MARKU 6:21 - Jinghpaw Hanson Version Bible

²¹ Ya, Herod a shangai ai nhtoi du nna, shi gaw shi a hkringmang ni, hpyen du ni hte Galile mung na agyi ni hpe shana shat galaw daw nga yang:

Jinghpaw Common Language Bible 2009

²¹ Hpang jahtum Herodia gaw shi a matu ahkaw ahkang kaja lu la wu ai. Herod a shangai nhtoi shani hta e, shi gaw asuya ningbaw ningla ni, hpyen du kaba ni, hte Galile mung na dan hkung ai mung masha agyi salang ni yawng a matu shana shat sha poi langai mi galaw daw nga ai.

MARKU 6:21 ပူးပေါင်းရင်းမြစ်များ

NINGPAWT NINGHPANG 27:41

Ya, Yaku hpe kawa shaman ya ai chyeju a majaw Esaw gaw Yaku hpe n dawng da wu ai rai nna, Wa a majaw sharung shayawt na nhtoi gaw ni wa sai; dai shaloi e ngai nau Yaku hpe ngai sat kau na we ai, nga nna shi a kraw e myit let tsun nga ai.

NINGPAWT NINGHPANG 40:20

Dai hpang masum ya lai jang, Hpara-u shangai ai nhtoi rai nga ai rai nna, shi a ali ama ni a matu, poi galaw daw wu ai: dai shaloi e shi a ali ama ni a man e, tsabyi jau agyi wa hte muk kabaw agyi wa a baw hpe shapraw dan wu ai.

ESHTA 2:18

Dai hpang hkawhkam wa gaw, Eshta poi ngu ai, poi kaba, shi a du salang ni hte ali ama ni matu galaw nna, mungdaw ni hta lahkawn hkanse shayawm ai hte, hkawhkam a chyeju myit hte maren, kumhpaw kumhpa karan jaw nga ai.

ESHTA 3:7

Dai re majaw, Ahasuru hkaw dung ai shi lahkawng ning hta e, Nisan ngu ai, shawng shata kaw nna, Adara ngu ai, shata shi lahkawng du hkra, lani hte lani shata mi hte shata mi, Haman a man e Pura ngu ai hpaida, da nga ma ai.

HOSEA 7:5

Anhte a hkawhkam wa a poi shani hta e, du ni gaw nhpat hkra tsabyi jahku hte nang ma ai; shi gaw n kaw n law re ai ni hpe hkap hkalum la nga ai.

LUKA 3:1

Kehta hkawhkam Tiberu gaw hkaw dung ai shi manga ning hta, Yuda mung e Puntu Pilat gaw munggyi aya hta, Galile mung e Herod gaw du aya hta, Ituri hte Trakuni ginwang hta e shi a kanau Hpilip gaw du aya hta, Abili mung e Lusanu gaw du aya hta,

KASA 25:23

Hpang shani e Agripa yan Bernike gaw, amawn asam rai shingkang dat nna, hpyen du kaba ni hte mare na agyi salang ni hte rau sa nna, rung gawk e shang du ma yang, Hpestu hkang dat jang, Pawlu hpe jashawn dat mu ai.

1 PETRU 4:3

Kaning rai nme law, tara maigan ni a bawng hkut ai lam hpe shadik lawm nna, myit mak ai, ngang kayut ai, tsabyi lu lai ai, tangpyaw shalai ai, lusha marin ai hte arawng n nga ai sumla nawku na lam hta hkawm sa ai gaw, ya lai wa ai aprat hte ram la sai.

SHINGRAN 11:10

Ga ntsa e nga ai ni gaw shan a majaw kabu gara rai nna pyaw pyaw nga ma ai; shanhte shada da mung kumhpaw kumhpa galai jaw chyai na mara ai: kaning rai nme law, dai myihtoi yan gaw ga ntsa e nga ai ni hpe grai sharu shatsang masai, nga ai.