MARKU 5:14 - Jinghpaw Hanson Version Bible

¹⁴ Wa rem ai ni chyawm gaw, hprawng gat wa nna, dai mare hte nta htinghkrai hkan e, dai lam tsun dan ma ai. Shaloi, dai byin ai amu hpe yu yu na, shanhte pru sa wa ma ai.

Jinghpaw Common Language Bible 2009

¹⁴ Wa ni hpe hkan rem ai ni chyawm gaw, hprawng gat mat wa nna, dai mare hte kahtawng hkan e, dai shiga tsun shabra dat ma ai. Masha ni mung dai byin wa sai amu hpe hpu yu na matu pru sa wa ma ai.

MARKU 5:14 ပူးပေါင်းရင်းမြစ်များ

MAHTE 7:6

Chyoi pra ai arai hpe gwi ni hpe hkum jaw mu; nanhte a hkachyi ni hpe wa ni man e hkum kabai tawn mu: shing n rai jang, dai ni tinang a lagaw hte dai hpe kabye kau nna, nanhte hpe nhtang kawa na marin dai.

MAHTE 8:33

Wa rem ai ni chyawm gaw hprawng wa ma ai hte, dai mare de shang nna, byin mabyin hte hte, nat kap ai yan a lam hpe tsun dan mu ai.

MARKU 5:13

Shaloi shi shanhte hpe ahkang jaw dat mu ai. N seng ai nat ni chyawm gaw, pru wa nhtawm wa ni hta shang ma ai rai nna, wa nawng gaw dai n-gam mahka kaw na nawng de rut gat bang wa nna, nawng hta e marit si mat ma ai: dai wa ni gaw hkying lahkawng daram rai nga ma ai.

MARKU 5:15

Shanhte Yesu kaw du ma yang, Legio lawm ai nat kap ai wa gaw, hpun palawng bu hpun nna, shawoi na myit hte dung nga ai hpe, shanhte mu mu ai rai nna, hkrit kahpra mat ma ai.

LUKA 8:34

Wa rem ai ni gaw shing rai byin ai mu jang, hprawng gat wa nna, mare hte nta htinghkrai hkan e dai lam tsun dan ma ai.