MARKU 8:12 - Jinghpaw Hanson Version Bible

¹² Shing rai shi a wenyi hta shi grai madai nna, “Ndai amyu gaw hpa majaw lamik kumla hpe hpyi nga ma hka? ngai nanhte hpe teng teng tsun made ga, ‘Ndai amyu hpe lamik kumla hpa mung, shapraw dan na mawe ai n rai,” ngu mu ai.

Jinghpaw Common Language Bible 2009

¹² Rai ti mung Yesu gaw nsa kaba shaw madai let, “Ndai prat na masha ni gaw hpa rai lamik kumla langai mi hpyi ma ai kun? Ngai kaja wa teng teng tsun made ga! Ndai masha ni hpe dai zawn re ai lamik kumla hpa mung madun na mawe ai n rai!,” ngu mu ai.

MARKU 8:12 ပူးပေါင်းရင်းမြစ်များ

ESAIA 53:3

Shi gaw masha ni e shatan nhkan ai hte, n kaw n law di ai hkrum nga ai: yawn hkyen hkrum ai hte nji nmu chye ai wa, shi rai nga ai: myi man kayin kau hkrum ai wa zawn shi rai nga nna, shatan nhkan hkrum nga ai; anhte mung shi hpe hpa n nawn ga ai.

MAHTE 12:38

Dai shaloi laika ka ai sara ni hte Hparishe ni nkau mi shi hpe htan nna, “Sara e, nang dan ai lamik kumla langai mi, anhte mu mayu ga ai,” ngu mu ai.

MAHTE 16:4

N hkru ai hte shut hpyit ai amyu gaw, lamik kumla tam nga ai; rai timung, Yona a lamik kumla hta kaga, hpa lamik kumla mung, shanhte hpe n dan na nme ai,” ngu nna tsun mu yang, shi shanhte hpe kau da nna, pru mat wa ai.

MARKU 3:5

Shanhte chyawm gaw, atsin sha rai nga ma ai. Shing rai shanhte a myit ja ai majaw, shi myit yawn nna, masin pawt let shanhte hpe grup yin yu nhtawm, “Na a lata ladawn u,” ngu nna dai wa hpe tsun wu ai. Shi mung ladawn nna, shi a lata mai mat lu ai.

MARKU 6:6

Shanhte a n kam n sham ai myit majaw, shi amau nga ai. Dai hpang, grup yin hkan na kahtawng ni hta e, shi kawan hkawm nna, sharin shaga nga ai.

MARKU 7:34

lamu de mada yu let, shi madai nna, dai wa hpe, “Ethpahta,” ngu wu ai: dai gaw, “Hpaw wa u,” nga ai, rai lu ai.

MARKU 8:13

Shaloi shi shanhte hpe kau da nna, li hta e bai shang nhtawm, wora hkran de rap mat wa ai.

MARKU 9:19

Dai rai nna Yesu gaw, “Makam masham n rawng ai amyu e, gaten du hkra ngai nanhte hte rau nga nga lu na rai ta? gaten du hkra nanhte hpe sharang nga lu na rai ta? shi hpe ngai hpang de woi sa marit,” ngu nna htan mu ai.

LUKA 19:41

Ya dai de ni wa nna mare hpe mu wu yang, de a matu shi hkrap nna,