MARKU 4:28 - Jinghpaw Hanson Version Bible

²⁸ Aga gaw shi hkrai asi si wa ai hte, shawng e maku, hpang e htingkyang, dai hpang htingkyang hta e mam nsi hkum wa shangun ai.

Jinghpaw Common Language Bible 2009

²⁸ Aga gaw shi hkrai shi hpun hpe, tu kaba wa nna asi si shangun nga ai: shawng nnan maku ku pru wa ai hpang htingkyang, dai hpang htingkyang hta mam nsi hkrai hpring tup wa shangun ai.

MARKU 4:28 ပူးပေါင်းရင်းမြစ်များ

NINGPAWT NINGHPANG 2:9

Ya Yehowa Karai Kasang gaw yu chyoi ai hte sha na matu mai kaja ai hpun amyu myu hpe, ga hta nna tu shangun wu ai: dai sun a ka-ang e asak jahkrung jaw ai hpun hte, kaja ai hte n kaja ai chye ginhka shangun ai hpun mung tu nga ai.

SHAKAWN KUNGDAWN 1:3

Dai wa gaw hka kau e hkai ai, Shi a aten hta asi si nna, Alap mung n nyip ai hpun hte bung nga ai: Shi galaw ai yawng mayawng mung tai na ra ai.

GA SHAGAWP 4:18

Dinghpring ai ni a lam chyawm gaw, jahpawt nhtoi hte bung nga ai; Dai gaw nhtoi leng hkra ahtoi ahkung wa nga ai.

HPAJI NINGLI 3:1

Yawng mayawng a matu du hkra ladaw nga nna, sumsing lamu npu e ra mara matu aten nga nga ai:

HPAJI NINGLI 3:11

Shi gaw yawng mayawng hpe tinang a ahkying aten hte htuk tsawm ai hku galaw da nu ai: shinggyim masha hpe htani htana prat dingsa nga nga na marit shangun timung, shi gaw Karai Kasang hpajang da ai magam bungli hpe npawt ndung hkren gawn yu lu ai n rai.

ESAIA 61:11

Lamu ga gaw apu pu shangun nna, sun gaw gat hkai ai nli hpe maku ku shangun ai hte maren, Madu Yehowa gaw Dinghpring ai hte shakawn kungdawn ai lam, amyu baw ni mahkra a man e tu pru shangun na ra ai.

HOSEA 6:3

Anhte chye na lu ga; Yehowa hpe chye lu hkra hkan tam ga: jahpawt manap teng teng du ai zawn, shi du pru na ra ai; shi anhte hpang de, marang shaya hte, lamu ga hpe madit ai marang shadoi zawn, du na ra ai.”

MAHTE 13:26

Ya dai mam maku tu wa nna asi si jang, tsing mung dan pru wa ai.

MARKU 4:27

gat ngut jang, shani shana shi yup wa, rawt wa nga ai rai nna, shi n chye ai lam hta nli gaw prut wa nna, tu kaba wa nga ai.

MARKU 4:29

Mam myin jang nmut ta du ai majaw, shi shaloi jang, dai nhkyau hpe shangun dat wu ai,” ngu mu ai.

HPILIPI 1:6

Dai hta kaga, nanhte hta e mai kaja ai amu galaw hpang ai wa gaw, Yesu Hkristu a nhtoi du ai du hkra dai hpe shatsup shatup na ra ai, ngai myit mu nga nngai.

KOLOSE 1:10

Karai Kasang a chye chyang ai lam hta asi si nna, kaba wa let tsawm pra ai lam shagu hte kaja ai bungli shagu hta dai Madu a lam tau yu nna ging dan let hkawm nga myit ga mung,