MARKU 8:25 - Jinghpaw Hanson Version Bible

²⁵ Bai shi a myi ntsa e, lata mara da yang, dai wa gaw mada mu lu nna, myi majing rai mat ai hte, arai yawng mayawng hpe asan sha mu lu nu ai.

Jinghpaw Common Language Bible 2009

²⁵ Yesu gaw dai masha a myi hta shi a lata bai mara da ya wu ai. Ndai lang aja wa hpaw mada yu dat yang, shi a myi nhtoi majing bai lu la nna nga manga hpe asan sha mu lu nu ai.

MARKU 8:25 ပူးပေါင်းရင်းမြစ်များ

GA SHAGAWP 4:18

Dinghpring ai ni a lam chyawm gaw, jahpawt nhtoi hte bung nga ai; Dai gaw nhtoi leng hkra ahtoi ahkung wa nga ai.

MAHTE 13:12

Kaning rai nme law, lu ai wa kadai hpe mung naw jat jaw na rai nna, shi law wa na ra ai; n lu ai wa kaw na pyi shi lu ai hpe naw shaw la na ra ai.

MARKU 8:24

Shi gaw dawng yu nna, “Masha hpe ngai mu nngai; hpun zawn shanhte hkawm ma ai ngai mu mase ai,” ngu wu ai.

MARKU 8:26

Shaloi shi a nta de shi hpe dat dat wu ai rai nna, “Dai kahtawng hta e pyi nang hkum shang et,” ngu dat wu ai.

KASA 1:10

Shi lung mat wa nna, shanhte lamu de naw azi yu nga yang, yu mu, hpraw tu ai hpun palawng bu hpun ai marai lahkawng, shanhte a makau e tsap pru nna,

KASA 14:9

Shi mung Pawlu tsun ai ga madat nga ai; dai wa hpe Pawlu azi yu wu yang mai wa lu hkra kamsham ai myit rawng nga ai hpe shi chye ya nna,

HPILIPI 1:6

Dai hta kaga, nanhte hta e mai kaja ai amu galaw hpang ai wa gaw, Yesu Hkristu a nhtoi du ai du hkra dai hpe shatsup shatup na ra ai, ngai myit mu nga nngai.

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.

2 PETRU 3:18

Anhte a Madu hte Hkye hkrang la ai wa Yesu Hkristu a chyeju hte chye chyang ai lam hta e, nanhte kaba wa nga myit ga. Ya e mung, htani htana prat dingsa e mung, Yesu Hkristu kaw hpung shingkang anga nga u ga law.