MARKU 5:19 - Jinghpaw Hanson Version Bible

¹⁹ Shi mahtang ahkang n jaw ai sha, “Na nta na ni hte na a manang ni hpang de bai wa nna, dai Madu nang hpe gade wa karum nna, matsan dum nga ai hpe, wa tsun dan su,” ngu nna shi hpe tsun dat wu ai.

Jinghpaw Common Language Bible 2009

¹⁹ Rai ti mung Yesu gaw shi hpe ahkang n jaw ai sha, dai wa hpe, “Na a nta de wa nna dai Madu nang hpe gade wa matsan dum nna karum sai lam na nta masha ni hte manaw manang ni hpe wa tsun dan su,” ngu nna tsun dat wu ai.

MARKU 5:19 ပူးပေါင်းရင်းမြစ်များ

2 HKAWHKAM 5:4

Dai rai nna marai langai mi gaw, “Israela mung na mahkawn ma ning nga a tsun nga ai,” ngu nna shi a madu hpe shang tsun wu ai.

SHAKAWN KUNGDAWN 66:16

Karai Kasang hpe hkrit kamyin ai ni nlang hte e, Wa marit, madat mara nga mu; Nye a myit masin hpe shi hpa galaw ai gaw, Ngai gawn dan na nngai.

Daniela 4:37

Ya ngai Nebuhkadneza gaw, sumsing lamu na Hkawhkam wa hpe shakawn kungdawn, shagrau sha-a ai hte, hkungga lara rai nga nngai: shi galaw da ai yawng mayawng tengman nga nna, shi a lam ni dinghpring nga ai: shi gaw gumrawng gumtawng ai ni hpe shagrit kau lu nga ai, nga nna shara shagu mungga shabra dat wu ai.

MARKU 5:20

Dai majaw shi pru wa nna, Yesu shi hpe gade wa karum sai gaw Dekapoli mung ginwang hkan e, hkaw dan mu ai rai nna, nlang hte nan mau mahka nga ma ai.

LUKA 8:39

Na nta de she wa nna, “Karai Kasang nang hpe gade wa karum nit dai gaw, wa tsun dan su,” ngu nna shi hpe shabawn dat wu ai: shaloi shi pru wa nna, Yesu shi hpe gade wa karum sai gaw, dai mare ting hkan e hkaw tsun dan nga ai.

YAWHAN 4:29

“Ngai galaw ai lam yawng, ngai hpe bai tsun dan ya ai wa hpe sa yu maru: dai wa gaw Hkristu rai na kun?” ngu nna wa tsun mu ai.