MARKU 9:12 - Jinghpaw Hanson Version Bible

¹² Shi gaw, “Gaja wa, Elia shawng du ra ai rai nna, yawng mayawng hte hpe shagrin da lu nu ai: dai hta kaga, dai Masha Kasha mung, nni nkri law law wa hkam nga nna, gang kau ai hpe hkrum na wu ai,” nga nna hpa rai ka da nga a ta?

Jinghpaw Common Language Bible 2009

¹² Shi gaw, “Arai yawng mayawng shajin da chyalu rai na matu, Elia shawng du sa ai gaw teng nga ai; Rai ti mung dai Chyum Laika ni hta, ‘Masha Kasha gaw nni nkri law law hpe mung, ningdang nyet kau ai mung hkrum sha na wu ai,” nga nna hpa rai ka da nga a ta?

MARKU 9:12 ပူးပေါင်းရင်းမြစ်များ

SHAKAWN KUNGDAWN 74:22

Karai Kasang e, rawt u, na amu hpe yu maga u: Mana ai wa gaw tut e nang hpe a shatan nga ai, dum u.

ESAIA 49:7

Bai, Israela a Hkye hkrang la ai wa, shi a chyoi pra ai wa Yehowa gaw, n kaw n law di kau hkrum nna, maigan masha ni matsat kau ai hte, mung du ni a mayam tai ai wa hpe, ning nga tsun ai: Hkawhkam ni mu mada nna rawt na mara ai; du ni mung nawku na mara ai: dai gaw kangka re ai Yehowa hte, nang hpe lata la ai, Israela a Chyoi pra ai wa a matu mara byin na ra ai,” nga ai.

ESAIA 50:6

Ngai gaw kayat ai ni hpe nye a shingma, shabyi mun baw ai ni hpe nye a shabyi, ap ya nngai: kaya jahkrum ai hte mayen mahtaw bun ai kaw na, nye a myi man kayin kau ai n rai.

ESAIA 52:14

Na a lam masha law law wa mau mahka nga ma ai: shi a myi man gaw masha a myi man hta, shi a gawng shing-yan gaw shinggyim masha ni a hkumhkrang hta, ahpraw nsam grau hten wa ai;

ZEHKARIA 11:13

Shaloi Yehowa gaw, “Shanhte ngai hpe manu shatawng da ai, jahpu kaba hpe la nna, dibu sama a man e kabai tawn u,” nga nna ngai hpe tsun ai majaw, dai gumhpraw lap sumshi hpe ngai la nna, Yehowa nta na dibu sama a man e kabai tawn ngai.

ZEHKARIA 13:7

“Nhtu e, rawt u: nye a sagu rem wa hte, nye a kanawn manang wa hpe, hkra u: sagu rem wa hpe anu sat nna, ‘sagu ni bra wa na mara ai; ngai gaw hkalung ni hpe, nye a lata hte maga da na nngai,’ nga nna Zaw nawng zaw wa up ai Yehowa tsun ai.

MALAHKI 4:6

Ngai sa nna, mungkan ga hpe dagam dala hte n shachyum hkra, shi gaw kawa ni a myit masin hpe kasha ni hpang de, kasha ni a myit masin hpe tinang a kaji kawa ni hpang de, kayin shangun na ra ai, nga ai.

MAHTE 16:21

Dai aten kaw nna Yesu Hkristu gaw, Yerusalem mare sa lu na hte agyi salang ni, hkinjawng agyi ni hte laika ka ai sara ni a lata hta e nni nkri law law wa hkrum nna, sat kau na hpe hkam la nhtawm, masum ya nhtoi hta e, bai sharawt la lu na lam, shi a sape ni hpe madun dan hpang wu ai.

MAHTE 26:24

ka da nga ai hte maren, dai Masha Kasha gaw sa wa na ra ai; rai timung, dai Masha Kasha hpe ap kau ai wa gaw dingnye lu na ra ai! dai masha n shangai taw gaw, shi a matu grau kaja nga ai, ngu wu ai.

MARKU 10:33

“Yu mu, anhte Yerusalem mara de lung wa nga ga ai; dai Masha Kasha gaw hkinjawng agyi ni hte laika ka ai sara ni a lata hta, ap kau ai hkrum na ra ai: shanhte shi hpe si na lam dawdan nna, maigan amyu a lata de ap kau na maru ai:

MARKU 9:13

Nanhte hpe ngai tsun made ga, “Elia gaw du boi sai rai nna, shi a lam ka da nga ai hte maren, shanhte gaw tinang a myit ra ai hku shi hpe di kau manu ai,” ngu mu ai.

MARKU 9:31

Kaning rai nme law, “Dai Masha Kasha gaw masha ni a lata hta e ap kau ai hkrum nna, shanhte shi hpe sat kau na maru ai hte, sat kau ai hkrum ngut jang, masum ya nhtoi hpang e, shi bai hkrung rawt wa na ra ai,” ngu nna shi a sape ni hpe sharin achyin ya nna, tsun dan mu ai.

LUKA 1:76

Ma e, nang mung, Tsaw htum ai Wa a myihtoi ngu ai hkam la na rin dai: Anhte a Karai Kasang a matsan dum ai chyeju majaw,

LUKA 23:11

Herod mung shi a hpyen masha ni hte shi hpe aroi arip di nna, jahpoi asawng nhtawm, reng ai hpun palawng jahpun nna, Pilat hpang de bai nhtang sa shangun mu ai.

LUKA 23:39

Wudang hta noi nga ai damya langai mi mung, “Nang gaw Hkristu n rai n ni? na hkum dai hte an hpe mung hkye la mi,” ngu nna shi hpe roi wu ai.

KASA 1:6

Dai rai nna, naw hpawng nga ma yang shanhte gaw, “Madu e, dai Mungdan Israela masha ni hpe, ndai aten e bai de ya na rai sa ni?” ngu nna shi hpe san mu ai.

KASA 4:11

Dai Yesu gaw, nanhte nta gaw ai ni lata kau ai nlung rai nga timung, ningjut jahtum na nlung bai rai wa sai.