MARKU 7:6 - Jinghpaw Hanson Version Bible

⁶ Shi gaw, “Sawt ai ni e, laika hta ka da nga ai hte maren, Ndai amyu gaw tinang a nten hte ngai hpe hkungga lara ma timung, Shanhte a myit masin ngai hte tsan gang malu ai:

Jinghpaw Common Language Bible 2009

⁶ Yesu gaw, “Nanhte a lam, Esaia myihtoi htoi da ai ga gaw kaja wa teng nga a hka! Nanhte gaw sawt ai masha ni rai nga myit dai. Dai majaw shi gaw: ‘Ndai amyu ni gaw, tinang a nten hte ngai hpe hkungga lara ma ti mung, shanhte a myit masin gaw kaja wa ngai hte tsan gang nga malu ai.

MARKU 7:6 ပူးပေါင်းရင်းမြစ်များ

ESAIA 29:13

Dai rai nna, “Ndai amyu gaw tinang a n-gup hte ngai hpang de sit sa nna, nten hte ngai hpe hkungga lara ma timung, myit masin gaw ngai hte tsan gang nna, ngai hpe hkrit hkungga ai lam, masha sharin ya ai hkang da ai ga sha rai nga ai majaw,

EZEKELA 33:31

Shanhte gaw shawa hpawng sa nna, nye a masha ni zawn na a man e dung nga ninglen, na a ga na la timung, n galaw hkraw ma ai: shanhte gaw tinang a n-gup hte ga ngwi grai tsun timung, tinang a lawhpa myit sutgan hta jung nga malu ai.

YAWHAN 15:24

Masha kaga n di lu ai amu, ngai shanhte hta n di nngai rai taw gaw, shanhte hta mara n nga na re ai: ya chyawm gaw shanhte ngai hte nye Wa hpe mu da ninglen, an lahkawng hpe n dawng n yawt rai masai.

YAWHAN 5:42

rai timung, Karai Kasang a tsawra ai myit nanhte hta n rawng nga ai gaw, ngai chye nngai.

KASA 28:25

Shing rai shanhte shada myit n hkrum ma ai majaw, Pawlu gaw, shanhte hpe, “Chyoi pra ai Wenyi myihtoi Esaia a n-gup hte nanhte a nji nwa ni hpe tsun ai ga gaw teng la malit dai: dai gaw,

2 TIMOHTI 3:5

shanhte gaw tara hkungga ai htung hkan ma timung, dai hte seng ai hpung shingkang hpe nyet kau ai ni rai nga ma ai: shing re ai ni hpe mung koi kau u.

TITU 1:16

Karai Kasang hpe chye chyang ga ai, nga ma timung, matsat shabat re ai ni hte n madat mara ai ni rai nga nna, mai kaja ai amu yawng mayawng a matu n htuk ma ai majaw, tinang a arawn alai hte shi hpe nyet kau ma ai.