tsawra ai lam hta naw hkawm nga ndai n rai. Hkristu gaw shi a matu mara si hkam ya nu ai majaw, na a lusha shahpa e shi hpe hkum jahten et.

ROMA 8:9

Nanhte hta e chyawm gaw Karai Kasang a Wenyi rawng nga myit yang gaw, nanhte hkum shan myit hta e n rai, Wenyi hta e nan rawng nga myit dai. Langai ngai gaw Hkristu a Wenyi n rawng yang dai wa shi hte n seng nga ai.

1 KORINHTU 15:23

Rai timung, langai hte langai tinang ang ai hku hte maren rai wa na ra ai: Hkristu gaw shawng si ai asi rai nga ai; dai hpang, Hkristu bai du ai ladaw e shi hte seng ai ni hkrung wa na mara ai;

1 KORINHTU 3:23

nanhte mahtang Hkristu a rai nga ai ni, rai nga myit dai; Hkristu chyawm gaw Karai Kasang a re ai wa rai nga ai.

2 KORINHTU 10:7

Nanhte gaw myi man sha yu matsing myit dai. Ngai gaw Hkristu hta e rai nga nngai, nga nna langai ngai myit da a yang gaw, shi nan Hkristu hta e rai nga ai hte maren, anhte mung rai nga ga ai, tinang hkum dai myit dum nga u ga.

GALATI 3:29

Ya nanhte Hkristu hte seng nga myit yang gaw, nanhte Abraham a aru arat rai nga myit dai hte, dai ga ndat nga ai hte maren, sali wunli hkam la ai ni rai nga myit dai.

GALATI 5:24

Hkristu Yesu hte seng ai ni chyawm gaw, tinang a hkum shan myit mung, myit kayut ai hte marin marit ai hte nawng, wudang hta jen da manu ai.