MARKU 7:37 - Jinghpaw Hanson Version Bible

³⁷ Shanhte mung nachying wa mau mahka mat ma ai rai nna, “Shi yawng mayawng hte hpe mai kaja ai hku galaw lu ai: na lahpang ai ni hpe na lu shangun nna, n chye shaga ai ni hpe ga tsun shangun lu ai,” nga ma ai.

Jinghpaw Common Language Bible 2009

³⁷ Dai byin ai lam hpe na lu ai masha yawng mayawng gaw nachying wa mau mahka mat ma ai rai nna, “Shi gaw lam yawng mayawng hte hpe mai kaja ai hku galaw lu nga ai! Na lahpang ai ni hpe na lu shangun nna, n chye shaga ai ni hpe ga tsun shangun lu ai!,” nga nna tsun shajang ma ai.

MARKU 7:37 ပူးပေါင်းရင်းမြစ်များ

NINGPAWT NINGHPANG 1:31

Shaloi Karai Kasang gaw shi hpan hpajang da ai amu yawng mayawng hpe yu yu nna, yu mu dai gaw nachying kaja nga ai. Shaloi shana hte jahpawt gaw kru ya nhtoi hta tai ma ai.

SHAKAWN KUNGDAWN 139:14

Hkrithpa hte mauhpa lam hkan nna, Ngai hpe hpan da ni ai majaw, Ngai nang hpe shakawn kungdawn nga nngai; Na a bungli mauhpa bungli rai nga ai rai nna, Dai hpe nye a myit masin nachying chye nga ai.

ESAIA 29:18

Dai aten e na lahpang ai ni gaw chyum laika ga na lu na mara ai; myi kyaw ai ni gaw nsin e pyi mu lu na mara ai.

MAHTE 9:32

Dai yan pru mat wa jang, yu mu, n chye shaga ai nat kap ai masha hpe shi kaw woi jashawn mu ai.

MARKU 1:27

Nlang hte gaw mau mahka nga nna, Ndai gaw, hpa rai nga a ta? ningnan sharin shaga ai lam rai i? daru magam ahkang hte n seng ai nat ni hpe pyi shi htet da nna, shanhte madat mara nga ma ai, nga nna shada da tsun hkat ma ai.

MARKU 2:12

Shaloi jang shi rawt nna, shi a yup rai hpe lang let, mahkra a man e pru wa ai; dai majaw nlang hte gaw mau mahka nga ma ai rai nna, Karai Kasang hpe shakawn kungkawn let, “Anhte galoi mung, dai zawn re ai n mu yu ga ai,” nga ma ai.

MARKU 4:41

Shanhte mahtang hkrit kaba hte hkrit nga nna, “Ndai wa gaw kadai wa re ai i? dai nbung hte nawng pyi shi a ga madat nga ma hka?” nga nna shada da tsun shajang ma ai.

MARKU 5:42

Shaloi jang, dai mahkawn gaw rawt nna, hkawm wa ai: shi a aprat gaw shi lahkawng ning rai nga ai. Shing rai shanhte nachying mau mahka mat ma ai.

MARKU 6:51

Shaloi dai li de, shi shanhte kaw shang nna, dai nbung gaw num mat wa ai. Shanhte mahtang nachying mau katu nga ma ai:

MARKU 7:36

Dai lam kadai hpe mung n tsun dan mu ga, shi shanhte hpe ginhtim da mu timung, shanhte hpe je ginhtim je shanang hkai dan shajang mu ai.

MARKU 8:1

Ya, dai nhtoi hte hta e, masha wunawng kaba bai hpawng nga ma ai rai nna, shanhte shahpa hpa n lu ma ai shaloi, shi sape ni hpe shaga la nna,

LUKA 23:41

An gaw tinang a mara majaw hkrum ging ai hte maren dawdan ai hkrum ga ai: ndai wa chyawm gaw n sun n ang ai lam hpa mung galaw wu ai n rai,” nga nna dai wa hpe daru let htan wu ai.

KASA 14:11

Shing rai, Pawlu galaw ai amu hpe shawa masha ni mu jang, shanhte gaw Lukaoni ga hte, “Hpara ni, masha hkumhkrang dagraw nna, anhte hpang de yu hkrat wa mara ai,” nga nna jahtau ma ai.