MARKU 5:35 - Jinghpaw Hanson Version Bible

³⁵ Shi naw tsun nga yang, tara jawng agyi a nta na ni sa du nna, “Na a shayi sha si mat sai; dai sara hpe hpa rai naw shatsang nga n ta?” ngu mu ai.

Jinghpaw Common Language Bible 2009

³⁵ Yesu ndai lam naw tsun nga yang, Yairu a nta na masha nkau mi sa du nna, “Na a shayi sha si mat sai. Dai sara hpe hpa rai naw shatsang nga na rai ta?,” ngu mu ai.

MARKU 5:35 ပူးပေါင်းရင်းမြစ်များ

MAHTE 26:10

Yesu mahtang dai chye nna, “Dai numsha hpe nanhte hpa rai nme shatsang nga myit ta? Shi gaw, ngai hta kaja ai hku galaw nu ai:

MAHTE 26:18

Shi gaw, Dai mare hta na masha langai mi kaw sa nna, “Sara tsun dat mi ai gaw, Nye a ahkying ni wa sai: na a nta e nye a sape ni hte rau, dai Shalai wa ai poi hpe ngai sha na nngai, ngu nna shi hpe tsun mu,” ngu dat wu ai.

MAHTE 9:18

Ndai ga shanhte hpe naw tsun nga yang, yu mu, agyi langai mi shi kaw sa du nna, shi hpe nawku let, “Nye a shayi sha nsa hkyet wa sai raitim, nang sa nna shi ntsa e lata mara ya yang gaw, shi hkrung wa na ra ai,” ngu wu ai.

MARKU 10:17

Bai, lam e sa wa nga yang, marai langai mi shi kaw gat du nna, shi a man e lahput hput di let, “Mai kaja ai Sara e, n htum n wai asak sali wunli lu la hkra, ngai hpa mi galaw na rai ta?” ngu nna shi hpe san wu ai.

MARKU 5:22

Shaloi, tara jawng agyi ni hta na, Ya-iru mying ai masha langai mi sa du nna shi hpe mu hkrup yang, shi a lagaw nhpang e dingnyawm nna,

LUKA 8:49

Shi naw tsun nga yang, Tara jawng agyi a nta de na marai langai mi sa nna, “Na a shayi sha si mat salit dai; dai sara hpe hkum shatsang nu,” nga nna sa tsun ai.

YAWHAN 11:21

Shaloi Marhta gaw, “Madu e, nang nang e nga ndai rai taw gaw, ngai yung n si na re ai.

YAWHAN 11:25

Bai Yesu gaw, “Ngai gaw bai hkrung rawt ai lam hte asak hkrung ai lam rai nga nngai:

YAWHAN 11:28

Shing nga nhtawm shi a kanau Mari hpe wa lagyim shaga nna, “Sara nang de nga nga nna, nang hpe shaga nga ai,” ngu wu ai.

YAWHAN 11:32

Mari gaw Yesu nga ai shara de du nna shi hpe mu jang, shi a lagaw nhpang e dingnyawm dagup let, “Madu e, nang nang e nga ndai rai taw gaw, ngai yung n si na re ai,” ngu wu ai.

YAWHAN 11:39

Yesu gaw, “Nlung dai hpe galau kau mu,” ngu mu ai. Shaloi si ai wa a kajan Marhta gaw, “Madu e, ya gaw manam na sai; shi si ai mali ya rai sai,” ngu nna tsun wu ai.

YAWHAN 5:25

Ngai nanhte hpe gaja wa teng teng tsun made ga, Si nga ai ni gaw, Karai Kasang a Kasha a nsen na lu na ahkying du wa ra ai rai nna, ya e pyi rai nga ai: na la ai ni mung hkrung nga na mara ai.