MARKU 8:34 - Jinghpaw Hanson Version Bible

³⁴ Bai shawa masha ni hte shi a sape ni hpe shi shaga la nna shanhte hpe tsun mu ai gaw, “Ngai hpang de hkan sa mayu ai wa kadai rai timung, tinang hkum hpe ndang kau nna, shi a wudang hpai let, ngai kaw hkan nang ru ga.

Jinghpaw Common Language Bible 2009

³⁴ Dai hpang Yesu gaw shawa masha ni hte sape ni hpe shi hpang de shaga la nna, “Kadai rai ti mung ngai hpang de hkan sa mayu ai wa gaw, tinang hkum hpe ndang kau nna, shi a wudang hpai let, ngai kaw hkan nang ru ga.

MARKU 8:34 ပူးပေါင်းရင်းမြစ်များ

1 HKAWHKAM 14:8

Dawi a nta na dai mungdan hpe dawm la nna, nang hpe jaw da de ai; rai timung, nang gaw nye a shangun ma Dawi zawn ngai hkang da ai ga matsun n madat ai hte, nye a man e dingman ai hku galaw na hkrai, na a myit masin mahkra hte n hkan sharau ai sha;

BU HKAWM 14:24

nye a shangun ma Hkaleb chyawm gaw, kaga re ai myit masin rawng ai hte nye a hpang htep lahti hkan nang ai majaw, shi kabye yu sai mung de ngai woi shawn nna, shi a kashu kasha ni dai hpe madu lu na mara ai.

MAHTE 10:38

Tinang a wudang hpai let, nye a hpang e n hkan ai wa gaw, ngai hte n ging n dan nga ai.

MAHTE 16:24

Bai, Yesu gaw shi a sape ni hpe, “Ngai hpang de sa wa mayu ai wa kadai rai timung, tinang a hkum hpe nyet kau lu na rai nna, shi a wudang hpai let, ngai kaw hkan nang ru ga.

MAHTE 27:32

Shanhte pru sa wa ma yang, Simun mying ai Kureni masha langai mi hpe shanhte mu hkrup nna, Yesu a wudang hpai ya u ga, shi hpe shadip mu ai.

MARKU 10:21

Yesu shi hpe azi yu let, shi hpe tsawra wu ai rai nna, “Lam langai mi nang naw ra nga ndai: nang wa su, lu malu hte hpe dut kau nna matsan mayan ni hpe karan jaw u; shing rai jang she sumsing lamu ntsa e nang sutgan lu na rin dai; ngai kaw mung sa hkan nang rit,” ngu nna shi hpe tsun wu ai.

MARKU 7:14

Shawa masha ni hpe shi bai shaga la nna shanhte hpe tsun mu ai gaw, “Nanhte nlang ngai hpe madat mara nna, chye na la mu:

LUKA 13:24

Yesu gaw, “Gyip ai chyinghka hku shang lu na, shaja mu: ngai nanhte hpe tsun made ga, masha law law wa shang na tam ma ai rai timung, n shang lu ai nga na mara ai.

LUKA 14:33

Dai hte maren, nanhte hta tinang a arai nga manga hpe n kau da ai wa gaw, nye a sape n tai lu ai.

LUKA 18:22

Yesu gaw dai ga na jang, Lam langai mi nang naw ra nga ndai: nang lu malu dut kau nna matsan mayan ni hpe karan jaw u; shing rai jang she, sumsing lamu ntsa e nang sutgan lu na rin dai: ngai kaw mung sa hkan nang rit,” ngu nna shi hpe tsun wu ai.

LUKA 20:45

Masha nlang hte na hkra sape ni hpe shi tsun mu ai gaw,

LUKA 9:23

Bai nlang hte hpe shi tsun mu ai gaw, “Nye a hpang hkan sa mayu ai wa kadai mung, tinang hkum hpe ndang kau nna, shani shagu tinang wudang hpai let, ngai kaw hkan nang ru ga.

YAWHAN 10:27

Nye a sagu ni gaw, nye a nsen madat ma ai rai nna, ngai shanhte hpe chye nngai, shanhte mung nye a hpang hkan nang ma ai:

YAWHAN 19:17

Dai rai nna shanhte gaw Yesu hpe woi dun wa mu ai: Yesu gaw shi a wudang shi dai hpai nna, Pungkum ngu ai shara de pru sa wa ai; dai shara hpe Hebre ga hte Golgohta nga ma ai:

KASA 14:22

sape ni a myit shangang ya let, dai makam masham lam hta agrin nga na matu shadum jahprang ai hte, “Karai Kasang a mungdan de ru tsang ai law law hte shang wa na rai ga ai,” ngu nna sharin da mu ai.

ROMA 6:6

Si mat ai wa gaw yubak hta na lawt pru nga ai majaw,

ROMA 8:17

Kashu kasha rai nga ga yang gaw, sali wunli hkam la ai ni mung anhte rai nga ga ai; Hkristu hte rau hpung shingkang hkam la lu hkra, shi hte rau nni nkri hkrum nga ga yang gaw, Karai Kasang a sali wunli hkam la ai ni hte, Hkristu hte rum ai sali wunli hkam la ai ni, anhte rai nga ga ai.

1 KORINHTU 15:31

Ngai gaw, hpunau ni e, shani shagu si hkam nga nngai, ngu nna anhte a Madu Hkristu Yesu hta e nanhte a lam ngai lu ai gumrawng shara hpe tau yu nna tsun wam nga nngai.

1 KORINHTU 8:13

Dai rai nna, shahpa a majaw nye a hpunau myit kataw a yang gaw, nye a hpunau wa myit n kataw u ga, ngai prat dingsa e shan n sha na ni ai.

1 KORINHTU 9:19

Ngai gaw shing rai gade a ahkang npu e n nga timung, malaw maga hpe lum la lu hkra, yawng mayawng a mayam ngai tai nga nngai.

GALATI 2:20

Ngai gaw Hkristu hte rau wudang hta jen da ai hkrum nngai. Ngai hkum nan naw hkrung nga nngai n rai, Hkristu gaw ngai hta e ahkrung nga ai: ya e dai hkum shan hta ngai hkrung nga nngai gaw, ngai hpe tsawra nna, nye a matu mara shi hkum dai shi ap kau ai Karai Kasang a Kasha a makam masham hta sha ngai hkrung nga nngai.

GALATI 5:24

Hkristu Yesu hte seng ai ni chyawm gaw, tinang a hkum shan myit mung, myit kayut ai hte marin marit ai hte nawng, wudang hta jen da manu ai.

GALATI 6:14

Ngai chyawm gaw, anhte a Madu Yesu Hkristu a wudang hta kaga, gumrawng gumtawng shara n nga u ga: dai hta e mungkan ga gaw nye a matu jen sat kau ai hkrum nna, ngai mung mungkan ga a matu dai hta e jen sat kau ai hkrum ni ai.

HPILIPI 3:10

si mat ai ni a bai rawt wa na lam hta ngai mung dep lu hkra, shi hte shi a bai rawt ai lam a atsam chye lu nna, shi a nni nkri hkrum ai hta kanawn lu na hte, shi a si hkam ai hpe hkan dagraw lu u ga,

HPILIPI 3:7

Rai timung nye a amyat ngu ai yawng hte gaw, Hkristu a jaw e sum mat ai lam rai nga ai, ngai nawn nga nngai.

KOLOSE 1:24

Ya chyawm gaw nanhte a matu mara ngai hkrum ai tsin-yam tsindam hta ngai kabu nga ai hte, dai Hpung ngu ai Hkristu a hkumhkrang a matu mara, shi a naw ngam nga ai nni nkri hpe nye a hkum shan hta e ngai jahkum shatsup nga nngai.

KOLOSE 3:5

Dai re ai majaw, hpye ai amu, awu asin re ai amu, ngang kayut ai, n hkru n hkra re ai marin marit ai hte, gawngngu sumla nawku ai rai nga ai nammak lawhpa ngu ai, ga ntsa na nanhte a daw shan ni hpe sat kau mu:

2 HTESALONI 3:11

Nanhte hta lawm nga ai nkau mi gaw, kajam galam nga ai rai nna, hpa amu n galaw ai sha, tinang hte n seng ai hta hkan sharau ai ni rai nga ma ai hpe, anhte na nga ga ai.

TITU 2:12

tara n hkungga ai myit hte mungkan ga hpe marin marit ai lam koi kau nhtawm, ndai prat e si si re ai hte dinghpring nna tara hkungga ai lam hkan nang lu hkra,

HEBRE 13:13

Dai rai nna, anhte mung, shi hte rau aroi arip hkam let, dai dap shinggan shi hpang de pru sa wa saga.

1 PETRU 4:1

Shing rai, Hkristu gaw dai hkum shan hta nni nkri hkrum nu ai rai nna, dai hkum shan hta nni nkri hkrum ai wa gaw, yubak hte hka mat lu ai majaw,

1 PETRU 4:13

Hkristu gaw shi a hpung shingkang hta paw pru ai shaloi, kabu gara ai kaba hte nanhte kabu gara wa lu myit ga, shi a nni nkri hkrum ai lam hta, nanhte lawm lu myit dai majaw, kabu gara nga mu.

2 PETRU 1:14

kaning rai nme law, anhte a Madu Yesu Hkristu gaw, ngai hpe madun dan nngai hte maren, gade nna yang ndai hkum tsawp hpe ngai kau da na we ai, ngai chye nga nngai.

1 YAWHAN 3:16

Shi gaw anhte a matu mara shi a asak kau da ai lam hpe yu yang, tsawra ngu ai lam hpe anhte chye nga ga ai: anhte mung, hpunau ni a matu mara, anhte a asak kau da na, sut nga ai.

SHINGRAN 2:10

Nang hkrum magang ra ai nni nkri hpe hkum hkrit et; yu u, nanhte hpe chyam yu na, Nat gaw nanhte hta na nkau mi hpe htawng hta sharen da nna, nanhte n htoi shi ya tup zingri zingrat ai hkrum na marin dai. Si hkra maju jung nga u, shaloi ngai nang hpe asak janmau jaw na de ai.