MARKU 5:34 - Jinghpaw Hanson Version Bible

³⁴ Shi mahtang, “Shayi sha e, na a kamsham ai gaw nang hpe shamai ya nit dai: ngwipyaw ai hte wa u: na a atsu atsam mai wa nu ga,” ngu nna shi hpe tsun dat wu ai.

Jinghpaw Common Language Bible 2009

³⁴ Yesu gaw, “Nye a shayi sha e, na a kam sham ai myit gaw nang hpe shamai ya nit dai. Ngwi pyaw ai hte wa su, na a machyi ai atsu atsam mai wa nu ga,” ngu nna tsun dat wu ai.

MARKU 5:34 ပူးပေါင်းရင်းမြစ်များ

2 HKAWHKAM 5:19

Myihtoi wa gaw, “Angwi apyaw sha wa nu,” ngu wu ai. Shing rai shi pru nna, lam daw mi kaw du ai.

HPAJI NINGLI 9:7

Pru wa su; Karai Kasang gaw na a amu hkap la ngut sai majaw, kabu gara ai hte shat sha u, ngwipyaw ai hte na a tsabyi jahku lu u.

JAW JAU 14:48

Bai dai nta hpe engade nnan chya ngut ai hpang, hkinjawng wa shang yu yang, ana n maden wa yang gaw, ana mai ai re ai majaw, nta dai hpe san seng ai ngu na rai wu ai.

MAHTE 9:2

Shaloi, Yu mu, panep hta taw nga ai katsing si ai masha langai mi hpe, shanhte shi hpang de hpai sa mu ai. Yesu gaw shanhte a kamsham ai myit mu jang, “Sha e, ngwipyaw nga n ga; na a yubak dat kau ya sade ai,” ngu nna katsing si ai wa hpe tsun wu ai.

MAHTE 9:22

Yesu mahtang kayin nna shi hpe mu wu yang, “Shayi sha e, ngwipyaw n ga; na a kamsham ai gaw nang hpe shamai ya nit dai,” ngu wu ai. Dai ahkying kaw nna, dai numsha mai mat nga ai.

MARKU 10:52

Yesu gaw, “Hkawm wa su; na a kamsham ai gaw nang hpe shamai ya nit dai,” ngu nna shi hpe tsun wu ai. Dai wa gaw shaloi jang myi mu lu nna, hkrun lam e shi kaw hkan nang nga ai.

MARKU 3:10

kaning rai nme law, masha law law hpe shi shamai ya mu ai majaw, ana ahkya hkrum ai ni nlang hte, shi hpe ahtawk lu hkra, nga nna shi kaw anin shang wa ma ai.

MARKU 5:29

Shaloi jang, shi a sai nhpang hkyet mat wa nna, shi a atsu atsam mai mat ai hpe, shi hkum dai dum chye wu ai.

MARKU 5:33

Dai numsha chyawm gaw, shi hta byin ai amu hpe chye chyang ai majaw, hkrit gari let sit sa nna, shi a man e dingnyawm nhtawm, shi a lam yawng mayawng hte hpe teng ai hku sha tsun dan wu ai.

LUKA 17:19

dai wa hpe, “Rawt wa nu; na a kamsham ai gaw nang hpe hkye la nit dai,” ngu nna shi hpe tsun dat wu ai.

LUKA 18:42

Shaloi Yesu gaw, “Na myi mu lit ga; na a kamsham ai gaw nang hpe shamai ya nit dai,” ngu nna shi hpe tsun wu ai.

LUKA 7:50

Shi gaw, Na a kamsham ai gaw nang hpe hkye la nit dai; a pyaw sha wa nu, ngu nna dai numsha hpe tsun dat wu ai.

LUKA 8:48

Shi mahtang, “Shayi sha e, na a kamsham ai gaw nang hpe shamai ya nit dai; ngwipyaw ai hte wa u,” ngu nna shi hpe tsun dat wu ai.

KASA 14:9

Shi mung Pawlu tsun ai ga madat nga ai; dai wa hpe Pawlu azi yu wu yang mai wa lu hkra kamsham ai myit rawng nga ai hpe shi chye ya nna,

KASA 15:33

Dai yang e tawng marang mi na hkra nga nga ai hpang, shanhte hpe shangun dat ai hpunau ni hpang de, ngwipyaw ai hte bai shabawn dat mu ai.

KASA 16:36

Shaloi htawng agyi wa, dai ga Pawlu hpe tsun dan let, “Nan hpe dat dat na, mare agyi ni masha shangun mara ai majaw, ya angwi apyaw pru wa masit,” ngu nna tsun nga ai.

YAKU 2:16

nanhte hta na marai langai ngai, Ngwipyaw ai hte wa masit; lum nga mu, hkru kat nga mu, ngu nna shan hpe tsun mu timung, hkum a matu ra nga ai hte maren, n jaw dat mu yang gaw, hpa akyu nga na a ta?

1 SAMUELA 1:17

Shaloi Eli gaw, “Apyaw sha wa nu; ya nang hpyi ai hte maren, Israela Karai Kasang nang hpe jaw nit ga law,” ngu nna tsun dat wu ai.

1 SAMUELA 20:42

Shaloi Yonahtan Dawi hpe, “Yehowa nang hte nye a lapran e mung, nye a amyu matu ni hte na a amyu matu ni a lapran e mung, tutnawng prat dingsa anga nga u ga, ngu nna Yehowa a amying ningsang hta an lahkawng dagam shaka ai majaw, dai hta tau nna ngwipyaw ai hte hkawm wa sit,” ngu nna dat dat wu ai. Shing rai Dawi rawt sa wa nna, Yonahtan mung mare de shang wa ai.