MARKU 4:2 - Jinghpaw Hanson Version Bible

² Shaloi ga shadawn hku law law hte, shi shanhte hpe sharin shaga mu ai rai nna, shi a sharin shaga ai lam hta, “Madat mara mu:

Jinghpaw Common Language Bible 2009

² Shi gaw ga shadawn ni hpe lang nna lam law law hpe ning ngu nna sharin shaga mu ai:

MARKU 4:2 ပူးပေါင်းရင်းမြစ်များ

SHAKAWN KUNGDAWN 49:4

Nye a na, ga shadawn na la na rai nna, Tingse dum let gumwai ga htai dan na nngai.

SHAKAWN KUNGDAWN 78:2

Nye a n-gup, ga shagawp hte ngai hpaw nna, Chyaloi nhkoi na gumwai ga, htai dan na nngai.

MAHTE 13:10

Shaloi shi a sape ni sit wa nna, “Ndai ni hpe hpa rai ga shadawn hte tsun dan mu ta?” ngu nna shi hpe san mu ai.

MAHTE 13:3

Shaloi, lam law law wa ga shadawn hku hte shi shanhte hpe tsun mu ai gaw, “Nli gat ai wa gaw nli gat na pru sa wa ai.

MAHTE 7:28

Ya, Yesu gaw dai ga hpe hkaw tsun ngut jang, shi sharin shaga ai lam hpe shawa masha ni mau mat nga ma ai;

MARKU 10:1

Dai kaw na shi rawt pru nna, Yuda mung ga jarit hte Yawdan hka wora hkran de du sa ai rai nna, masha wunawng wuwa shi hpang de bai sa hpawng ma ai majaw, shi htung nga ai hte maren, shanhte hpe bai sharin shaga ya mu ai.

MARKU 12:1

Dai shaloi ga shadawn hte hte shi shanhte hpe tsun hpang mu ai gaw, “Masha langai mi tsabyi sun hkai sharam da nna, grup yin e nhpan kum da ai hte tsabyi htung htu da nna, langchyi gap da nhtawm, sun galaw ai masha hpe boi ya da nna, kaga mung de sa nga mat ai.

MARKU 12:38

Bai sharin shaga nga let, shi tsun mu ai gaw, “Laika ka ai sara ni hpe sadi nga mu: shanhte palawng galu bu hpun let hkawm sa mayu nna gat hkan shachyen ai mung,

MARKU 3:23

Shing rai shi shanhte hpe shaga la nna, ga shadawn hku hte tsun mu ai gaw, “Satan gaw, Satan hpe kaning rai shaden kau lu na a ta?

MARKU 4:11

Dai rai nna, shi gaw, “Karai Kasang a mungdan a sung htum ai lam hpe, nanhte hpe shadan dan ai ahkang rai nga ai:

MARKU 4:3

yu mu, nli gat ai wa gaw, nli gat na pru sa wa ai.

YAWHAN 18:19

Shaloi hkinjawng agyi wa gaw Yesu hpe, shi a sape ni a lam hte shi sharin shaga ai lam, san wu ai.