MARKU 8:38 - Jinghpaw Hanson Version Bible

³⁸ Kaning rai nme law, ndai shut hpyit ai hte yubak kap ai amyu hta e, ngai hte ngai tsun ai mungga hpe kaya nga ai wa kadai mung, dai Masha Kasha gaw shi a Kawa a hpung shingkang hte chyoi pra ai lamu kasa ni hte nawng du sa wa yang, dai wa hpe kaya kau na ru ai.

Jinghpaw Common Language Bible 2009

³⁸ Masha langai mi gaw, ndai Karai kata nna tara n nga, n hkru n kaja ai prat aten hta e, ngai hte ngai sharin shaga ai mungga hpe kaya nga a yang gaw, dai Masha Kasha gaw shi a Kawa a hpung shingkang dagraw nna chyoi pra ai lamu kasa ni hte nawng du sa wa yang, dai wa hpe kaya kau na ru ai,” ngu nna shanhte hpe tsun mu ai.

MARKU 8:38 ပူးပေါင်းရင်းမြစ်များ

Daniela 7:10

Shi a man e wan grung ai hka hpaw lwi nga ai; marai hkying mi lang hkying mi shi hpe daw jau nna, mun mi lang mun mi, shi a man e tsap nga ma ai: tara dara na matu hkyen nga nna, laika ni hpe hpaw tawn nga ai.

Daniela 7:13

“Bai shana na shingran hta ngai mu mada nna, yu u, Masha kasha nsan ai wa langai mi sumwi hta jawn let, moi chyaloi nhkoi na wa hpang de pyi sa du nna, shanhte gaw dai wa a man de shi hpe shani mu ai.

ZEHKARIA 14:5

Shing rai nanhte gaw, nye a bum yan a lapran kadit lam hku hprawng wa na marin dai; kaning rai nme law, dai bum lapran a kadit gaw, Azela shara du hkra dam na ra ai: gaja wa, Yuda hkawhkam Uzia lakhtak e, dai nnang nawn majaw, nanhte hprawng gat ai hte maren, bai hprawng gat na marin dai; nye a Karai Kasang Yehowa gaw sa du nna, chyoi pra ai ni yawng shi hte rau lawm na mara ai.

MAHTE 12:39

Shi htan let shanhte hpe tsun mu ai gaw, “N hkru ai hte shut hpyit ai amyu gaw, lamik kumla tam ma ai; myihtoi Yona a lamik kumla hta kaga, hpa lamik kumla mung, shanhte hpe n dan na nme ai.

MAHTE 13:41

Dai masha kasha gaw shi a lamu kasa ni hpe shangun dat na rai nna, shanhte gaw shi a mungdan hta na, myit kataw shangun ai baw hte tara hte n bung ai amu galaw ai ni nlang hte hpe, lata shaw la nhtawm, wan htung hta kabai bang da na maru ai:

MAHTE 16:27

Kaning rai nme law, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe bai htang na ra ai.

MAHTE 16:28

Ngai nang hpe teng teng tsun made ga, nang e tsap nga ai ni nkau mi, dai Masha Kasha gaw shi a mungdan hta du wa ai hpe, garai n mu mu gaw, si ai n hkrum na ma ai,” ngu mu ai.

MAHTE 16:4

N hkru ai hte shut hpyit ai amyu gaw, lamik kumla tam nga ai; rai timung, Yona a lamik kumla hta kaga, hpa lamik kumla mung, shanhte hpe n dan na nme ai,” ngu nna tsun mu yang, shi shanhte hpe kau da nna, pru mat wa ai.

MAHTE 24:30

Dai shaloi e Masha Kasha a kumla gaw, sumsing lamu hta e dan pru na ra ai; shaloi jang ga ntsa na amyu baw shagu ni sharung shayawt let dai Masha Kasha gaw daru magam hte hpung shingkang kaba hte nawng lamu a sumwi hta du sa ai hpe, mu lu na mara ai.

MAHTE 25:31

Dai Masha Kasha gaw shi a hpung shingkang dan hkung let, lamu kasa ni nlang hte rau sa du ai shaloi, shi a hpung shingkang a tingnyang ntsa e shi dung nna,

MAHTE 26:64

Yesu gaw, “Nang tsun ai hte maren rai nga ai: dai hta n-ga ngai nanhte hpe tsun made ga, Dai Masha Kasha gaw, Daru Magam a hkra maga e dung nga nna lamu na sumwi ni hta sa du ai hpe nanhte mu na marin dai,” ngu nna shi hpe tsun wu ai.

MAHTE 8:20

Yesu gaw, “Chyahkyawn ni nhkun lu ma ai, ntsa malen pyen ai u ni mung u yup lu ma ai; dai Masha Kasha chyawm gaw baw tawn na shara pyi n lu nga ai,” shi hpe ngu wu ai.

MARKU 13:26

Dai shaloi e Masha Kasha gaw daru magam hte hpung shingkang kaba hte nawng sumwi ni hta e du sa ai hpe, shanhte mu na mara ai.

MARKU 14:62

Yesu gaw, “Ngai rai nga nngai; dai hta kaga, Masha Kasha gaw hpung shingkang a hkra maga e dung nga nna, lamu na sumwi ni hte sa du ai hpe, nanhte mu na marin dai,” ngu wu ai.

MARKU 8:37

masha gaw hpa gawng malai hkungga hte wa, tinang a asak hpe raw la lu na a ta?

LUKA 19:26

“Ngai nanhte hpe tsun made ga. Lu ai wa kadai hpe mung, naw jat jaw na rai nga ai; n lu n lawm ai wa kaw na chyawm gaw, shi lu ai made hpe pyi naw la kau ya na rai nga ai.

LUKA 9:26

kaning rai nme law, ngai hte ndai nye a ga hpe kaya ai wa kadai hpe mung, dai Masha Kasha gaw tinang a hpung shingkang hte mung, Kawa a hpung shingkang hte mung, chyoi pra ai lamu kasa ni a hpung shingkang hte mung du sa yang, dai wa hpe kaya kau na ru ai.

YAWHAN 1:14

Dai Mungga gaw masha a hkum shan dagraw la nna, chyeju hte tengman ai hpring let, anhte hta nga nga yu sai rai nna, Kawa hta na Kasha shingtai a hpung shingkang zawn, anhte shi a hpung shingkang hpe, mu lu sagaw ai.

YAWHAN 1:51

Bai Yesu gaw, “Ngai nanhte hpe teng teng tsun made ga, Sumsing lamu hpaw malang wa nna, Karai Kasang a lamu kasa ni gaw, Masha Kasha a ntsa e lung wa yu wa rai nga ai hpe, nanhte mu na marin dai,” ngu nna shi hpe htan tsun wu ai.

YAWHAN 12:34

Dai nga ai majaw shawa masha ni gaw, “Hkristu gaw htani htana agrin nga na re ai, nga nna she tara laika hta rawng ai anhte na yu ga ai: dai re ai mi, nang gaw, Masha Kasha sharawt da ai hkrum lu na ra ai, nga ai gaw, hpa nga ai rai lit ta? Masha Kasha dai gaw, kadai wa mi rai ta?” ngu nna shi hpe htan mu ai.

YAWHAN 5:27

shi gaw Masha Kasha rai nga ai majaw, tara dara na ahkang mung shi e ap ya nu ai.

KASA 10:22

Shanhte gaw, “Dingman nna, Karai Kasang hpe hkrit hkungga ai hte, Yuda amyu ting a man e myi man pa ai, hpyen latsa up ai bu Korneli gaw, nang hpe shi a nta de shaga bang nna, nang tsun ai ga madat la na lam, chyoi pra ai lamu kasa nan shadum dan ai lu la nu ai,” ngu nna tsun dan mu ai.

KASA 5:41

Shanhte chyawm gaw, Amying ningsang de a majaw she, kaya hkrum na gaw, ging nga ga ai, nga nna myit la ai majaw, kabu gara ai myit hte dai salang hpawng na pru wa ma ai.

ROMA 1:16

Kaning rai nme law, dai kabu gara shiga hta ngai kaya shara rawng ai n rai: dai gaw shawng nnan e Yuda ni, dai hpang e Heleni masha ni hta kamsham ai ni kadai hpe mung hkye hkrang la shangun lu ai Karai Kasang a atsam rai nga ai.

GALATI 6:14

Ngai chyawm gaw, anhte a Madu Yesu Hkristu a wudang hta kaga, gumrawng gumtawng shara n nga u ga: dai hta e mungkan ga gaw nye a matu jen sat kau ai hkrum nna, ngai mung mungkan ga a matu dai hta e jen sat kau ai hkrum ni ai.

TARA JAHPRANG 33:2

Shi gaw “Yehowa, Sina bum nna yu wa ra ai, Seira bum shagawng kaw nna, shanhte a matu tu pru nga ai; Hparan bum ntsa e shi dan hkung nga ai; Chyoi pra ai ni mun sen kaw na du sa ra ai: Shi a hkra lata nna shanhte a matu tara wan tu pra nga ai.

1 HTESALONI 2:19

Kaning rai nme law, anhte a Madu Yesu a man e, shi a bai du ai hta, anhte a myit mada shara, kabu gara shara hte gumrawng na janmau gaw, hpa mi rai nga a ta? Nanhte nan dai rai nga myit dai, n rai myit ni?

1 HTESALONI 3:13

anhte nanhte hpe tsawra nga ga ai hte maren, nanhte a tsawra ai myit gaw shada da hte yawng mayawng a matu, kaba wa nna law htam wa lu hkra, dai Madu shabyin ya u ga.

2 TIMOHTI 1:12

Dai rai nna, dai lam a majaw ndai hte ru tsang ai ngai hkrum timung, n hkrit n kaya nga nngai; kaning rai nme law, kadai wa hpe ngai kam manoi nga nngai gaw, ngai chye nga ai hte, ngai ap tawn da ai arai hpe, dai nhtoi du hkra, shi mahkyu da ya lu ai, ngu nna ngai myit mu nga nngai.

2 TIMOHTI 1:16

Dai Madu gaw Onesihpuru a nta masha ni hpe chyeju jaw u ga; kaning rai nme law, shi ngai hpe law law lang shalan shabran ni ai hta n-ga, nye a hkang hkyihkyang majaw n kaya ai sha,

2 TIMOHTI 1:8

Dai rai nna, anhte a Madu a sakse hkam ai lam hta mung, shi a bawng dung ai wa nye a lam hta mung, nang kaya ai myit n rawng ai sha, Karai Kasang a n-gun lagaw rawng ai hte maren, dai kabu gara shiga matu mara ru tsang ai rau hkrum nga ga:

HEBRE 11:16

Ya chyawm gaw, dai hta grau ai, sumsing lamu na buga ngu ai hpe, shanhte marit nga ma ai: dai re ai majaw Karai Kasang gaw, shanhte a Karai Kasang ngu na hpe, kaya wu ai n rai; kaning rai nme law, shanhte a matu mara shanu nga na mare, shi lajang da nu ai.

HEBRE 11:26

Hkristu a matu aroi arip hkrum ai gaw, Egutu mung na sutgan hta grau kaja ai sutgan rai nga ai, myit nawn wu ai: kaning rai nme law, bai lu la na ra ai shabrai hpe shi myit tau mada nga ai.

HEBRE 13:13

Dai rai nna, anhte mung, shi hte rau aroi arip hkam let, dai dap shinggan shi hpang de pru sa wa saga.

YAKU 4:4

La shaw ai ni e, mungkan ga hpe jinghku hku ai myit gaw, Karai Kasang hpe n dawng n yawt ai myit rai nga ai, nanhte n chye nga myit ni? Dai rai nna, mungkan ga a jinghku tai mayu ai wa kadai rai timung, Karai Kasang hpe n dawng n yawt ai wa tai nga ai.

1 YAWHAN 2:23

Dai Kasha hpe n dang kau ai wa kadai rai timung, dai Kawa hte mung nseng lu ai. Dai Kasha hpe awlaw ai wa chyawm gaw, dai Kawa hte mung seng nga ai.

1 YAWHAN 2:28

Ya chyawm gaw, shu sha ni e, shi dan pru a yang gaw, shi du ra ai nhtoi hta e, anhte nden ja ai myit rawng lu nna, shi a man e kaya kahpa n hkrum u ga, shi hta e anga nga mu.

SHINGRAN 14:10

Karai Kasang a sindawng kahtet ngu ai gawm hta hpaw bang tawn ai pawt bu ai tsabyi jahku jet lu lu na ra ai; dai hta n-ga shi gaw chyoi pra ai lamu kasa ni a man e mung, dai Sagu Kasha a man e mung, wan hte kan kayau ai hta nni nkri zingri ai hkrum na ra ai: