MARKU 6:3 - Jinghpaw Hanson Version Bible

³ Shi gaw, dai lasama wa rai nga ai, n rai ni? Mari a kasha shi rai nga ai hte, Yaku, Yawsep, Yuda, Simun hte a kahpu mung, shi rai nga ai, n rai ni? Shi a kajan ni mung, anhte hte rau, nang e nga nga ma ai, n rai ni?” nga wa ma ai rai nna, shi a lam myit kataw wa ma ai.

Jinghpaw Common Language Bible 2009

³ Shi gaw Mari a kasha laksama wa rai nga ai hte Yaku, Yosep, Yuda, Simun ni a kahpu shi rai nga ai n rai ni? Shi a kajan ni mung anhte hte rau nang e nga nga ma ai n rai ni?,” nga nna san ma ai. Shing rai shanhte shi a lam myit kataw nna shi hpe n hkap la ma ai.

MARKU 6:3 ပူးပေါင်းရင်းမြစ်များ

ESAIA 49:7

Bai, Israela a Hkye hkrang la ai wa, shi a chyoi pra ai wa Yehowa gaw, n kaw n law di kau hkrum nna, maigan masha ni matsat kau ai hte, mung du ni a mayam tai ai wa hpe, ning nga tsun ai: Hkawhkam ni mu mada nna rawt na mara ai; du ni mung nawku na mara ai: dai gaw kangka re ai Yehowa hte, nang hpe lata la ai, Israela a Chyoi pra ai wa a matu mara byin na ra ai,” nga ai.

MAHTE 11:6

ngai hta myit kataw ai lam n mu ai wa kadai mung, a lu nga ai,” ngu mu ai.

MAHTE 12:46

Shawa masha ni hpe ga naw tsun nga yang, shi a kanu hte kanau ni gaw, shi hte ga tsun na nga nna shinggan e tsap nga ma ai.

MARKU 15:40

Tsan tsan kaw nna, a yu nga ai numsha ni mung, nga ma ai: shanhte hta na, Galile mung e shi naw nga yang, shi kaw hkan nang nna, shi hpe galaw daw ai Magadala Mari, Yaku kaji yan Yose a kanu Mari hte, Salome hte lawm ma ai:

MARKU 3:18

bai, Andre, Hpilip, Barhtolume, Mahte, Htawma, Alhpe a kasha Yaku, Htade, Kanani masha Simun hte,

LUKA 2:34

Simun gaw shanhte hpe shaman ya nna, kanu Mari hpe, “Yu u, ndai ma gaw, Israela masha ni hta, law law a matu kataw shara hte, law law a matu rawt wa na lam mung, ndang kalang rai hkat na kumla matu mung, san da ai wa rai nga ai:

LUKA 7:23

ngai hta myit kataw ai lam n mu ai wa kadai mung a lu nga ai, ngu nna tsun mu ai.

LUKA 8:20

Shaloi shi hpe, Na nnu hte nnau ni nang hpe hkrum mayu nna, shinggan e tsap nga ma ai, ngu nna tsun ya mu ai.

YAWHAN 14:22

Yuda Iskarut n re ai, kaga Yuda gaw, “Madu e, na a hkum anhte hpe shadan dan nhtawm, mungkan ga hpe n shadan dan na gaw, hpa majaw rai na a ta?” ngu nna san wu ai.

YAWHAN 6:42

“Ndai wa gaw Yawsep a kasha Yesu n rai ni? shi a kanu kawa hpe anhte chye gaw ai n rai ni? Dai re ai mi, ‘Ngai gaw sumsing lamu de na yu wa nngai,’ nga nna kaning rai tsun lu a ta?” nga ma ai.

KASA 1:13

Du wa ma yang shanhte nga nga re ai ntsa gawk de lung wa ma ai: dai ni gaw, Petru, Yawhan, Yaku, Andre, Hpilip hte Htawma, Barhtolume hte Mahte, Alhpe a kasha Yaku, Zelutu ngu ai Simun, Yaku a kasha Yuda hte rai ma ai.

KASA 12:17

Shi gaw, shanhte hpe tsin mu ga nga nna, lata dingsi nhtawm, shi hpe Madu e htawng hta na kaning rai shaw la ai lam shanhte hpe tsun dan nna, “Ndai lam ni Yaku hte kahpu kanau ni hpe tsun shana dat mu,” ngu mu ai. Shaloi shi pru nna, shara kaga de sa mat wa ai.

1 KORINHTU 1:23

anhte chyawm gaw, Wudang hta jen da hkrum ai Hkristu a lam hkaw dan ga ai; dai wa Yuda ni a man e myit kataw shara, maigan amyu ni a man e angawk angak, rai nga ai:

1 KORINHTU 9:4

Anhte gaw sha na lu na ahkang n lu ga ai kun?

GALATI 1:19

Dai Madu a kanau Yaku hta kaga, Kasa gale hpe ngai n mu nngai.

1 PETRU 2:4

Dai Madu hpang de nanhte sit sa wa nna, shi gaw ahkrung nga ai nlung rai nga ai: masha ni dai hpe sai kau mu timung, Karai Kasang a man e lata la ai hte hpu la ai nlung shi rai nga ai.

YUDA 1:1

Yesu Hkristu a mayam hte, Yaku a kanau, ngai Yuda gaw, Kawa Karai Kasang hta tsawra nna Yesu Hkristu a matu bau sin hkrum ai, shaga da ai ni hpe, ga shana dat nngai: