MARKU 6:12 - Jinghpaw Hanson Version Bible

¹² Shaloi shanhte pru wa nna, masha ni myit malai lu na lam, hkaw dan mu ai:

Jinghpaw Common Language Bible 2009

¹² Shaloi shanhte pru sa nna, masha ni hpe shanhte a yubak mara ni kaw na kayin wa lu na lam hkaw dan mu ai.

MARKU 6:12 ပူးပေါင်းရင်းမြစ်များ

EZEKELA 18:30

Dai rai nna, Israela dap e, nanhte langai hte langai a arawn alai hte maren, ngai nanhte hpe jeyang na nngai,” nga nna Madu Yehowa tsun ai. “Kayin marit; nanhte a tawt lai ai lam mahkra hta na kayin marit: shing rai nanhte gaw, yubak mara majaw, ahtu kataw hkrum na n rai.

MAHTE 11:1

Ya, Yesu gaw shi a sape shi lahkawng hte hpe hkang da ngut yang, shanhte a mare ni hta sharin shaga nna, tara hkaw hkawm wa na matu, shi dai shara kaw na pru sa wa ai.

MAHTE 11:20

Dai shaloi e Yesu gaw ga sharawt nna, shi a magam bungli malaw maga dan sai mare ni hpe, myit malai n lu ma ai majaw, ning ngu daru kau mu ai:

MAHTE 3:2

“Sumsing lamu a mungdan du magang ra ai majaw, myit malai lu mu,” nga nna Yuda nam mali hkan e tara hkaw nga ai.

MAHTE 3:8

Dai majaw myit malai hte ging dan ai asi si mu!

MAHTE 4:17

Dai aten kaw nna Yesu gaw, “Sumsing lamu a mungdan du magang ra ai rai nna, myit malai lu mu,” nga nna hkaw nga ai hte tsun hpang nga ai.

MAHTE 9:13

Dai rai nna, Hkungga jaw ai lam n rai, matsan dum ai lam she ngai tsaw nga nngai, nga ai ga hpe chye lu mu ga, sa sharin la mu: Kaning rai nme law, dinghpring ai ni hpe shaga na n rai, yubak kap ai ni hpe shaga na she ngai sa du nngai,” ngu mu ai.

MARKU 1:15

“Dai aten ladaw dik wa ai hte, Karai Kasang a mungdan gaw ni wa magang ra ai: myit malai lu nna, dai kabu gara shiga hpe kamsham nga mu,” ngu nna Karai Kasang a kabu gara shiga hpe hkaw dan mu ai.

MARKU 1:3

‘Nam mali kata e jahtau ai nsen gaw': Dai madu a lam lajang da mu, Shi a lam masun ni hpe shading mu” nga nna,

LUKA 11:32

Tara dara ai nhtoi hta Ninewe masha ni gaw, ndai prat na amyu hte rau rawt wa nna, shanhte hpe dawdan na mara ai; kaning rai nme law, Yona hkaw tsun ai ga majaw, shanhte myit malai lu ma ai: yu mu, ndai yang e Yona hta grau kaba ai wa nga nga ai.

LUKA 13:3

Dai n rai, ngai nanhte hpe tsun made ga; nanhte mung myit malai n lu myit yang gaw, nanhte nlang dai hte maren hten bya mat na marin dai.

LUKA 13:5

Dai n rai, ngai nanhte hpe tsun made ga; nanhte mung myit malai n lu myit yang gaw, nanhte nlang dai lam hte hten bya mat na marin dai,” ngu mu ai.

LUKA 15:10

Nanhte hpe ngai tsun made ga, “Dai hte maren, yubak kap ai masha langai mi, myit malai lu ai majaw, Karai Kasang a lamu kasa ni a man e, kabu gara shara rai nga ai,” ngu mu ai.

LUKA 15:7

Nanhte hpe ngai tsun made ga, ‘Dai hte maren, myit malai lu shara n nga dum ai, dinghpring ai masha jahku shi jahku a majaw kabu gara ai hta, myit malai lu dum ai yubak kap ai masha langai mi a majaw, sumsing lamu kata e grau nna kabu gara shara rai na ra ai.

LUKA 24:47

Yerusalem mare kaw nna, masha amyu baw shagu hpe yubak raw dat kau ya lu ai myit malai lu na lam hpe, shi a amying nsang hte hkaw tsun lu na mung, ning nga nna ka da nga ai.

LUKA 9:6

Shing rai shanhte pru sa wa nna, kahtawng shagu hkan e dai kabu gara shiga hkaw dan let, shara magup hkan e shamai shatsai ya hkawm ma ai.

KASA 11:18

Dai lam na ma yang, shanhte myit pyaw nga nna, “Aw, rai sa, Karai Kasang gaw maigan amyu ni hpe mung, asak hkrung ai hte seng ai myit malai lam jaw manu hka,” nga nna Karai Kasang hpe shagrau sha-a ma ai.

KASA 2:38

Petru gaw, “Myit malai lu nna, nanhte a yubak raw dat kau ya u ga, nanhte hkum shagu Yesu Hkristu a mying ningsang hta baptisma hkam la mu; shaloi Chyoi pra ai Wenyi ngu ai kumhpa gaw, nanhte lu la na marin dai.

KASA 20:21

Yuda masha hte Heleni masha hpe, Karai Kasang a man na myit malai lam hte, anhte a Madu Yesu a makam masham lam sakse hkam let, ngai shaja nga nngai gaw, nanhte nan chye nga myit dai.

KASA 26:20

dai lam hpe nnan e Damasku masha ni kaw nna, Yerusalem hte Yuda mung ting hta mung, maigan amyu ni myit malai lu nna, myit malai hte ging dan ai arawn alai shachyen let, Karai Kasang hpang de kayin wa mu ga, ngu nna maigan amyu ni hta mung, ngai hkaw shana nga nngai.

KASA 3:19

Dai re ai majaw, dai Madu kaw na ngwipyaw ai aten ladaw du ru ga hte,