MARKU 7:7 - Jinghpaw Hanson Version Bible

⁷ Masha ga matsun hpe sha, htawn sharin shaga nga ma ai majaw, Shanhte ngai hpe kaman lila nawku nga ma ai, nga nna, nanhte a lam Esaia, myihtoi ga ka da ai gaw, gaja wa teng sa lu ai.

Jinghpaw Common Language Bible 2009

⁷ Shanhte ngai hpe nawku ai gaw shanhte a matu kaman lila rai nga ma lu ai, hpa majaw nga yang, shanhte gaw masha e galaw tawn ai tara ni hpe sha Karai Kasang a tara ni re ai zawn htawn sharin shaga nga ma ai!,’ nga nna Karai Kasang tsun ai hpe ka da nga ai.

MARKU 7:7 ပူးပေါင်းရင်းမြစ်များ

ESAIA 29:13

Dai rai nna, “Ndai amyu gaw tinang a n-gup hte ngai hpang de sit sa nna, nten hte ngai hpe hkungga lara ma timung, myit masin gaw ngai hte tsan gang nna, ngai hpe hkrit hkungga ai lam, masha sharin ya ai hkang da ai ga sha rai nga ai majaw,

MALAHKI 3:14

Nanhte gaw, Karai Kasang hpe daw jau na, be be kaman sha rai nga ai; shi a matsun maroi ga hkan Dai shaloi e nanhte gaw myit kayin nna, dinghpring ai wa hte, tara n lang ai wa hpe, Karai Kasang hpe daw jau ai wa hte n daw n jau ai wa hpe, chye ginhka lu na marin dai, nga nang nna, sharung shayawt hpun palawng bu hpun let, Zaw nawng zaw wa up ai Yehowa man e hkawm nga ai gaw, hpa akyu pru a ta?

MAHTE 15:9

nga nna, nanhte a lam Esaia tsun ai myihtoi ga ang nga malit dai.

MAHTE 6:7

Nanhte akyu hpyi nga myit yang, tara maigan na ni zawn, ga bai kahtap htap hkum rai nga myit: kaning rai nme law, ga galu galang tsun nga ma ai majaw, shanhte hpe madat mara la ya na ra ai, nga nna shanhte myit nawn ma ai.

1 KORINHTU 15:14

Hkristu gaw bai n hkrung rawt a yang gaw, anhte a hkaw dan ai ga kaman lila rai nga ai hte, nanhte a makam masham mung kaman lila sha rai nga ai;

1 KORINHTU 15:58

Dai re ai majaw ngai tsaw ngai ra ai hpunau e, nanhte gun hpai ai amu gaw dai Madu hta e kaman lila n rai nga ai dum chye nga let, ngang ngang kang kang, dakring dalang nga nga nna, dai Madu a bungli hta tutnawng e tsam mari shakut sharang nga nga mu law.

KOLOSE 2:22

dai yawng hte gaw asung shang nna, hten mat na sha rai nga ai.

TITU 3:9

angawk angak nga nna san ai ndang kalang ga hpe mung, ahtik labau gawn ai lam hpe mung, jep ai tara a majaw ga law ga la nga nna gasat ningjet re ai lam hpe mung, koi kau u: kaning rai nme law, dai lam ni gaw akyu n rawng ai hte kaman lila sha rai nga ai.

YAKU 1:26

Ngai gaw nawku htung shadik ai wa rai nga nngai, nga nna marai langai ngai myit nawn dam timung, tinang a shinglet hpe n chye hkang ai hte, tinang a myit hpe hkalem kau yang, dai wa a nawku htung, kaman lila sha rai nga lu ai.

YAKU 2:20

Dai hta kaga, wa dan seng breng wa e, makam masham hta magam bungli n lawm yang gaw, kaman lila rai nga ai hpe, nang chye mayu da wu ni?

SHINGRAN 22:18

Ndai laika hta rawng ai myihtoi ga na lu ai ni yawng hte hpe ngai sakse hkam dat nngai gaw, Ndai ga hte hta kahtap jat ai wa kadai hpe mung, ndai laika hta ka da ai ari zinli ni, Karai Kasang shi a ntsa e kahtap jaw na ra ai:

1 SAMUELA 12:21

chyeju n jaw lu ai hte, n hkye la lu ai kaman lila rai ni hpang de, hkum yit, hkum dam wa myit: dai ni gaw kaman sha rai nga ai.