MARKU 5:23 - Jinghpaw Hanson Version Bible

²³ “Nye a shayi sha kaji nsa hti wa magang sai: shi bran wa nna, naw ahkrung nga u ga, shi a ntsa e lata mara ya na, sa wa rit,” ngu nna akroi anoi shi hpe hpyi nem wu ai.

Jinghpaw Common Language Bible 2009

²³ “Nye a shayi sha kaji grai machyi nna si wa magang nga ai. Shi mai tsai wa nna hkrung nga u ga, shi a ntsa e lata mara ya na matu sa wa rit!,” ngu nna akroi anoi hpyi nem wu ai.

MARKU 5:23 ပူးပေါင်းရင်းမြစ်များ

2 HKAWHKAM 5:11

Naman chyawm gaw masin pawt nna pru wa let, “Gaja wa, myihtoi wa nan ngai hpang de pru nna, shi a Karai Kasang Yehowa amying gang let, shi a lata hte machyi ai shara e masawp nna, manggang kap ai wa hpe jasan shapra ya na ra ai,” ngu nna ngai myit nga nngai.

SHAKAWN KUNGDAWN 107:19

Shaloi shanhte gaw tinang a ru tsang ai hta e, Yehowa hpe hpyi jahtau mu ai rai nna, Shi gaw nni nkri yawng hta na, shanhte hpe shaw dat mu ai.

SHAKAWN KUNGDAWN 50:15

Ru tsang ai nhtoi hta e ngai hpe shaga e; Ngai nang hpe hkye hkrang la nna, Nang ngai hpe shagrau sha-a na rin dai,” nga ai.

MAHTE 8:3

Shi chyawm gaw lata ladawn nna, shi hpe ahtawk let, “Ngai hkraw nga nngai, san pra wa nu,” ngu wu ai: dai shaloi jang, shi a manggang san pra mat lu ai.

MARKU 16:18

tinang a lata hte lapu hpe magra jum lu ma ai hte, si ai baw gung hpe lu ma timung, hpa mung n hkrum na ma ai; machyi makaw hkrum ai ni a ntsa e shanhte lata mara ya nna, dai ni bran wa na mara ai,” ngu nna matsun dat mu ai.

MARKU 5:24

Dai rai nna, shi hte rau sa wa ai. Masha wunawng kaba mung, shi kaw hkan gumbawm nna, shanhte gaw shi hpe kanawng matep hkra mu ai.

MARKU 6:13

nat law law hte hpe shanhte shaden kau mu ai hte, n ji n mu hkrum ai ni law law hpe namman chya ya nna shamai shatsai ya dat mu ai.

MARKU 7:32

Shaloi na lahpang nna ma-a ai masha langai mi hpe, shanhte shi hpang de woi wa mu ai rai nna, shi a ntsa e lata mara ya na, hpyi nem wu ai.

MARKU 8:23

Shi gaw dai myi kyaw ai wa hpe lata hte dun nna, kahtawng shinggan de shapraw nhtawm, shi a myi hpe mayen madit nna, shi a ntsa e lata mara da let, “Nang lama ma mu da nu ni?” ngu nna shi hpe san wu ai.

LUKA 13:13

shi a ntsa e lata mung mara ya wu ai: shaloi jang shi a malang jan rai lu nna, Karai Kasang hpe shakawn kungdawn nga ai.

LUKA 4:38

Dai tara jawng na shi rawt wa nna, Simun a nta de shang wa ai. Simun a kani gaw hkali ja ja bu nga ai rai nna, shanhte shi a matu shi hpe hkap hpyi ma ai.

LUKA 4:40

Jan shang wa jang, machyi makaw re ai hte ana ahkya amyu myu kap ai masha lu ai ni nlang hte gaw, dai ni hpe shi hpang de woi sa mu ai; shi gaw langai hte langai a ntsa e lata mara ai hte shanhte hpe shamai ya mu ai.

LUKA 7:12

Dai mare chyinghka de du magang yang, yu mu, si mat sai masha langai mi a moi mang hpe hpai kau sa wa nga ma ai; si ai wa gaw kanu a kasha shingtai rai nga ai; kanu mung gaida rai nga ai; mare masha law law mung dai num hte rau hkan sa nang ma ai.

YAWHAN 11:3

Dai re ai majaw dai yan nau gaw shi hpang de masha shangun dat nna, “Madu e, yu u, nang tsawra ai wa gaw machyi nga ai,” ngu nna tsun dan mu ai.

KASA 28:8

Dai shaloi e Popli a kawa gaw hkali hte daren machyi nna taw nga ai; Pawlu gaw dai wa kaw shang nna, akyu hpyi ai hte shi a lata mara ya nna, shi hpe shamai ya wu ai.

KASA 6:6

kasa ni a man e shadun tawn da mu ai; shanhte akyu hpyi ngut jang, shanhte hpe lata mara jaw da mu ai.

KASA 8:17

Dai rai nna kasa yan shanhte a ntsa e lata mara ya jang, shanhte dai Chyoi pra ai Wenyi hkam la lu ma ai.

KASA 9:12

Anani mying ai wa shang sa nna, shi myi bai hpaw ya n ga nga, shi a ntsa e lata mara da ya ai hpe, shingran hta mu nu ai,” ngu wu ai.

KASA 9:17

Shaloi Anani du sa nna, dai nta de shang nhtawm, Shawlu a ntsa e lata mara let, “Hpunau Shawlu e, nang myi bai mu lu nna, Chyoi pra ai Wenyi hpring lit ga nga, nang sa wa ai lam e, nang hpe shadan dan ai Madu Yesu gaw, ngai e shangun dat ni ai,” ngu wu yang,