MARKU 4:8 - Jinghpaw Hanson Version Bible

⁸ Bai, kaga gaw ga kaja hta hkrat ai; dai gaw asi si let, kaba wa ai hte grawng wa ai rai nna, dang sumshi, kru shi, latsa rai, mayat wa ai.”

Jinghpaw Common Language Bible 2009

⁸ Rai ti mung, nli tum nkau mi gaw, ga kaja hta hkrat nna, tu pru wa nhtawm kaba wa ai hte nkau mi htam sumshi, kaga ni kru shi, bai kaga ni latsa rai nna asi si mayat wa ai.”

MARKU 4:8 ပူးပေါင်းရင်းမြစ်များ

NINGPAWT NINGHPANG 26:12

Ya, Isak gaw dai mung e yi galaw wu ai rai nna, dai shaning hta htam latsa lu la wu ai: Yehowa mung shi hpe shaman ya wu ai:

ESAIA 58:1

Aja awa jahtau u; atsin sha hkum nga et; pahtau zawn na a nsen sharawt nna, nye a amyu hpe shanhte a shut hpyit ai lam, Yaku a nta na ni hpe tinang a yubak lam, shapraw dan mu.

YEREMIA 23:29

Nye a mungga gaw wan zawn, nlung dup ai sumdu zawn, rai nga ai, n rai ni? nga nna Yehowa tsun ai.

MAHTE 13:23

Ga kaja hta gat ai nli a lam chyawm gaw, dai ga hpe na la nna hta la nu ai hte, gaja wa teng teng asi si nna, nkau mi dang latsa, nkau mi kru shi, nkau mi sumshi jat wa ai wa hpe, rai nga ai,” ngu wu ai.

MAHTE 13:8

Nkau mi gaw ga kaja hta hkrat wa nna, asi si wa ai: nkau mi dang latsa, nkau mi kru shi, nkau mi sumshi si mayat wa ai:

MARKU 4:20

Bai, ga kaja hta e gat nga ai ni chyawm gaw, dai mungga hpe na la ai hte dai hpe hkam la nna, asi si let, dang sumshi, kru shi, dang latsa, mayat wa ai ni rai nga ma ai,” ngu nna shanhte hpe tsun mu ai.

MARKU 4:7

Kaga gaw, ju hpun ni hta hkrat ai; ju hpun ni mung kaba wa nna, dai hpe lim kau mu ai majaw, asi n si lu ai.

MARKU 4:9

Bai shi gaw, “Na la na, na tu ai wa gaw, na lu u ga,” ngu nna shanhte hpe tsun mu ai.

LUKA 8:15

Ga kaja hta hkrat ai nli chyawm gaw, dai mungga hpe kangka rai nna kaja ai myit hte madat la ngut jang, lashum lanoi rai nna hkam sharang ai myit hte asi si ai ni rai ma ai.

LUKA 8:8

Nkau mi gaw ga kaja hta hkrat ai rai nna, tu kaba wa jang, htam latsa si mayat wa ai, ngu wu ai: shi shing nga tsun ai ninglen, Na la na, na tu ai wa gaw, na la u ga, nga nna jahtau wu ai.

YAWHAN 15:5

“Ngai gaw tsabyi ru madung rai nga nngai, nanhte gaw lakung lakying ni rai nga myit dai: ngai hta noi nga nna, ngai mung dai wa hta noi nga ai rai yang gaw, dai wa gaw asi law law si wa lu ai: kaning rai nme law, ngai hte hka jang, nanhte hpa mung n galaw lu myit dai.

YAWHAN 7:17

Dai wa a myit hkan mayu ai wa rai yang gaw, sharin shaga ai ga ndai, Karai Kasang kaw na re ai, shing n rai, nye a myit hte tsun nga ai ga re ai, chye ginhka lu na wu ai.

KASA 17:11

Dai mare masha ni gaw Htesaloni masha ni hta myit grau su ma ai rai nna, dai mungga hta myit shawn loi ai hte, dai lam ni teng ai n teng ai chye lu hkra, Chyum laika hpe shani shagu a yu nga ma ai.

EHPESU 2:21

shi hta e wahpang langai hte langai, matut manoi htuk shachyaw sai rai nna, dai Madu hta e chyoi pra ai nawku htingnu de kaba wa sai:

HPILIPI 1:11

nanhte a tsawra ai myit gaw chye chyang ai hte myit leng ai yawng hta grau nna jat htam wa na matu ngai a hpyi nga nngai.

KOLOSE 1:6

Dai kabu gara shiga gaw, mungkan ting chyam hkra du dep wa ai hte, nanhte na yu nna Karai Kasang a chyeju hpe teng teng chye chyang lu ai nhtoi kaw nna, nanhte hta asi si nna kaba wa lu ai hte maren, mungkan ting e mung, asi si nna kaba wa lu ai.