MARKU 5:13 - Jinghpaw Hanson Version Bible

¹³ Shaloi shi shanhte hpe ahkang jaw dat mu ai. N seng ai nat ni chyawm gaw, pru wa nhtawm wa ni hta shang ma ai rai nna, wa nawng gaw dai n-gam mahka kaw na nawng de rut gat bang wa nna, nawng hta e marit si mat ma ai: dai wa ni gaw hkying lahkawng daram rai nga ma ai.

Jinghpaw Common Language Bible 2009

¹³ Shaloi shi shanhte hpe wa ni hta shang na ahkang jaw dat mu ai. N seng ai nat ni mung, masha wa kaw na pru wa nna wa ni hta shang ma ai. Wa wunawng ting yawng rai yang hkying lahkawng daram dai n-gam mahka kaw nna nawng de yawng rut gat ru bang nna marit si mat ma ai.

MARKU 5:13 ပူးပေါင်းရင်းမြစ်များ

1 HKAWHKAM 22:22

Yehowa gaw, “Kaning di lau na wu ta?” ngu nna san wu yang, dai wenyi gaw, “Ngai pru nna, shi a myihtoi ni mahkra a n-gup hta masu ai wenyi tai na nngai, ngu nna htan wu ai. Yehoaw mung, Nang shi hpe lau lu na wu ai; dai hku sa galaw su,” ngu dat wu ai.

YOBA 1:12

Shing rai Yehowa gaw, “shi lu malu na a lata e rai nga ai; shi hkum hpe sha hkum hkra et,” ngu nna Satan hpe tsun wu ai. Dai rai nna Satan gaw Yehowa kaw na pru mat wa ai.

YOBA 2:6

Shing rai Yehowa gaw, “yu u, shi na a lata e rai nga ai; shi a asak hpe sha shalawt da u,” ngu nna Satan hpe tsun wu ai.

MAHTE 7:6

Chyoi pra ai arai hpe gwi ni hpe hkum jaw mu; nanhte a hkachyi ni hpe wa ni man e hkum kabai tawn mu: shing n rai jang, dai ni tinang a lagaw hte dai hpe kabye kau nna, nanhte hpe nhtang kawa na marin dai.

MAHTE 8:32

Shi gaw, “Sa wa mu,” shanhte hpe ngu mu ai. Pru mat wa ma yang, shanhte dai wa ni hta shang wa ma ai rai nna, dai wa wunawng nlang hte n-gam mahka kaw nna nawng de rut gat bang wa ai hte, hka hta e marit si mat ma ai.

MARKU 5:12

Dai rai nna, nat ni gaw, “Anhte dai wa ni hta shang lu u ga, shangun dat mi,” ngu nna shi hpe hpyi nem mu ai.

MARKU 5:14

Wa rem ai ni chyawm gaw, hprawng gat wa nna, dai mare hte nta htinghkrai hkan e, dai lam tsun dan ma ai. Shaloi, dai byin ai amu hpe yu yu na, shanhte pru sa wa ma ai.

YAWHAN 8:44

Nanhte gaw, nanhte a kawa ngu ai, gumlau Nat hta na prat wa ai ni rai nga myit dai rai nna, nanhte a kawa a kayut ai hku mung, hkan mayu myit dai: shi gaw shawng npawt kaw nna, masha sat ai wa rai nga ai rai nna, shi hta tengman ai lam n rawng lu ai majaw, tengman ai lam hta n nga lu ai: shi masu magaw ga tsun yang, shi a myit hta na hte maren tsun nga ai: shi gaw masu ai wa rai nga ai hte, masu magaw ai a kawa mung, rai nga ai.

1 PETRU 3:22

Yesu Hkristu mahtang gaw, sumsing lamu de lung shang mat wa nhtawm, Karai Kasang a hkra maga de anga nga ai rai nna, lamu kasa ni, ahkang aya lu ai ni hte, hpung shingkang rawng ai ni gaw, shi a npu e a daw nga ma ai.

SHINGRAN 20:7

Dai shaning hkying mi lai jang, Satan gaw htawng hta na raw dat ai hkrum nna,

SHINGRAN 9:11

Dai ni a hkawhkam gaw sung htum ai shara na ngarai a kasa rai nga ai; shi a amying gaw, Hebre ga hte Abadon; bai, Heleni ga hte shi a amying Apolion rai nga ai.