MARKU 9:20 - Jinghpaw Hanson Version Bible

²⁰ Shaloi shanhte gaw dai ma hpe woi sa mu ai. Shi hpe mu hkrup ai shaloi jang, dai nat gaw shi hpe htan kashan shangun nna, shi ga de kadawng wa ai hte, hkumbawp lawu let gumkan galu nga ai.

Jinghpaw Common Language Bible 2009

²⁰ Shaloi shanhte gaw dai ma hpe Yesu hpang de woi sa mu ai. Dai nat gaw Yesu hpe mu hkrup ai shaloi jang ma hpe htan lashan shangun nna shi ga de kadawng taw wu ai hte n-gup hta mung hkumbawp lawu let gumkan galu nga ai.

MARKU 9:20 ပူးပေါင်းရင်းမြစ်များ

MARKU 1:26

Dai rai nna, dai n seng ai nat gaw shi hpe bu lashan shangun nna, nsen kaba hte jahtau let shi kaw na pru mat wa ai.

MARKU 9:18

kanang mung shi hpe jashung yang, dai nat gaw shi hpe gumpye kau wu ai rai nna, shi hkumbawp lawu ai hte wa udik urin nna hkum akyip akap rai mat nga ai: shi hpe shaden kau ya mi ga, na a sape ni hpe ngai tsun dan nme ai rai timung, shanhte n rai lu ma ai,” ngu wu ai.

MARKU 9:19

Dai rai nna Yesu gaw, “Makam masham n rawng ai amyu e, gaten du hkra ngai nanhte hte rau nga nga lu na rai ta? gaten du hkra nanhte hpe sharang nga lu na rai ta? shi hpe ngai hpang de woi sa marit,” ngu nna htan mu ai.

MARKU 9:21

Dai rai nna, Yesu gaw, “Shing rai shi hta byin ai gaw, gade na wa sata?” ngu nna kawa hpe san wu yang, shi gaw, “Naw kaji kaw nna rai sai:

MARKU 9:26

Shaloi, shabam wa ai hte shi hpe bu kashan dat nhtawm, shi pru mat wa ai: dai ma mung si ai zawn rai mat ai hte, masha law law wa, “Shi si mat sai,” nga shajang ma ai.

LUKA 4:35

Shaloi Yesu gaw, “Atsin sha nga u, shi kaw na pru wa u,” ngu nna shi hpe daru kau wu ai. Dai rai nna Nat gaw dai wa hpe ka-ang e kadawng kau tawn da nhtawm, hkala nba n di ai sha, shi kaw na pru mat wa ai.

LUKA 8:29

Kaning rai nme law, dai wa kaw na pru wa na, dai n seng ai nat hpe shi daru da nu ai. Dai nat gaw dai wa hta law law lang shung ai majaw, shi hpe sharen da ai hte, hpri sumri hte hkang hkyihkyang e gyit hkang shadang rai timung, dai sumri ni hpe gang dut kau nhtawm, nat gaw dai wa hpe nam mali de shapoi la la a rai nga ai.

LUKA 9:39

yu u, shi hta nat shung nna, shi akajawng sha shabam wa ai hte, hkumbawp pru hkra shi hpe bu kashan shangun nna, machyi la hkra shatsang ngut jang she nachying yak la ai hte shi kaw na pru mat wa wa re ai.

LUKA 9:42

Dai ma sa wa nga yang pyi, nat gaw shi hpe kadawng tawn nna htan kashan shangun nga ai: Yesu chyawm gaw dai n seng ai nat hpe daru kau nna, dai ma hpe shamai ya nhtawm kawa e ap ya wu ai.

YAWHAN 8:44

Nanhte gaw, nanhte a kawa ngu ai, gumlau Nat hta na prat wa ai ni rai nga myit dai rai nna, nanhte a kawa a kayut ai hku mung, hkan mayu myit dai: shi gaw shawng npawt kaw nna, masha sat ai wa rai nga ai rai nna, shi hta tengman ai lam n rawng lu ai majaw, tengman ai lam hta n nga lu ai: shi masu magaw ga tsun yang, shi a myit hta na hte maren tsun nga ai: shi gaw masu ai wa rai nga ai hte, masu magaw ai a kawa mung, rai nga ai.

1 PETRU 5:8

Nanhte htauli htaula rai nga mu; a maja nga mu; nanhte a gumlau wa ngu ai, Nat gaw, kadai wa hpe mahtang mayu kau lu na, nga nna shabam ai hkanghkyi zawn, ningwan kahkrang hkawm nga ai.