MARKU 4:31 - Jinghpaw Hanson Version Bible

³¹ Dai gaw chyinghkrang tum zawn rai nga ai; ga ntsa e gat dat jang ga ntsa na tum amyu mahkra hta kaji htum dam timung,

Jinghpaw Common Language Bible 2009

³¹ Dai gaw ndai hte bung nga ai. Mungkan hta kaji htum ai nli tum rai nga ai chyinghkrang tum langai mi hpe masha langai mi e la nna ga hta gat dat wu ai.

MARKU 4:31 ပူးပေါင်းရင်းမြစ်များ

ESAIA 53:12

Dai re ai majaw ngai gaw, daru magam rawng ai ni hte rau, shi hpe kamhtaw karan jaw nna, shi gaw n-gun atsam rawng ai ni hte rau, lanep karan na ra ai: kaning rai nme law, shi gaw si du hkra shi a myit masin hpe ru kau nna, tara tawt lai ai ni hta hti lawm nga ai: rai timung shi gaw; masha law law a yubak hpe gun hpai nna, tara tawt lai ai ni a matu mara htinglu htinglai ya ai.

ESAIA 53:2

Kaning rai nme law, Yehowa a shangun ma gaw, shi a man e matsun zawn mung, hkraw hkun ai ga na maku zawn mung, tu prut nga ai: shi gaw gawng shing-yan mung, ahpraw nsam mung, tsawm htap ai n rai: shi hpe yu yang, tsawra mai ai myi man ningchya n rawng nga ai.

ESAIA 60:22

Ma kaji langai mi gaw, masha hkying mi, grau kaji ai wa gaw, n-gun atsam rawng ai amyu, tai na ra ai: ngai Yehowa gaw aten du jang, dai hpe shadut na nngai.

ESAIA 9:7

Madu gaw Yaku hpang de mungga shangun dat nna, dai gaw Israela ntsa e di hkrat nga ai.

ZEHKARIA 12:8

Dai shani e, Yehowa gaw, Yerusalem masha ni hpe makawp maga na ra ai; shanhte hta n-gun n ja ai wa gaw, dai shaloi e Dawi zawn tai na ra ai; Dawi a dap gaw, Karai Kasang zawn, rai sa, shanhte a shawng e langang sa ai Yehowa a lamu kasa zawn, tai na ra ai.

ZEHKARIA 2:11

“Dai shani e, maigan amyu ni law law wa, Yehowa hte matut manoi nna, nye a amyu tai na mara ai: ngai gaw na a ka-ang e shanu nga nna, Zaw nawng zaw wa up ai Yehowa gaw, ngai hpe nang hpang de shangun dat ai, nang chye lu na ndai.

MALAHKI 1:11

Kaning rai nme law, nye a amying ningsang gaw, jan pru maga kaw nna jan shang maga du hkra, maigan amyu ni hta galu kaba nga na ra ai: nye a amying ningsang, maigan amyu ni hta galu kaba nga ai majaw, nye a amying matu, shara shagu hta, manam pyaw ai baw hte san seng ai shagu hkungga hpe, nat nawng ya na mara ai, nga nna Zaw nawng zaw wa up ai Yehowa tsun ai.

MARKU 4:30

Bai shi gaw, “Karai Kasang a mungdan hpe, hpa hte shabung lu na gaw ta? hpa ga shadawn hku hte shadawn na gaw ta?

MARKU 4:32

gat dat ai hpang, tu wa nna, shatmai lap amyu mahkra hta grau kaba wa ai hte, lakung lakying kung dam wa nna, ntsa malen u ni de a shingnip hta e shingbyi nga lu ma ai,” ngu mu ai.

LUKA 17:6

Shing nga jang Madu gaw, “nanhte hta kamsham ai myit chyinghkrang tum daram rawng myit yang gaw, ndai labri hpun hpe, ‘Hpun e, aru hte nawng baw nna nammukdara e sa tu nga u law,’ ngu yang, nanhte a ga madat na ra ai.

KASA 19:20

Shing rai, dai Madu a mungga gaw n-gun atsam hta galu kaba maden jat wa nga ai.

KASA 2:41

Ga dai hta la ai ni gaw baptisma hkam la shajang nna, dai shani e masha hkying masum dang jat bang wa ma ai.

KASA 21:20

Dai na jang shanhte mung Karai Kasang hpe shagrau sha-a ma ai: bai shanhte gaw Pawlu hpe, “Hpu wa e, Yuda masha hta na kamsham ai ni gade mun hkying law nga ma ai gaw, nang chye nga ndai; dai ni mahkra jep ai tara hta myit jung ai hkrai rai nga ma ai:

KASA 4:4

Rai timung, mungga na la ai ni law law wa, kamsham ma ai rai nna, kamsham ai lasha yawng hkying manga daram rai nga ma ai.

KASA 5:14

kamsham ai numsha lasha hpung kaba, dai Madu kaw jat bang wa ma ai:

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.