MARKU 8:31 - Jinghpaw Hanson Version Bible

³¹ Dai shaloi e, Dai Masha Kasha gaw nni nkri law law wa hkrum nna, agyi salang ni, hkinjawng agyi ni hte laika ka ai sara ni e nyet kau ai hkrum na hte, sat kau ai hkrum nhtawm, masum ya nhtoi hpang e bai hkrung rawt wa lu na lam, shi shanhte hpe sharin achyin hpang mu ai.

Jinghpaw Common Language Bible 2009

³¹ Dai shaloi Yesu gaw, “Dai masha Kasha gaw nni nkri law law wa hkrum nna, agyi salang ni, hkinjawng agyi ni hte tara sara ni e nyet kau ai hkrum na ra ai. Shi hpe sat kau na mara ai, rai ti mung masum ya nhtoi a hpang e shi bai hkrung rawt wa na ra ai,” ngu nna shi a sape ni hpe sharin achyin ya hpang mu ai.

MARKU 8:31 ပူးပေါင်းရင်းမြစ်များ

SHAKAWN KUNGDAWN 118:22

Wahpang gaw ai ni lata kau ai nlung gaw, Ningjut jahtum na nlung tai wa sai:

ESAIA 53:3

Shi gaw masha ni e shatan nhkan ai hte, n kaw n law di ai hkrum nga ai: yawn hkyen hkrum ai hte nji nmu chye ai wa, shi rai nga ai: myi man kayin kau hkrum ai wa zawn shi rai nga nna, shatan nhkan hkrum nga ai; anhte mung shi hpe hpa n nawn ga ai.

HOSEA 6:2

Ni ni lai yang, shi anhte hpe shalan shabran ya nna, masum ya rai yang anhte hpe bai sharawt ai hte, shi a man e, anhte hkrung nga na ga ai.

MAHTE 12:40

Yona gaw shani masum ya hte shana masum na du hkra, dai nga kaba a kan kata e rawng nga ai hte maren, dai Masha Kasha mung, shani masum ya hte shana masum na du hkra, ga sung ai kata e rawng nga na ra ai.

MAHTE 21:42

Yesu shanhte hpe tsun mu ai gaw, “Wahpang gaw ai ni lata kau ai nlung gaw, Ningjut jahtum na nlung tai wa sai: Dai gaw, Madu a majaw byin wa sai rai nna, Anhte a man e mauhpa amu rai nga ai,” nga ai ga hpe, dai laika hta nanhte lang mi pyi n hti yu myit ni?

MAHTE 27:63

Madu e, ndai hkalem ai wa gaw naw hkrung nga yang, Masum ya nhtoi hta e, ngai bai hkrung rawt wa na nngai, nga nna shi tsun ai hpe anhte dum sagaw ai.

MARKU 12:10

Dai hta n-ga, Wahpang gaw ai ni, lata kau ai nlung gaw, Ningjut jahtum na nlung tai wa sai:

LUKA 17:25

Rai timung, dai garai n byin yang, shi gaw nni nkri law law hte, ndai aprat na ni a ndang kau ai, naw hkrum na rai nga ai.

LUKA 24:26

Hkristu gaw shing re ai nni nkri hkam nna, shi a hpung shingkang hta shang ningngai na re ai, n rai ni?” ngu nna shan hpe tsun mu ai.

LUKA 24:44

Shaloi shi gaw, “Mawshe a tara hta mung, myihtoi ni a laika hta mung, Shakawn Kungdawn laika ni hta mung, ngai hpe sha-ang nna ka da mada yawng gaw dik lu na ra ai, ngu nna nanhte hte rau naw nga yang, ngai nanhte hpe tsun ni ai, nye a ga gaw, ndai rai nga ai,” ngu nna shanhte hpe tsun mu ai.

YAWHAN 12:48

Ngai hpe n hkap la ai hte nye a ga n hta la ai wa hpe, jeyang na madu kaga mi nga ai: ngai tsun ai mungga e nan, hpang jahtum na nhtoi hta, dai wa hpe jeyang na ru ai.

YAWHAN 2:19

Yesu gaw, “Ndai htingnu hpya kau mu; masum ya laman e ngai dai hpe sharawt na we ai,” ngu nna shanhte hpe htan mu ai.

KASA 7:35

Dai rai nna, Nang hpe du hte tara agyi tai na, kadai san da a ta? nga nna shanhte ndang kau ai, dai Mawshe hpe, Karai Kasang gaw singwum e dan pru ai lamu kasa a lata hte, du hte hkye hkrang la ai wa shatai nna shangun dat nu ai.

1 KORINHTU 15:4

makoi mayang ai shi hkrum nhtawm, Chyum laika ni tsun ai hte maren, masum ya nhtoi hta e bai hkrung rawt wa sai rai nna,

1 SAMUELA 10:19

rai timung, nanhte a ru tsang hte tsin-yam tsindam yawng hta na nanhte hpe hkye shaw la ai nanhte a Karai Kasang hpe, dai ni nanhte kau da nna, Anhte a ntsa e hkawhkam shadun ya mi, nga n nga shi kaw tsun myit dai. Dai re ai majaw, amyu langai hte langai, nta dap langai hte langai, Yehowa man de sit sa marit,” ngu wu ai.

1 SAMUELA 8:7

Yehowa mung Samuela hpe, “Amyu masha ni nang hpe tsun matsun madat ya mu: shanhte nang hpe kau ai n rai; ngai shanhte a hkawhkam n tai na hku, ngai hpe kau ai she rai ma ai.