MARKU 4:19 - Jinghpaw Hanson Version Bible

¹⁹ ndai mungkan a myit tsang ai, sutgan a hkalem ai hte myit marin ai lam kaga ga shang wa nna, dai mungga hpe lim kau ai majaw, asi n si lu ai ni, rai nga ma ai.

Jinghpaw Common Language Bible 2009

¹⁹ Rai ti mung dinghta asak hkrung lam a myit ru myit tsang ai lam, sutgan ra marin ai lam hte kaga ra sharawng ai lam ni dumbru shang wa nna dai mungga hpe lim kau ai majaw asi n si lu ai.

MARKU 4:19 ပူးပေါင်းရင်းမြစ်များ

GA SHAGAWP 23:4

Sutgan lu hkra tinang hkum hpe hkum jahki et; Na a nyan hta hkum hpa et.

GA SHAGAWP 23:5

Hpa n re ai hpe nang azi yu nga n ni? Sumsing lamu de pyen mat wa ai langda zawn, Gaja wa sutgan gaw singkaw tu nga ai.

HPAJI NINGLI 4:8

Marai langai mi gaw kanawn manang, kashu kasha, kahpu kanau n lu timung, shi a amu n htum hkraw ai hte shi a myi sutgan hpe n yu krem nga ai. Dai rai nna shi gaw Ngai gade a matu shakut sharang ai hte, nji nmu hkrum nga nngai i? nga nna san nga ai: dai mung kaman lila hte hki ba ai amu kaba hkrai rai nga ai.

ESAIA 5:2

shi dai hpe htu lajang nna, nlung ni rawm kau nhtawm, kaja htum ai tsabyi ru ni hkai da wu ai; de a ka-ang e shi langchyi gap da nna, tsabyi shup ai htumrin tawk da wu ai: dai sun hta tsabyi si kaja si na shi myit mada nga timung, tsabyi chyalam hkrai si nga a hka.

ESAIA 5:4

Ngai nye a tsabyi sun hta n galaw nna, naw galaw ra ai lam lama ma nga dam a ni? Ngai tsabyi si lu la na myit mada nga yang, hpa majaw tsabyi chyalam si nga a ta?

MAHTE 13:22

Ju hpun hta gat ai nli a lam gaw, dai ga hpe na la timung, ndai prat na myit tsang ai hte hkalem kau ai sutgan gaw, dai mungga hpe lim kau nna, asi n si lu ai wa hpe rai nga ai.

MAHTE 19:23

Dai rai nna Yesu gaw shi a sape ni hpe, “Ngai nanhte hpe teng teng tsun made ga, sut su ai wa gaw, sumsing lamu a mungdan hta nachying wa shang yak nga ai.

MAHTE 3:10

Ya e pyi dai nwa gaw, hpun pawt nhpang hkan e tawn da nga ai; dai rai nna, asi kaja nsi ai hpun nga manga hpe, kran daw kau nna wan hta kabai bang kau nga ai.

MARKU 4:18

Bai, ju hpun hta e, kaga mung gat nga ai; dai ni gaw, dai mungga hpe na la timung,

LUKA 10:41

Shaloi dai Madu gaw, “Marhta, Marhta, nang gaw amu lam law law a majaw myit ru nna tsang nga ndai:

LUKA 21:34

Rai timung, lu lai sha lai ai, chyaru nang ai, dinghta ga myit ru myit tsang ai hte nanhte a myit masin li nga nna, dai nhtoi gaw mahkam htim ai zawn, nanhte a ntsa e akajawng sha n du pru u ga, sadi nga mu:

YAWHAN 15:2

Ngai hta asi n si ai lakung shagu hpe gaw, shi krum kau wu ai: asi si ai lakung shagu hpe chyawm gaw, asi grau si u ga nga, tsan kau ya wu ai.

ROMA 12:2

Dai hta kaga, ndai dinghta ga a myit n hkan dagraw ai sha, Karai Kasang a mai kaja ai, sharawng awng ai hte hkum tsup re ai myit mang lam hpe nanhte chye ginhka lu myit ga, myit nnan lu la na hku arawn asam galai nga mu.

EHPESU 2:2

ndai mungkan a n-gawn shawa hte, nbung hta hkang ai du wa ngu ai, n madat mara ai kasha ni hta, ya e shachyen nga ai wenyi a lam hte maren, nanhte shawng e hkawm nga manit dai.

EHPESU 6:12

Kaning rai nme law, anhte a gasat gala ai gaw, asai yan ashan hpe n re ai sha, du agyi ni hpe mung, ahkang aya lu ai ni hpe mung, ndai sin mak nga ai mungkan a hpung shingkang rawng ai ni hpe mung, sumsing lamu lahta tang e nga ai. n hkru n hkra ai nat a luksuk ni hpe mung, gasat gala nga ga ai.

HPILIPI 4:6

Hpa lam hta mung myit hkum ru hkum tsang myit; lam shagu hta akyu hpyi nna tawngban ai hte shakawn kungdawn let, nanhte a hpyi mahpyi hpe Karai Kasang kaw shana nga mu.

1 TIMOHTI 6:17

Ndai prat e sutgan lu ai ni gaw, gumrawng gumtawng n re ai hte, n grin ai sutgan hpe n shamyet nga ai sha, ngamu ngamai nga na matu, arai yawng mayawng anhte hpe n daw n hta jaw ai Karai Kasang hpe shamyet shanat nga na hte,

2 TIMOHTI 4:10

kaning rai nme law, Dema gaw ndai mungkan ga hpe tsawra ai a majaw, ngai hpe kau da nna, Htesaloni mare de sa mat wa sai; Kareka gaw Galati mung de, Titu gaw Dalamati mung de, sa mat wa masai.

2 PETRU 1:8

Kaning rai nme law, dai hte gaw nanhte hta e rawng nga nna, law htam wa myit yang gaw, anhte a Madu Yesu Hkristu a chye chyang ai lam hta, nanhte kaman lila rai nga ai hte asi nsi lu na myit dai, n rai.

YUDA 1:12

Shanhte gaw, nanhte hte rau poi galaw sha ai shaloi jang, nanhte a tsawra poi ni hta makoi nga ai lungbra ni, rai nga ma ai: hpa n hkrit kaya let, tinang hkum sha jau la ai sagu rem ai ni mung, rai nga ma ai: nbung e shapoi nna marang n rawng ai sumwi; lahkawng lang si mat nna, ru hte nawng baw kau ai, asi n si ai ginhtawng jaga na hpun;