MARKU 6:15 - Jinghpaw Hanson Version Bible

¹⁵ kaga ni mahtang, “Shi gaw, Elia rai nga ai;” bai kaga hte gaw, “Moi na myihtoi langai mi zawn, myihtoi bai pru ra ai,” nga shajang ma ai.

Jinghpaw Common Language Bible 2009

¹⁵ Kaga ni mahtang, “Shi gaw Elia rai nga ai, bai kaga ni gaw, moi na myihtoi langai mi zawn, myihtoi bai paw pru ra ai,” nga shajang ma ai.

MARKU 6:15 ပူးပေါင်းရင်းမြစ်များ

MALAHKI 4:5

Yu mu, galu kaba ai hte, hkrithpa re ai, Yehowa a nhtoi garai n du yang, ngai nanhte hpang de myihtoi Elia hpe shangun dat na nngai.

MAHTE 16:14

Shanhte gaw, “Nkau mi, Baptisma Sara Yawhan; kaga ni gaw, Elia; bai kaga ni gaw, Yeremia, shing n rai myihtoi langai ngai re ai, nga ma ai,” ngu mu ai.

MAHTE 21:11

Shawa masha ni mahtang, “Ndai wa gaw, Galile mung Nazaret mare na, Yesu ngu ai myihtoi wa rai nga ai,” nga shajang ma ai.

MARKU 6:16

Herod mahtang, dai na wu yang, “Ngai baw htau kau se ai Yawhan gaw bai hkrung rawt wa sai,” nga ai.

MARKU 8:28

Shanhte gaw, “Baptisma Sara Yawhan re ai; kaga hte gaw, Elia re ai; bai, kaga hte gaw, Myihtoi ni hta na langai mi rai nga ai, nga ma ai,” ngu nna shi hpe tsun dan mu ai.

LUKA 1:17

Kawa ni a myit masin hpe kasha ni hpang de, je hpre ai ni hpe dinghpring ai ni a hpaji ningli lam de kayin wa shangun na hte, dai Madu a matu mazing da ai amyu hpe lajang shachyip da na, Elia a wenyi hte atsam rawng let, shi a shawng numshawn e sa wa na ra ai,” ngu nna shi hpe tsun wu ai.

LUKA 7:16

Masha nlang hte mung hkrit mau mat shajang ma ai rai nna, Karai Kasang hpe shagrau sha-a let, Myihtoi kaba anhte kaw paw pru ra ai, nga nna mung, Karai Kasang gaw shi a amyu hpe kawan katsan yu nga ai, nga nna mung, tsun gara wa ma ai.

LUKA 7:39

Yesu hpe shaga ai Hparishe wa dai mu jang, Ndai wa dai myihtoi rai yang gaw, shi hpe hkra ai numsha gaw, kadai hte kaning re ai numsha re ai mung, yubak kap ai jan rai nga ai mung, shi chye na wu ai, nga nna shi a kraw e myit nga ai.

LUKA 9:19

Shanhte gaw, Baptisma Sara Yawhan, nkau mi gaw, Elia, nkau mi gaw, shawng na myihtoi langai ngai bai hkrung rawt ai, rai nga ai, nga shajang ma ai,” ngu nna htan mu ai.

LUKA 9:8

nkau mi gaw, Elia paw pru ra ai; bai kaga ni mung, Shawng na myihtoi langai ngai bai rawt sai, nga nna tsun shajang ma ai.

YAWHAN 1:21

Shaloi shanhte gaw, “Dai rai yang gaw, nang Elia rai nni?” ngu nna san mu yang, shi gaw, “N rai nngai,” ngu wu ai: “Dai myihtoi rai nni?” ngu nna bai san mu yang, “N rai nngai,” ngu nna bai htan wu ai.

YAWHAN 1:25

Bai shanhte gaw, “Nang gaw, Hkristu mung n rai, Elia mung n rai, dai myihtoi wa mung n rai n yang gaw, nang hpa rai baptisma jaw n ta?” ngu nna shi hpe san mu yang,

YAWHAN 6:14

Dai re ai majaw, shi madun ai lamik kumla hpe, shawa masha ni mu ma yang, shanhte gaw, “Gaja wa teng teng ndai wa gaw mungkan ga de du sa ra ai myihtoi rai nga ai,” nga ma ai.

YAWHAN 7:40

Shing nga ai ga na ma yang, hpawng nga ai ni hta na nkau mi gaw, “Ndai wa gaw gaja wa dai myihtoi rai nga ai:”

YAWHAN 9:17

Dai rai nna shanhte gaw myi n mu ai wa hpe, “Na a myi hpaw ya ai majaw, shi a lam nang kaning ngu da wu ta?” ngu nna bai san mu yang, shi gaw, “Dai wa gaw myihtoi rai nga ai,” ngu nna bai htan mu ai.