MARKU 4:38 - Jinghpaw Hanson Version Bible

³⁸ Shi chyawm gaw, li mai de punghkum ntsa e, yup pyaw nga ai: shaloi shanhte shi hpe jasu nna, “Sara e, anhte mat mat na hpe, nang hpa n nawn nga nni?” ngu nna shi hpe tsun mu ai.

Jinghpaw Common Language Bible 2009

³⁸ Yesu chyawm gaw li mai de bunghkum langai mi hkum nna yup pyaw taw nga ai. Sape ni gaw Yesu hpe jasu nna, “Sara e, anhte si wa hkyen nga ai hpe nang hpa n nawn nga n ni?,” ngu nna tsun mu ai.

MARKU 4:38 ပူးပေါင်းရင်းမြစ်များ

ESAIA 63:15

Sumsing lamu de nna gum yu u; na a dan hkung ai hte chyoi pra ai shanu shara nna mada yu u: na a nja nhpra myit hte, daru magam re ai amu ni, kanang rai nga a ta? na a kraw lawang na chyeju myit hte, matsan dum ai myit, nang ngai hte shatsan kau nit dai.

ESAIA 64:12

Yehowa e, ndai lam ni hpe nang naw sharang nna, atsin sha nga nga let, anhte hpe htum hkra matsan mayan jahkrum na rai ni?

SHARUNG SHAYAWT 3:8

Gaja wa ngai shaga nna tawngban timung, shi nye a akyu hpyi ai ga hpe gang kau nu ai.

MAHTE 22:16

Shaloi shanhte gaw, tinang a sape ni hte Herodi ngu ai ni hpe shi hpang de shangun dat mu ai rai nna, “Sara e, nang tengman nga ndai hte, Karai Kasang a lam hpe teng teng sharin shaga nga ndai rai nna, masha a myi man hpe n tau yu ai sha, kadai hpe mung nang n agam nga ndai gaw, anhte chye nga ga ai:

MAHTE 8:25

Dai rai nna shi hpe sa jasu let shanhte gaw, “Madu e, hkye la mi, anhte htum mat wa nga ga ai,” ngu mu ai.

MARKU 4:37

Shaloi, nbung laru kaba ru wa nna, hka leng ni li hta kaput bang wa ai majaw, dai li gaw hpring magang wa ai.

MARKU 4:39

Dai majaw shi rawt nna, nbung hpe daru wu ai hte, dai nawng hpe, “Atsin sim rai nga u,” ngu wu ai. Dai nbung mung num mat wa nna, a katsi sha rai mat wa ai.

LUKA 8:24

Dai rai nna shanhte sit sa nna, Madu e, madu e, anhte mat mat wa nga ga ai, ngu nna shi hpe jasu mu ai. Shaloi shi rawt nna, nbung hte hka leng ni hpe daru kau wu ai: dai ni mung sim mat wa nna, atsin sim rai nga ai.

YAWHAN 4:6

Yesu gaw lam hkawm ba ai majaw, dai hka htung makau e dung nga ai: dai aten gaw hkying kru daram rai nga ai.

HEBRE 2:17

Dai re ai majaw, shi gaw Karai Kasang hte seng ai lam hta, matsan dum chye ai hte kangka re ai hkinjawng agyi tai nna, shinggyim masha ni a matu mara gawng malai hkungga jaw lu u ga, lam shagu hta kahpu kanau ni hte bung lu na, sun ang nga ai.

HEBRE 4:15

Kaning rai nme law, anhte a gawng kya ai lam hpe matsan n chye dum ai hkinjawng agyi wa anhte lu ga ai n rai; lam shagu hta anhte zawn gunglau hkrum yu timung, yubak mara n kap ai hkinjawng agyi wa she lu ga ai.

1 PETRU 5:7

shi nanhte hpe myit dum ya nga ai majaw, nanhte a myit ru myit tsang ai nlang hte nan, shi a ntsa e kabai mara da mu.