MARKU 5:16 - Jinghpaw Hanson Version Bible

¹⁶ Dai lam mu chye ai ni mung, dai nat kap ai masha hte wa ni hta kaning rai byin ai hpe, shanhte hpe hkap hkai dan mu ai.

Jinghpaw Common Language Bible 2009

¹⁶ Dai lam mu chye ai ni mung, dai nat kap ai masha hte wa ni hta kaning rai byin sai lam masha ni e hkap hkai dan mu ai.

MARKU 5:16 ပူးပေါင်းရင်းမြစ်များ

MAHTE 4:24

Dai majaw, shi a kajai gumhkawng ai shiga gaw, Suri mung ting hta e pri rai wa sai rai nna, shanhte gaw, hkum n pyaw ai, machyi makaw amyu myu hte kawa machyi hkrum ai ni hte, nat kap ai, mamu mu ai hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya wu ai.

MAHTE 9:32

Dai yan pru mat wa jang, yu mu, n chye shaga ai nat kap ai masha hpe shi kaw woi jashawn mu ai.

MARKU 5:15

Shanhte Yesu kaw du ma yang, Legio lawm ai nat kap ai wa gaw, hpun palawng bu hpun nna, shawoi na myit hte dung nga ai hpe, shanhte mu mu ai rai nna, hkrit kahpra mat ma ai.

MARKU 5:18

Dai li hta wa shang yang, shi hte rau nga nga na, nat kap ai wa gaw shi hpe hpyi nem wu ai.