MARKU 9:24 - Jinghpaw Hanson Version Bible

²⁴ Shaloi jang, dai ma a kawa gaw, “Ngai kamsham nga nngai, nye a n kam n sham ai myit naw matsan dum ya e,” nga nna jahtau tsun ai.

Jinghpaw Common Language Bible 2009

²⁴ Shaloi jang kawa gaw, “Ngai kam sham nga nngai, rai ti mung nye a kam sham myit n law li ai, grau nna law wa na matu ngai hpe karum matsan dum la rit law!,” nga nna jahtau tsun ai.

MARKU 9:24 ပူးပေါင်းရင်းမြစ်များ

2 SAMUELA 16:12

Dai ni wora wa matsa ai a marang e, ngai hkrum sha ai shoi chyum ai hpe Yehowa mada mara nna, chyeju bai nhtang jaw na nhten,” ngu wu ai.

2 HKAWHKAM 20:5

“Bai nhtang u; nye a amyu du Hezekia hpe ning ngu u; ‘Na nwa Dawi a Karai Kasang Yehowa ning nga ai, Na akyu hpyi ai ga ngai na ni ai, na myi prwi ngai mu nngai: yu u, ngai nang hpe shamai ya nna, masum ya laman e Yehowa a nta hta nang shang lu na ndai.

SHAKAWN KUNGDAWN 126:5

Myi prwi hte gat hkai ai ni, Kabu gara let bai shu lu na mu ai.

SHAKAWN KUNGDAWN 39:12

Yehowa e, ngai akyu hpyi ai ga madat mara ya e, Ngai hpyi jahtau ai ga na la ya e; Nang kaw ngai manam rai nga nngai hte, Ngai ji wa ni zawn kaga buga masha rai nga nngai majaw, Nye a myi prwi hpe atsin sha hkum yu nga et.

YEREMIA 14:17

Nang shanhte hpe ndai ga tsun mu: Nye amyu shayi hkawnsek gaw hkala nba kaba hkrum nna, shi a nma grai baw wa ai majaw, nye a myi prwi shani shana lwi nna, galoi n sim u ga.

MARKU 9:23

Yesu gaw, “Nang rai lu n-yang gaw!- Kamsham ai myit rawng ai wa gaw hpa mung rai lu na ra ai,” ngu nna shi hpe tsun wu ai.

MARKU 9:25

Dai shawa masha ni gat let zuphpawng wa ma ai hpe Yesu mu wu yang, dai n seng ai nat hpe, “N chye shaga nna na lahpang ai nat e, ngai nang hpe htet da de ga, shi hta na pru mat wa u; htawm hpang e galoi mung bai hkum shang nit,” ngu nna daru kau wu ai.

LUKA 17:5

Shaloi kasa ni gaw, “Anhte a kamsham ai myit shalaw ya mi,” ngu nna Madu hpe hpyi mu ai.

LUKA 7:38

shingdu maga Yesu a lagaw nhpang e hkrap tsap nga let shi a lagaw hpe myi prwi hte madit ya wu ai rai nna, shi a kara hte katsut kau ya wu ai: shi a lagaw hpe mung shi pup nna, mura hte chya ya wu ai.

LUKA 7:44

Shaloi dai numsha hpang de shi kayin nna, Simun hpe, Ndai numsha hpe nang mu da wu ni? Ngai na a nta de shang tim’ lagaw shin na ntsin nang n jaw ndai: shi chyawm gaw myi prwi hte nye a lagaw madit ya nna, shi a kara hte katsut kau ya ni ai.

KASA 10:19

Petru mung, shingran de a lam myit naw sumru nga yang, Wenyi gaw, “Yu u, masha lahkawng nang hpe tam nga ma ai: rawt u, yu wa sit;

KASA 10:31

‘Korneli e, na a akyu hpyi ai ga madat mara nu ai; na alu jaw ai mung Karai Kasang matsing da nu ai.

2 KORINHTU 2:4

Kaning rai nme law, tsin-yam tsindam, myit ru myit yak law law hte, myi prwi law law pru let ngai nanhte hpe ka dat made ai; nanhte hpe myit yawn shangun na n re ai sha, ngai nanhte hpe nachying naw tsawra nga ai hpe nanhte chye lu myit ga, ngai ka dat made ai.

EHPESU 2:8

Kaning rai nme law, makam masham a marang e, chyeju hte sha, nanhte hkye hkrang la ai hkrum manit dai: dai gaw nanhte kaw na n rai, Karai Kasang a kumhpaw kumhpa sha rai nga ai:

HPILIPI 1:29

kaning rai nme law, Hkristu hta e kamsham lu na chyeju sha n rai, shi a matu mara nni nkri hkrum na chyeju hpe mung, nanhte hkam la manit dai;

2 HTESALONI 1:11

Dai re ai majaw, anhte a Karai Kasang hte Madu Yesu Hkristu a chyeju marang e, anhte a Madu Yesu a mying nsang gaw nanhte hta e shagrau ai hkrum lu na hte, nanhte mung shi hta e shagrau ai hkrum lu hkra,

2 HTESALONI 1:3

Hpunau ni e, nanhte a makam masham gaw kaba la wa nna, nanhte langai hte langai a tsawra ai myit gaw shada da e law htam jat wa ai majaw, ging dan nga ai hte maren, nanhte mahkra a matu mara Karai Kasang hpe tutnawng e shakawn kungdawn nga na, anhte ra nga ga ai.

2 TIMOHTI 1:4

na a myi prwi ngai dum nna, nye a kabu gara ai dik wa lu li ga, nang hte hkrum na, shani shana ngai myit ndawt nga nngai:

HEBRE 12:17

kaning rai nme law, hpang e dai shaman ya ai akyu lu la mayu yang, shi shinggan kau ai hkrum nga ai hpe, nanhte chye nga myit dai: myi prwi pru ai hte myit malai shara nhtang tam katu timung, kanang na n mu la nu ai.

HEBRE 12:2

dai madu gaw, shi a man e ang wa ai kabu gara ai lam majaw, kaya kahpa hkrum ai hpe hpa zawn n nawn ai sha, wudang lam hpe hkam nu ai rai nna, Karai Kasang a tingnyang hkra maga de wa dung nga sai.

HEBRE 5:7

Dai hkinjawng wa gaw, dinghta hkum shan hte naw pra nga ai nhtoi hte hta, si ai kaw na shi hpe mawai la lu ai wa kaw, akyu hpyi ai ga hte tawngban ai ga hpe, hkrap ngu hkrap ngoi nna myi prwi law law hte nawng ya ngut yang, shi a hkum tsup ai myit majaw hkap madat la ya ai hkrum nhtawm,