MARKU 6:52 - Jinghpaw Hanson Version Bible

⁵² kaning rai nme law, dai muk sha ai lam shanhte n chye na ma ai hte, shanhte a myit ja mat malu ai.

Jinghpaw Common Language Bible 2009

⁵² Hpa majaw nga yang, dai masha hkying manga hpe muk daw jaw ai lam a lachyum majing hpe shanhte n chye na nga ma ai hte shanhte a machye machyang gaw dai hpe chye na na atsam n nga malu ai.

MARKU 6:52 ပူးပေါင်းရင်းမြစ်များ

ESAIA 63:17

Yehowa e, na a lam kaw nna anhte hpe hpa majaw shayit kau n ta? nang hpe n hkrit hkungga hkra, anhte a myit masin hpe hpa majaw shaja ya n ta? Na a shangun ma ngu ai, na a sali wunli amyu ni a matu, bai wa rit.

MARKU 16:14

Dai hpang, sape shi langai ni hkrai, shat sha nga ma yang, shi shanhte hpe shi hkum shadan dan wu ai. shi si ai kaw na bai hkrung rawt wa ai, mu lu ai ni a ga hpe nan, n kam ma ai majaw, shanhte a n kam n sham ai hte, myit ja nga ai hpe daru kau wu ai.

MARKU 3:5

Shanhte chyawm gaw, atsin sha rai nga ma ai. Shing rai shanhte a myit ja ai majaw, shi myit yawn nna, masin pawt let shanhte hpe grup yin yu nhtawm, “Na a lata ladawn u,” ngu nna dai wa hpe tsun wu ai. Shi mung ladawn nna, shi a lata mai mat lu ai.

MARKU 7:18

Dai rai nna, shi shanhte hpe, “Dai hpe sha mung nanhte n chye na la myit ni? Shinggan de nna masha kata de shang wa ai hpa rai timung, masha hpe awu asin di kau lu ai n rai, nanhte n dum lu myit ni?

LUKA 24:25

Shaloi shi gaw, “Myihtoi ni htawn tsun ai ga mahkra hpe kamsham lu na, hpaji n rawng ai hte myit ja ai ni e!

YAWHAN 12:40

Shanhte a myi hpe shi magap ya nna, Shanhte a myit masin hpe mung, shaja ya wu ai,” nga ai ga majaw, shanhte n kam n sham lu ma ai.

ROMA 11:7

Dai rai yang gaw, kaning law? Israela masha ni gaw, tinang tam ai lam hpe n dep ma ai; lata la hkrum ai ni mahtang gaw dep ma ai: