MARKU 4:7 - Jinghpaw Hanson Version Bible

⁷ Kaga gaw, ju hpun ni hta hkrat ai; ju hpun ni mung kaba wa nna, dai hpe lim kau mu ai majaw, asi n si lu ai.

Jinghpaw Common Language Bible 2009

⁷ Nli tum nkau mi ju sumwum ni hta hkrat bang ai; ju hpun ni tu kaba wa nna dai hkai hpun ni hpe lim kau mu ai majaw hpa asi n si lu ai.

MARKU 4:7 ပူးပေါင်းရင်းမြစ်များ

YEREMIA 4:3

Kaning rai nme law, Yehowa gaw Yuda hte Yerusalem masha ni hpe ning nga ai: Nanhte jahkam tawn ai hkauna ni hpe bai galau mu; ju hpun hta nli hkum gat myit.

MAHTE 13:22

Ju hpun hta gat ai nli a lam gaw, dai ga hpe na la timung, ndai prat na myit tsang ai hte hkalem kau ai sutgan gaw, dai mungga hpe lim kau nna, asi n si lu ai wa hpe rai nga ai.

MAHTE 13:7

Nkau mi gaw ju hpun nhpang e hkrat nna, ju hpun ni tu kaba wa ai hte, dai hpe lim kau mu ai.

MAHTE 13:8

Nkau mi gaw ga kaja hta hkrat wa nna, asi si wa ai: nkau mi dang latsa, nkau mi kru shi, nkau mi sumshi si mayat wa ai:

MARKU 4:6

jan pru katen jang, krau mat wa nna, ru n jung lu ai majaw nyip si mat ma ai.

MARKU 4:8

Bai, kaga gaw ga kaja hta hkrat ai; dai gaw asi si let, kaba wa ai hte grawng wa ai rai nna, dang sumshi, kru shi, latsa rai, mayat wa ai.”

LUKA 12:15

Shanhte hpe mung shi bai tsun mu ai gaw, Nammak lawhpa lam yawng hta na myit hpe shim shadang nna koi gam mu: kaning rai nme law, sutgan law htam wa ai hta, masha asak rawng ai n rai,” ngu mu ai.

LUKA 21:34

Rai timung, lu lai sha lai ai, chyaru nang ai, dinghta ga myit ru myit tsang ai hte nanhte a myit masin li nga nna, dai nhtoi gaw mahkam htim ai zawn, nanhte a ntsa e akajawng sha n du pru u ga, sadi nga mu:

LUKA 8:14

Ju hpun hta hkrat ai nli gaw, mungga na la nna, tinang lam hkan nga yang, ndai prat a myit ru myit tsang ai, sut lu sut su ai, pyaw daw tam ai lam ni hta lim mat nna, ja kat ai asi n si ai ni rai ma ai.

LUKA 8:7

Nkau mi gaw ju hpun ka-ang e hkrat nna, ju hpun ni dai hte rau tu kaba wa ai hte, dai hpe lim kau mu ai.